سکر

پاڪستان مسلم ليگ فنڪشنل ليگ اڳواڻ ۽ سکر پي ايس 2 جي اميدوار عبدالقادر گهمرو چيو آهي ته 10 جماعتي اتحاد طرفان پي ايس 2 لاءِ بيهاريل جي يو آءِ اميدوار عبدالغني کوسو منهنجي حق ۾ هٿ کڻي ويندو جيڪڏهن هن هٿ نه کنيو ته آءٌ آزاد اميدوار طور چونڊ وڙهندس ڇاڪاڻ تي هينئر عوام کي سٺي قيادت جي ضرورت آهي

سکر ۾ پريس ڪلب تائين نوناري برادري جي ماڻهن ڳوٺ الله نواز نوناري بچل شاهه مياڻي کانريلي ڪڍي نعرا هڻندي پهتا جنهن ۾ برادري جي وڏي تعداد ۾ ماڻهن شرڪت ڪري يڪتهجي جو اظهار ڪيو ان موقعي تي قادر بخش، جادل ، محمد نواز ، حاجي محمد هاشم، بخشڻ نوناري ۽ ٻين چيو ته هر حڪومت نوناري برادري جي نوجوانن کي نظر انداز ڪيو پڙهيل لکيل نوجوان بيروزگار ۽ تڪليفن ۾ مبتلا رهيا آهن

صالح پٽ پي ايس 4 جي آزاد اميدوار يار محمد خان ڀنڀرو جو والد اڳوڻو تعلقه ناظم سمون خان ڀنڀرو ايران کان صالح پٽ پهتو سکر ايئرپورٽ کان سون جي تعداد ۾ موٽر سائيڪل ۽ سوين موٽر ڪارين جي ڪافلي سان ڳوٺ سمون ڀنڀرو پهتو ، ريگستاني علائقي ڳوٺ سمون ڀنڀرو ۾ پهچڻ تي هزارين ماڻهن سندس استقبال ڪيو

جهنگلي جيوت کاتي جي ٽيم غلام محمد گڏاڻي جي اڳواڻي ۾ ڳجهي اطلاع تي ڪوٽ ڏجي کان سکر ايندڙ شهزور گاڏي تي ڇاپو هڻي گاڏي ۾ رکيل ڪاري رنگ جا 6 ناياب نسل جا هرڻ هٿ ڪري محمد سليمان سميت ٽن ڄڻن کي گرفتار ڪري ورتو

سکر اين اي 198 جو اميدوار نعمان اسلام شيخ چونڊ مهم لاءِ ميدان تي لهي پيو، بئراج ڪالوني جي رهواسين پاران مسئلا حل نه ٿيڻ ۽ سالن کانپوءِ تڪ ۾ اچڻ تي ڇتي تنقيد، اميدوار تنقيد باوجود هٿ ٻڌي ووٽ گهرندو رهيو

اڳوڻو سينيٽ چيئرمين محمد ميان سومرو، اعجاز خان جکراڻي، رافع اڪبر راشدي، سيف الله ڌاريجو کي چونڊ وڙهڻ جي اجازت، سندن خلاف داخل اعتراض واريون درخواستون رد، تفصيل موجب الڪيشن ٽربيونل ۾ مختلف اميدوارن خلاف داخل اعتراضن جي ٻڌڻي واري آخري ڏينهن تي اڳوڻي سينيٽ جي چيئرمين محمد ميان سومرو ۽ اڳوڻي وفاقي وزير اعجاز جکراڻي پيش ٿي وڪيلن معرفت پنهنجن اعتراضن تي جواب ڏنا

صالح پٽ پي ايس 4 جي اميدوار يار محمد ڀنڀرو پاران ڳوٺ غلام رسول ڪلادي جي ڳوٺاڻن ووٽ کان کٿو جواب ڏيڻ تي ڳوٺاڻن جا ٻه گهر ڊاهي پٽ ، عورتن ۽ ٻارڙن تي تشدد ڳوٺ خالي ڪرڻ جو حڪم ڳوٺاڻن پاران احتجاجي مظاهرو

سکر ۾ پ پ اندر عملي طور ڏڦيڙ پئجي ويو شهري عوامي اتحاد طرفان جلسي ۾سکر جي تباهي جو ذميوارسيد خورشيد شاهه کانسواءِ پ پ جي سينيٽر اسلام الدين شيخ،سندس ايم اين اي پٽ نعمان اسلام شيخ،ايم پي اي ڊاڪٽر نصرالله بلوچ ۽ حاجي انور خان مهر کي قرار ڏيندي کين ووٽ نه ڏيڻ جو اعلان ڪيو آهي

چونڊن جي ويجهو ايندي سرگرميون تيز ٿيڻ وارو سلسلو جاري آهي سکر ۾ متحده ديني محاذ طرفان سکر جي پي ايس 2 جي اميدوار کي ڪامياب ڪرڻ لاءِ شهر جي مختلف علائقن جي ماڻهن سان گڏجاڻين جو سلسلو تيز ڪندي گهر گهر ووٽ حاصل ڪرڻ لاءِ منصوبا بندي ڪئي وئي

سکر پريس ڪلب آڏو ٺري ميرواهه جي ڳوٺ الله آباد جي رهواسين علائقي جي بااثر وڏيري پاران گهرن مان بيدخل ڪرڻ خلاف احتجاجي مظاهرو ڪيو، جنهن ۾ شامل ، مسمات حاڪم زادي، سون خاتون، رڪ خاتون شر ۽ خادم علي ميڊيا کي ٻڌايو ته علائقي جي بااثر وڏيري پوليس جي مدد سان اسان جي گهر تي حملي ڪري گهر خالي ڪرائي ڇڏيو