حيدر آباد

خانزاده راجپوت ويلفيئر وسيله فائونڊيشن جي ڪنوينشن ۽ پهرين بهادر ناهر خان راجپوت ايوارڊ تقريب کي خطاب ڪندي خانزاده راجپوت ويلفيئر وسيله فائونڊيشن جي سربراهه راشد اختر خانزادي چيو ته برادري جي خدمت الله جي رضا لاءِ ڪري رهيا آهيون ۽ ان ڏس ۾ جيڪي ماڻهو اسان سان سهڪار ڪري رهيا آهن انهن جا ٿورائتا آهيون ۽ اسين چاهيون ٿا ته باهمي امداد جو اهو سلسلو جاري رهي – ان موقعي تي ڊاڪٽر صابر اختر خانزادي چيو ته برداري ۾ جيتري اتحاد جي ضرورت اڄ آهي ان کان اڳ ڪڏهن به نه هئي ۽ ان اتحاد لاءِ سمورن اختلافن کي پاسي تي رکي پنهنجو ڪردار ادا ڪرڻ جي ضرورت آهي

جيجي زرينه بلوچ جهڙا انقلابي ڪردار پوئتي پيل ۽ غلام معاشرن لاءِ تبديلي جي ضمانت ٿين ٿا، ملڪ جي جمهوريت جي بحالي ، ون يونٽ جي خاتمي ، سنڌو درياهه تي بند ٻڌڻ خلاف ، ملڪي ۽ سنڌ جي قومي حقن لاءِ جيجي گيتن ، ڪهاڻين ۽ عملي طور تي لانگ مارچن ذريعي جدو جهد ڪري سنڌ ۾ مزاحمتي ڪردار طور پنهنجي تاريخ رقم ڪرائي اهڙو اظهار ثقافت کاتي جي صوبائي وزير حيدرآباد ۾ ڳڙهي خدابخش بيگم نصرت ڀٽو جي جنازي ۾ ويندي جيجي زرينه بلوچ جي ڇهين ورسي جي حوالي سان ميڊيا جي نمائندن سان ڳلهائيندي ڪيو هن چيو ته اسان پنهنجي قومي ڪردارن کي مڃتا طور ڀيٽا ڏيندي ايندڙ نسلن تائين سندن اهميت پهچائڻ جو پڪو پهه ڪيو آهي ۽ جيجي زرينه بلوچ به عظيم قومي ڪردار آهي

صوبائي وزير ثقافت سسئي پليجو ملڪ جي پهرين چونڊيل وزيراعظم شهيد ذوالفقار علي ڀٽو جي گهر واري ۽ شهيد جمهوريت محترمه بينظير ڀٽو جي امڙ نصرت ڀٽو جي وفات تي پنهنجي ڏک جو اظهار ڪندي چيو آهي ته بيگم نصرت ڀٽو انتهائي بهادر عورت هئي جنهن آمر ضيا جي جبر ۽ ڏاڍ سبب ڀٽو صاحب جي جيل ۾ هجڻ ڪري پنهنجي خاندان ٻارن ۽ پارٽي کي متحد رکڻ ۾ وڏو ڪردار ادا ڪيو جڏهن ته ايم آر ڊي جي تحريڪ ۽ جمهوريت لاءِ بيگم نصرت ڀٽو جون قربانيون ناقابل فراموش آهن - اهڙو اظهار هن اڄ مرحوم بيگم نصرت ڀٽو جي وفات تي پنهنجي جاري ڪيل تعزيتي بيان ۾ ڪيو

سنڌ زرعي يونيورسٽي ٽنڊوڄام ۽ پاڪستان سائنس فائونڊيشن جي گڏيل سهڪار سان تحقيقي ۽ تعميري منصوبا جوڙڻ جي حوالي سان ٻن ڏينهن جو ٽريننگ ورڪشاپ جي افتتاحي تقريب کي خطاب ڪندي زرعي يونيورسٽي ٽنڊوڄام جي وائيس چانسلر ڊاڪٽر عبدالقادر مغل چيو آهي ته پاڪستان سائنس فائونڊيشن جي سهڪار سان ٻوڏ ۽ برسات سبب ٿيل تباهين کي منهن ڏيڻ لاءِ زراعت، معيشيت، آبپاشي ماحوليات ۽ ٻين شعبن جي بحالي بابت منصوبا جوڙڻ لاءِ يونيورسٽي جا اسڪالر پنهنجو ڪم شروع ڪن ۽ جڏهن ته کاڌخوراڪ کي بهتر ۽ سستي اگهن ۾ دستيابي، غربت جي روڪڻ لاءِ منصوبن تي جديد بنيادن تي تحقيق ڪرڻ جي ضرورت آهي

اڳوڻي صوبائي وزير ڊاڪٽر ذوالفقار مرزا حڪومتي پاليسين خلاف سکر کان ڪراچي جلسا ڪرڻ ۽ پيپلزامن ڪميٽي کي نئين نالي سان ٻيهر سرگرم ڪرڻ جو اعلان ڪري ڇڏيو.سنڌ ڪابينا جي 4 صوبائي وزيرن ۽ پيپلز پارٽي سان تعلق رکندڙ 18 ايم پي ايز اڳوڻي صوبائي وزير ڊاڪٽر ذوالفقار مرزا سان سندس رهائشگاهه تي ملاقات ڪئي، ذوالفقار مرزا سان ملاقات ڪندڙ سڌ سماءَ وارو صوبائي وزير شرجيل انعام ميمڻ، صوبائي وزير ايڪسائيز مڪيش ڪمار چاولا، صادق ميمڻ، ايم پي اي امداد پتافي، عمران لغاري، نواز تيمور ٽالپر، نصرالله بلوچ، غلام محمد شهلياڻي، فياض احمد ٻٽ، جاويد شاهه جيلاني، سليم هڱورو، عائشه کوسو، پتمبر سيوهاڻي ۽ ٻيا شامل هئا

سنڌ زرعي يونيورسٽي ٽنڊوڄام جي وائيس چانسلر ڊاڪٽر عبدالقادر مغل چيو آهي ته يونيورسٽي جا ملازم يونيورسٽي جي خوبصورتي جا ضامن آهن ۽ هنن اداري جي ترقي ۾ اهم ڪردار ادا ڪيو آهي، هن اها ڳالهه يونيورسٽي جي 35-ڪچن ملازمن ۾ پڪا آرڊر ڏيڻ واري تقريب کي صدارتي خطاب ڪندي چئي، هن چيو ته يونيورسٽي جي جڏهن به مشڪل مرحلو آيو ته يونيورسٽي جي ملازمن سخت محنت ڪئي ۽ خاص طور تي يونيورسٽي جي بجيٽ جي کوٽي جي ڏينهن ۾ ملازمن پنهنجي هڪاري ڪردار ادا ڪيو ۽ اڄ يونيورسٽي جي خوبصورتي ۽ ليبارٽرين ۾ ٿيندڙ تحقيق ۾ ملازمن جو ڪم نظر ايندو آهي

سنڌ زرعي يونيورسٽي ٽنڊوڄام جي وائيس چانسلر ڊاڪٽر عبدالقادر مغل چيو آهي ته يونيورسٽي جا ملازم يونيورسٽي جي خوبصورتي جا ضامن آهن ۽ هنن اداري جي ترقي ۾ اهم ڪردار ادا ڪيو آهي، هن اها ڳالهه يونيورسٽي جي 35-ڪچن ملازمن ۾ پڪا آرڊر ڏيڻ واري تقريب کي صدارتي خطاب ڪندي چئي، هن چيو ته يونيورسٽي جي جڏهن به مشڪل مرحلو آيو ته يونيورسٽي جي ملازمن سخت محنت ڪئي ۽ خاص طور تي يونيورسٽي جي بجيٽ جي کوٽي جي ڏينهن ۾ ملازمن پنهنجي هڪاري ڪردار ادا ڪيو ۽ اڄ يونيورسٽي جي خوبصورتي ۽ ليبارٽرين ۾ ٿيندڙ تحقيق ۾ ملازمن جو ڪم نظر ايندو آهي

سنڌ زرعي يونيورسٽي ٽنڊوڄام جي وائيس چانسلر ڊاڪٽر عبدالقادر مغل يونيورسٽي ۾ پڙهندڙ شاگردن، ملازمن ۽ آفيسرن تي زور ڏنو آهي ته هو پنهنجي ماحول کي صاف سٿرو رکڻ، مليريا ۽ ڊينگي جي امڪاني حملن کان بچڻ لاءِ ذميداري جو مظاهرو ڪن، هن اها ڳالهه يونيورسٽي ۾ گندگي سب مڇرن جي پيدا ٿيڻ کي روڪڻ لاءِ شروع ڪيل 10-ڏينهن واري صفائي مهم جو افتتاح ڪرڻ بعد خطاب ڪندي ڪيو، هن چيو ته يونيورسٽي جي باغ، پارڪن، رهائشي ڪالونين توڙي شاگردن جي هاسٽل ڪمرن کي صاف ڪري ان تي مڇرن کي وڌڻ کان روڪڻ لاءِ جي لاءِ سڀني ڌرين کي پنهنجي ذميواري نڀائڻ جي هدايت ڪئي، ه ن چيو ته اڄوڪي مهم 10-ڏينهن تائين جاري رهندي، جنهن ذريعي صفائي سان گڏ اداري جي خوبصورتي ۽ رهائشي ڪالوي ۽ شاگردن جي هاسٽلز کي مليريا ۽ ڊينگي جهڙي مرضن کان پاڪ رکڻ لاءِ هر ممڪن اپاءَ ورتا ويندا

ٻيلي کاتي جي صوبائي سيڪريٽري سهيل اڪبر شاهه جنهن کي ضلعي سطح تي سنڌ ۾ برسات سبب متاثر ٿيل علائقن حيدرآباد ، ٽنڊو محمد خان ، ٽنڊو الهيار ۽ مٽياري ضلعن ۾ جاري رليف آپريشن جو نگران مقرر ڪيو ويو آهي چيو آهي ته مستقبل ۾ قدرتي آفتن کي منهن ڏيڻ ۽ برسات متاثرن کي درپيش مسئلن جي فوري حل لاءِ ننڍي ۽ ڊگهي مدي واريون پاليسيون جوڙيون ويون آهن جڏهن ته حڪومت متاثر علائقن ۾ امدادي سرگرميون تيز ڪري ڇڏيون آهن ۽ اميد آهي ته ٿوري وقت ۾ صورتحال معمول تي اچي ويندي. اهڙو اظهار هن اڄ ضلعي ايڊمنسٽريٽر حيدرآباد احمد بخش ناريجو جي آفيس ۾ ساڻس ملاقات دوران ڪيو. ان موقعي تي ايم اين اي سيد امير علي شاهه ڄاموٽ جيڪو رليف ڪيمٽي جي ميمبر پڻ آهي ، ٽِي ايم اوز ، ايڇ ڊي اي ۽ ضلعي انتظاميه جا عملدار پڻ موجود هئا.

ڊائريڪٽر جنرل هيلٿ سنڌ حيدرآباد ٻڌايوآهي ته تازين برساتن دوران هن وقت تائين مقررڪيل ۽ گشتي طبي ڪيمپن ذريعي 977363مريضن جو علاج ڪيو ويوآهي. هن چيو ته هڪ جاءِ مقرر ڪيل 241۽ 162گشتي طبي ڪيمپن کي فعال بڻايو ويو آهي جتي 1450 ماڻهن تي مشتمل طبي عملو پنهنجا فرض ادا ڪري رهيو آهي. هن ٻڌايو ته977363مريضن مان 441038مريضن جو مقرر ڪيل طبي ڪيمپن ۾ علاج ڪيو ويو جڏهن ته 536325 مريضن کي گشتي طبي ڪيمپن ذريعي علاج جون سهولتون مهيا ڪيون ويون آهن. پنهنجي رپورٽ ۾ هن وڌيڪ ڄاڻايو آهي ته برسات متاثرن ۾ چمڙي جون بيماريون وڌيڪ پکيڙجي رهيون آهن ۽ هن وقت تائين 162400 چمڙي جي بيماري ۾ ورتل مريضن جو علاج ڪيو ويو آهي جڏهن ته اکين جي انفيڪشن جي بيماري جي49587 مريضن جو علاج پڻ ڪيو ويو