سرڪاري اسڪولن ۾ داخلا مهم 2012-2011 لاءِ حيدرآباد جي تعليمي عملدارن، سپروائيزرن، ۽ سينيئر استادن گورنمينٽ نيول راءِ هيرانند هاءِ اسڪول سوسائٽي کان پريس ڪلب حيدرآباد تائين هڪ ريلي جو اهتمام ڪيو
حيدرآباد: سنڌ جي تعليم کاتي جي انتظاميه جي خصوصي هدايتن تحت حيدرآباد ضلعي جي سرڪاري اسڪولن ۾ داخلا مهم 2012-2011 لاءِ ايگزيڪيوٽو ڊسٽرڪٽ آفيسر ايجوڪيشن حيدرآباد نياز احمد لغاري جي اڳواڻي ۾ حيدرآباد جي تعليمي عملدارن، سپروائيزرن، ۽ سينيئر استادن گورنمينٽ نيول راءِ هيرانند هاءِ اسڪول سوسائٽي کان پريس ڪلب حيدرآباد تائين
هڪ ريلي جو اهتمام ڪيو ويو _ريلي ۾ شرڪت ڪندڙن جي هٿن ۾ بينرز ۽ پلي ڪارڊز کنيل هئا جن تي تعليم جي اهميت بابت نعرا لکيل هئا _ ريلي کي خطاب ڪندي اي ڊي او ايجوڪيشن حيدرآباد نياز احمد لغاري چيو ته ان مهم کي ڪامياب بنائڻ لاءِ سمورا وسيلا ڪتب آندا ويندا ۽ اهو هڪ جهاد آهي جيڪڏهن اسان ايمانداري سان ان مهم کي ڪامياب بڻايون ته سرڪاري اسڪولن تي عوام جو اعتماد بحال ٿيڻ سميت تعليم جي معيار کي بهتر بڻائڻ ۾ مدد ملندي _ هن ماڻهن تي زور ڀريو ته اهي پنهنجي ٻارڙن کي سرڪاري اسڪولن ۾ داخل ڪرائي پنهنجي گهريلو بجيٽ ۾ گهٽتائي آڻي سگهن ٿا جڏهن ته سرڪاري اسڪولن ۾ اعليٰ تربيت يافته استاد شآگردن کي بهتر طريقي سان تعليم فراهم ڪري رهياآهن _ هن چيو ته سرڪاري اسڪولن ۾ داخلا ۽ ڪتاب مفت ڏنا پيا وڃن جڏهن ته شآگردياڻين ۾وظيفن سميت ضرورتمندن شآگردن کي اسڪالرشپ پڻ فراهم ڪئي پئي وڃي _ ان موقعي تي ڊي اي او سيڪنڊري فراست سلطانه ، ڪوآرڊينيٽر اسپورٽس اّذڪار احمد مغل ، فريد احمد ميمڻ الياس ڀٽي، غلام عباسي، سعيد الرحمان، صديق غوري، مبارڪ عباسي، انور دانش، عارف شاهه ۽ رشيد خان به شرڪت ڪئي _ بعد ۾ اي ڊي او ايجوڪيشن. پريس ڪلب حيدآباد وٽ اسڪولن ۾ داخلا جي دلچسپي رکندڙ ٻارڙن ۾ داخلا فارم ورهايا