لاھور

”ڪالاباغ ڊيم ضرور ٺهڻ گهرجي“ پنجاب اسيمبلي ۾ وزيراعظم جي پٽ عبدالقادر گيلاني حمايت ڪري ڇڏي

پنجاب اسيمبلي ۾ بجيٽ بحث دوران ڪالاباغ ڊيم ٺاهڻ جي اعلانن جو سلسلو جاري آهي، گذريل ڏينهن واري اسيمبلي اجلاس ۾ نواز ليگ جي ايم پي اي، چوڌري عبدالوحيد پنهنجي تقريب دوران ڪالاباغ ڊيم جي مخالفت کي وڏو دهشتگرد قرار ڏنو هو ۽ تنقيد ڪندي چيو هو ته ڪالاباغ ڊيم جي خلاف ٿيندڙ دهشتگردي کان وڌيڪ ٻي ڪا دهشتگردي ناهي، ان دهشتگردي کي ختم ڪري ڪالاباغ ڊيم ٺاهيو وڃي. جڏهن ته ڪالهه نواز ليگ جي ايم پي اي چوڌري سرفراز احمد ۽ ممتاز احمد پنهنجي تقرير ۾ اعلان ڪندي چيو ته ڪالاباغ ڊيم جي لاءِ پهريان به نواز ليگ رقم رکي هئي ۽ نواز شريف جي حڪومت ختم نه ڪئي ته ڪالاباغ ڊيم هينئر ٺهيل هجي ها

وڌيڪ پڙھو

ملڪ ۾ سڀ کان وڏا دهشتگرد ڪالاباغ ڊيم مخالف آهن:نواز ليگ ميمبر راڻا افضل

بجيٽ تي بحث لاءِ پنجاب اسيمبلي جو اجلاس جيئن ئي شروع ٿيو ته اپوزيشن ليڊر راجا رياض احمد پوائنٽ آف آرڊر تي ڳالهائيندي چيو ته جناب اسپيڪر اسان قانون واري وزير راڻا ثناءُ الله جي ان بيان جي شديد لفظن ۾ مذمت ٿا ڪريون جنهن ۾ هن بابر اعواڻ کي قتل ڪرڻ جي فتويٰ ڏني آهي، هن چيو ته هن چيو ته بابر اعواڻ سميت ڪنهن پيپلز پارٽي جي اڳواڻ يا ڪارڪن کي پنجاب ۾ نقصان پهتو ته ان جي ايف آءِ آر قانون واري وزير راڻا ثناءُ الله ۽ وزير اعليٰ پنجاب شهباز شريف خلاف داخل ڪرائي ويندي، هن چيو ته راڻا ثناءُ الله شيطاني ذهن رکندڙ ماڻهو آهي، هو صوبي ۾ ڏڦيڙ پيدا ڪرڻ چاهي ٿو، هن جا واسطا پابندي پيل مذهبي تنظيمن ۽ دهشتگردن سان آهن، شهيد گورنر پنجاب سلمان تاثير جي قتل جا پيرا به راڻا ثناءُ الله ڏانهن وڃي رهيا آهن، هي دهشتگردن جو سربراهه ۽ قبضا مافيا جو اڳواڻ آهي، جيترا هي شريفن جي حق ۾ نعرا هڻي رهيو آهي ان کان پهريان هي مشرف ۽ ٻين اڳواڻن جي حق ۾ نعرا هڻندو هو ۽ شريف ڀائرن کي گاريون ڏيندو هو.

وڌيڪ پڙھو

پوري دنيا وانگر مسيحي برادري پاڪستان ۾ اڄ عيد نزول ملھائي رھي آھي

اڄ پاڪستان سميت پوري دنيا ۾ مسيحي برادري روح القدس جي نزول جي عيد ملھائي رھي آھي جنھن کي عيد پينتاڪوس جي نالي سان ڄاتو ويندو آھي. ھي ڏينھن مسيحي مذھب جي اعتبار کان ڪليسا جي آغاز جو ڏينھن آھي. ان عيد سان گڏوگڏ مسيحي برادري فصلي شڪرگزاري جو ڏينھن ملھائيندي آھي ۽ گرجا گھرن کي خاص طرح اناج، ميون ۽ سبزين سان سجايو ويندو آھي. ان حوالي سان سڀ کان وڏو اجتماع پنجاب جي صوبائي گاديءَ واري ھنڌ لاھور جي ڪيٿيڊرل چرچ ۾ ٿيو جنھن ۾ ملڪي سالميت ۽ ترقيءَ لاءِ خاص دعائون گھريون ويون

وڌيڪ پڙھو

آئين ۽ عدليه ٽوڙڻ جي راند کيڏڻ نه ڏينداسين، ڪير به مقدس ڳئون بڻجڻ جي ڪوشش نه ڪري: نواز شريف

مسلم ليگ ن جي سربراهه نواز شريف چيو ته پاڪستان کي سڀ کان وڌيڪ نقصان پنهنجن ئي ادارن پهچايو ۽ غلطيون سڀني کان ٿيون آهن، انهن مان سکڻ جي ضرورت آهي، ڪنهن کي به آئين ۽ عدليه ٽوڙڻ جي راند کيڏڻ نه ڏينداسين، لاهور ۾ صحافي سليم شهزاد جي ياد ۾ ڪوٺايل تعزيتي گڏجاڻي ۾ خطاب ڪندي هن چيو ته تبديلي لاءِ پختو ارادو ٿيندو پيو وڃي. ان لاءِ جيڪو ڪجهه ڪرڻو پيو ته ڪنداسين، فوج جي بجيٽ پارليامنيٽ ۾ آڻڻ جي ڳالهه غلط آهي ۽ آءِ ايس آءِ جي بجيٽ جي هائوس ڪميٽي کي جاچ ڪرڻ گهرجي ادارن جي عزت ڪرائڻ چاهيون ٿا، نواز شريف چيو ته جيڪڏهن پنهنجي گريبان ۾ ڏٺو وڃي ها ته ايبٽ آباد ۽ پي اين ايس مهراڻ جا واقعا نه ٿين ها. وزيراعظم يوسف رضا گيلاني آمريڪي پرڏيهي وزير هليري ڪلنٽن کي چيو هو ته پارليامينٽ جي قرارداد جو احترام ڪيو وڃي پر حڪومت کي قومي اسيمبلي جي قرارداد جو پهرين پاڻ احترام ڪرڻ گهرجي. ڪشمير مسئلي کي سڀ کان وڌيڪ اسان جي ادارن نقصان پهچايو آهي، هاڻي ڪنهن کي به آئين ۽ عدليه ٽوڙڻ جي راند کيڏڻ نه ڏينداسين ۽ نه وري صحافين کي مارڻ ڏنو ويندو. جيڪڏهن ٻيهر لانگ مارچ ڪرڻو پيو…

وڌيڪ پڙھو

ايبٽ آباد ڪميشن جوڙڻ جو وڌيڪ انتظار نٿا ڪري سگهون:نواز شريف

مسلم ليگ ن جي سربراهه نواز شريف چيو ته ايبٽ آباد آپريشن جي جاچ لاءِ ڪميشن جوڙڻ جو وڌيڪ انتظار نٿا ڪري سگهون، پاڪستان کي هڪ رانديڪو بنايوويو آهي، ڪڏهن آمريت ۽ ڪڏهن ٽٽل ڦٽل جمهوريت آئي، وقت سر احتساب ٿيڻ سان ئي جمهوريت هلي سگهي ٿي، ايبٽ آباد آپريشن جي جاچ لاءِ ڪميشن نه ٺهڻ تي ملڪ جي ساک متاثر ٿي، سمجهه ۾ نٿو اچي ته حڪومت ڪميشن جوڙڻ کان ڇو گهٻرائي رهي آهي، لاهور ۾ ڪرڪيٽ سمر ڪيمپ جي افتتاح کانپوءِ ميڊيا سان ڳالهائيندي هن چيو ته شاهه آفريدي سپر اسٽار آهي.

وڌيڪ پڙھو

ملڪ ڦريندڙن ۾ ڪامورا، جج، جرنيل، سياستدان ۽ جاگيردار شامل آهن: شهباز شريف

پنجاب جي وڏي وزير محمد شهبازشريف چيو آهي ته ملڪ کي جرنيلن، سياستدانن، جاگيردارن ۽ بيوروڪريٽس سميت سڀني لٽيو آهي غريب ماڻهو اڄ تائين ڊالر جي شڪل به ناهي ڏٺي جڏهن ته پرڏيهي امداد ملڪ کي لٽيندڙ هڙپ ڪن ٿا پنجاب حڪومت پنهنجا خرچ گهٽتائي صوبي ۾ صحت ۽ تعليم جي منصوبن کي هلائيندي هو گذريل ڏينهن جي سي يونيورسٽي ۾ معاشي خودمختياري ۽ خود انحصاري جي موضوع تي منعقد سيمينار کي خطاب ڪري رهيو هو وزيراعليٰ شهبازشريف چيو ته اسان پرڏيهي امداد نه وٺڻ جو فيصلو سوچي سمجهي ڪيو آهي ۽ پرڏيهي امداد نه وٺي به صحت ۽ تعليم سميت سڀني شعبن ۾ بهتري لاءِ منصوبا جاري رکنداسين هن چيو ته پاڪستان ۾ جيتري به غير ملڪي امداد آئي آهي ان سان غريب ۽ عام ماڻهو کي ڪوئي فائدو ناهي ٿيو. هن چيو ته جيڪڏهن پرڏيهي امداد بند ڪئي وڃي ته ان سان عام ماڻهو تي ڪوئي فرق نه پوندو پر ملڪ جي خودمختياري جو تحفظ ٿيندو ۽ اسان پنهنجن پيرن تي بيهي سگهنداسين

وڌيڪ پڙھو