سکر

ڊي پي او سکر اعتزاز احمد گورايا روزانه ڪاوش ۾ 06 جون 2011 تي شايع ٿيندڙ هڪ خبر جي هيڊ لائن جنهن ۾ ڄاڻايو ويو آهي ته سکر مان 08 ماڻهون اغوا ٿي ويا آهن واري خبر جي ترديد ڪئي آهي. ڊي پي او خبر جي وضاحت ڪندي چيو آهي ته ڊينٽر شڪيل احمد ۽ پينٽر ظهيرالدين مغل جيڪي ٻيئي واري تڙ روڊ سکر جا رهندڙ آهن اهي حيدر آباد کان موٽندي راڻي پور ضلعي خيرپور مان اغوا ٿيا هئا جڏهن ته اشفاق عرف بابو ڪمانگر زاهد مغل ۽ ناصر مغل جيڪي ڪوئيٽا ويل هئا اهي ڪار سميت ڊيرا مراد جمالي، بلوچستان مان اغوا ٿيا هئا. جڏهن ته فيصل مغل جيڪو غريب آباد سکر جو رهندڙ آهي ۽ ميڊيسن ڪمپني ۾ ڪم ڪندو هو

مينيجنگ ڊائريڪٽر سنڌ ايريگيشن اينڊ ڊرينيج اٿارٽي (سيڊا) حيدر آباد مختلف ضلعن جي ايگزيڪيوٽو انجينئرن ۽ اسسٽنٽ ايگزيڪيوٽو انجينئرس کي فلڊ ايمرجنسي دوران گهوٽڪي فيڊر ڪينال ايريا واٽر بورڊ ۽ ليفٽ بينڪ ڪينال ايريا واٽر بورڊ (سيڊا) کي سال 2011 لاءِ پنهنجي اصل ذميدارين سان گڏفوڪل پرسن مقرر ڪيو آهي. تفصيل مطابق غلام مصطفيٰ ڪلوڙ ايگزيڪيوٽو انجينئر ميرپور ڊويزن (ايريگيشن) ايٽ ميرپور ماٿيلو آفيس فون نمبر 0723652186 رهائش نمبر 03022446924 کي گهوٽڪي ضلعي لاءِ عابد علي نائچ ايگزيڪيوٽو انجينئر گهوٽڪي ڊويزن (ايريگشن) ايٽ گهوٽڪي آفيس فون نمبر 0723684826 رهائش نمبر 03002582369 کي ضلعي گهوٽڪي ۽ ضلعي سکر لاءِ، خورشيد احمد کوکر، اسسٽنٽ ايگزيڪيوٽو انجينئر ميرپور بند سب ڊويزن ايٽ گهوٽڪي رهائش فون نمبر 03022446924

ڪمانڊنگ آفيسر پاڪستان ايئرفورس انفارميشن اينڊ سليڪشن سينٽر سکر اعلان ڪيو آهي ته پاڪستان ايئر فورس ۾ 108 نان جي ڊي ڪورس لاءِ انجينئرنگ ايجوڪيشن، ميڊيڪل،( جي ڊي ايم او، اسپشلسٽس) شعبن ۾ ايس پي ايس ايس سي آفيسر ۽ آئي ٽي لا جسٽڪس، اڪائونٽس ۽ ليگل شعبن ۾ ايس ايس سي آفيسرن لاءِ رجسٽريشن 07 جون کان 14 جون 2011 تائين مٿي ذڪر ڪيل سينٽر تي جاري آهي. پاڪستاني شهري ۽ گهربل تعليمي لياقت رکندڙ خواهش مند اميدر وارن کي مشوروڏنو ويو آهي

: ترڪي جي اين جي او، خبيب فائونڊيشن آف پاڪستان ۽ پاڪستان آرمي پنو عاقل ڇانوڻي طرفان قائم ڪيل واٽر فلٽر پلانٽ والس روڊ جو افتتاح ترڪي جي وفد جي سربراهه محمد قرا ڪيو. هن پلانٽ تي به لک ڊالر لاڳت آئي آهي هي پلانٽ 25 هزار ميٽر في ڪلاڪ پاڻي سپلائي ڪندو. ترقي جي 8 ميمبرن جي سربراهه محمد قرا انهي موقعي تي خطاب ڪندي چيو ته ترقي جي عوام جي طرفان پاڪستاني ڀائرن لاءِ هي هڪ ننڌ تحفو آهي ۽ ترڪي جو عوام پاڪستان جي ڏک ۾ برابر جو شريڪ آهي. هن چيو ته اسان هن ملڪ کي پنهنجو ملڪ سمجهندي پنهنجي ڀائرن جي خدمت ڪرن پنهنجو اخلاقي ۽ ديني فرض سمجهون ٿا. هن وڌيڪ ٻڌايو ته ترقي جي اين جي او 75 گهر پاڪستان ۾ ٺهرايا آهن

سکر بندر وال جي رهواسين علائقو نه ڇڏڻ جو اعلان ڪندي ڀرپور مزاحمت جو فيصلو ڪيو آهي،جڏهن ته سنڌ جي وڏي وزير سيد قائم علي شاهه جو چوڻ آهي ته هو علائقو خالي ڪرائڻ لاءِ انتظاماايڪشن کڻندي ۽ ڪجهه ماڻهن جي ڪري لکين ماڻهن جي زندگيون داءَ تي نه ٿا لڳائي سگهن،بندروال جي رهواسين کين لڏائڻ واري حڪومتي فيصلي خلاف احتجاجي مظاهرو ڪيو.بندر وال جي رهواسين مرد ۽ عورتن احتجاجي مظاهرو ڪري حڪومتي فيصلي خلاف نعريبازي ڪئي.ان موقعي تي ميڊيا سان ڳالهائيندي رهواسين چيو ته ڊي ڊي او روينيو پاران ڪيل سروي وارو ڪم بهتر آهي، پر امداد ڏيڻ وارو طريقڪار غلط آهي.هنن چيو ته اي ڪيٽيگري لاءِ پنجاهه ، بي لاءِ 25 ۽ سي لاءِ 5 لک رپيا ڏنا وڃن.اڳواڻن چيو ته جيستائين سندن مطالبا منظور نه ڪيا ويندا تيستائين هو پنهنجا گهر نه ڇڏيندا.ٻئي طرف وڏو وزير سيد قائم علي شاهه معاملي جي حل لاءِ سکر پڻ پهچي ويو آهي،ميڊيا سان ڳالهائيندي هن چيو ته هلندڙ سال به ٻوڏ جو پاڻي تمام گهڻو آهي، جيڪو سکر بئراج وٽان ئي گذرندو

: ماحوليات جي عالمي ڏينهن جي موقعي تي ماحول جي تحفظ جي اداري اي پي اي ريجنل آفيس سکر طرفان ڊائريڪٽر اي پي اي سنڌ وقار حسين ڦلپوٽو جي اڳواڻي ۾ اپوا اسڪول سکر کان مڪي مسجد سکر تائين هڪ واڪ منعقد ڪئي ويئي. ان موقعي تي ڊائريڪٽر ماحوليات سنڌ وقار حسين ڦلپوٽو خطاب ڪندي ماحول جي گدلاڻ کان بچڻ لاءِ ماڻهن ۾ سجاڳي پيدا ڪرڻ تي زور ڀريو هن ماحول جي گدلاڻ سبب خطرات کان پڻ آگاهي ڏني. هن واڪ ۾ زندگي جي مختلف شعبن سان واسطو رکندڙ ماڻهن جي وڏي انگ شرڪت ڪئي. واڪ جي اختتام تي اپوا اسڪول سکر جي ٻارن ۽ ٻين واڪ ۾ شريڪ ماڻهن قاسم پارڪ جي صفائي مهم ۾ حصو ورتو. بعد ۾ اي پي اي ريجنل آفيس سکر ۽ اپوا اسڪول سکر جي تعاون سان هڪ سيمينار پڻ اپوا اسڪول ۾ منعقد ڪيو ويو.

)جي يو آءِ جي مرڪزي امير ۽ قومي ڪشمير ڪميٽي جي چيئرمين مولانا فضل الرحمان چيو آهي ته آمريڪا نائن اليون جو ڊرامو رچائي ڪري دهشتگرديءَ جي آڙ ۾ مسلمانن خلاف صليبي جنگ شروع ڪري فوجي ڊڪٽيٽر پرويز مشرف آمريڪا جي حمايت ڪري عالم اسلام جي پٺيءَ ۾ ڇرو هنيو آهي. ۽ موجوده جمهوري حڪومت به صليبي ڇرو ڪڍڻ بجاءِ ان کي وڌيڪ اندر ڪري رهي آهي. تاريخ انهن کي ڪڏهن به معاف نه ڪندي. مولانا فضل الرحمان اهڙن خيالن جو اظهار جي يو آءِ ضلع سکر جي رهنمائن مولانا عبدالقيوم، مولانا محمد صالح انڍهڙ، مولانا عبدالحق مهر ۽ مولانا عبيداللہ ڀٽو سان ٽيلي فون تي ڳالهيون ڪندي ڪيو

سکر(بيورورپورٽ)ڪنڌرا کان روهڙي روڊ جو ڪم گذريل چئن سالن ۾ مڪمل ٿي نه سگهي. علائقي جا هزارين ماڻهو سخت پريشان روڊس کاتي جي عملدارن جي نااهلي ۽ ٺيڪيدارن جي لاپرواهيءَ جي ڪري اٺن ڪروڙن کان وڌيڪ لاڳت واري روڊ جو ڪم سست رفتاري ، ناقص ميٽريل جي استعمال سان ٿيڻ ڪري عوام سخت پريشان آهي هتان جي سياسي، سماجي تنظيمن طرفان روڊس کاتي جي عملدارن ۽ ٺيڪيدارن خلاف هاءِ ڪورٽ ۾ پٽيشن داخل ڪرڻ جو فيصلو ڪيو آهي.

سکر(بيورورپورٽ) پ پ يوٿ سپاف (شهيد ڀٽو) ضلعي سکر طرفان پاڪستان پيپلزپارٽي شهيد ڀٽو چيئرپرسن غنويٰ ڀٽو جي 8 4 سالگرهه جتوئي هائوس بچل شاهه مياڻي سکر ۾ ملهائي ويئي. سالگرهه تقريب ۾ مرڪزي ڪلچرل ونگ پ پ (شهيد ڀٽو) نيڪ محمد ڪورائي پ پ شهيد ڀٽو ضلعي سکر سينئر نائب صدر دين محمد ڪورائي يوٿ (شهيد ڀٽو) مرڪزي سينيئر نائب صدر دلمراد جتوئي، محمد عيدن جتوئي، پرويز انڍهڙ، ياسين احمد، علي مراد مهر، توفيق احمد، ظهير احمد، محسن شيخ، ڪاشف علي مستوئي، نذير احمد ارشد ڪٽپر ۽ ٻين اڳواڻن شرڪت ڪئي. ان موقعي تي مٿين اڳواڻن خطاب ڪندي چيو ته غنويٰ ڀٽو ذهين بهادر سياستدان ۽ پنهنجي ملڪ جي غريب عوام سان محبت ڪندڙ رهبر آهي. هن قائد شهيد مير مرتضيٰ سان شهادت کان پوءِ پارٽي ۽ هن ملڪ لاءِ پنهنجي جان وقف ڪري ڇڏي آهي. محترمه غنويٰ ڀٽو پاڪستان جي واحد ليڊر آهي. جنهن هن ملڪ جي عوام جي خلاف ڪيل هر فيصلي جو سڀ کان پهريان آواز اٿاريو آهي. ۽ هن ڀٽو خاندان پاران سياست جي پيروي ڪندي مزاحمتي سياست ڪئي ۽ ڪنهن به ظالم يا آمر جي اڳيان نه جهڪي ۽ ڪنهن به جڳهه تي عوام جي حقن تي سودو نه ڪيو.

سکر(بيورورپورٽ)جسقم طرفان سکر جي نساسڪ عملدارن طرفان ملازمن کي برطرف ڪرڻ واري عمل خلاف احتجاج جو سلسلو جاري آهي جسقم ڪارڪنن ڪنڌرا پريس ڪلب اڳيان علامتي بک هڙتال ڪري نساسڪ عملدارن خلاف سخت نعريبازي ڪئي. علامتي بک هڙتال تي ويٺل ڪارڪنن اضغر ٻرڙو، جهانگير ٻرڙو، حميد سومرو ۽ ٻين مطالبو ڪيو ته برطرف ڪيل ملازمن کي فوري طور تي بحال ڪيو وڃي