خيرپور
-
ستمبر- 2011 -29 ستمبر
مهراڻ يونيورسٽي ڪاليج آف انجنيئرنگ اينڊ ٽيڪنالاجي جو ملائشيا جي پنج ٽاپ رينڪنگ يونيورسٽين مان ٽن سان تعليمي ۽ تحقيقي سرگرمين جي مٽا سٽا جو معاهدو ٿي ويو
مهراڻ يونيورسٽي ڪاليج آف انجنيئرنگ اينڊ ٽيڪنالاجي جو ملائشيا جي پنج ٽاپ رينڪنگ يونيورسٽين مان ٽن سان تعليمي ۽ تحقيقي سرگرمين جي مٽا سٽا جو معاهدو ٿي ويو، معاهدي ٿيل يونيورسٽين ۾ پترا يونيورسٽي، پيٽروناس يونيورسٽي ۽ ملايا يونيورسٽي، جيڪا يو ايس ورلڊ رينڪنگ ۾ 161 هين نمبر تي آهي، شامل آهن. اهڙو معاهدو مهراڻ انجنيئرنگ يونيورسٽي ڄامشورو جي پرو وائس چانسلر پروفيسر ڊاڪٽر اسلم عقيلي ۽ مهراڻ انجنيئرنگ ڪاليج خيرپور جي پرنسپال پروفيسر ڊاڪٽر مجيب صحرائي پاران ملائشيا جي ڄاڻايل يونيورسٽين جي دوري دوران عمل ۾ آيو. معاهدي موجب ملائيشيا جي ٽاپ رينڪنگ ملايا، پيٽروناس ۽ پترا يونيورسٽي سان مهراڻ انجنيئرنگ ڪاليج گڏيل تحقيقي ۽ تعليمي سرگرميون ڪري سگهندو، جن ۾ اسڪالر شپ تحت استادن ۽ شاگردن جي مٽا سٽا، تحقيقي جرنلن سميت ٻئي تحقيقي مواد جي ڏي وٺ ۽ گڏيل ڪورسن جي ترتيب، سيمينار، ڪانفرنسون ۽ ليڪچر وغيره ڪرائڻ شامل آهن.
وڌيڪ پڙھو -
29 ستمبر
ڊي سي او خيرپور ٺري ميرواهه ۽ فيض گنج تعلقي جي مختلف علائقن جو دورو ڪيو
ڊي سي او خيرپور محمد عباس بلوچ ضلعي جي برسات متاثر علائقن جو دورو ڪيو ۽ برسات متاثر جي بحالي واري ڪم جو سراسري طور تي جائزو ورتو. ان موقعي تي ڊي سي او ٺري ميرواهه ۽ فيض گنج تعلقي جي مختلف علائقن جو دورو ڪري مختلف علائقن جي برسات متاثرن ماڻهن کان سندن حال احوال ورتا جڏهن ته کين ضروري شين جي فراهمي جي حوالي سان ڄاڻ ورتي. ان موقعي تي ڊي سي مختلف ماڻهن ۽ ميڊيا جي نمائندن سان ڳالهائيندي ٻُڌايو ته تازو سانوڻي واري برساتن جي نتيجي ۾ ضلعي جا ٽي تعلقاجنهن ۾ ٺري ميرواهه، فيض گنج ۽ نارا مڪمل طور تي متاثر ٿيا آهن جڏهن ته باقي ٻين تعلقن ۾ پڻ وڏو نقصان ٿيو آهي. ڊي سي او ٻُڌايو ته صوبائي توڙي ضلعي حڪومت پاران تمام وسيلا برسات متاثرن جي بحالي لاءِ ڪتب آندا پيا وڃن جڏهن جلد حڪومت پاران برسات متاثرآبادگارن کي مفت ٻج ۽ ڀاڻ ڏنو ويندو.
وڌيڪ پڙھو -
23 ستمبر
ايمرجنسي واري صورتحال ۾ سياست ڪرڻ سان وڌيڪ ايمرجنسي پيدا ٿيندي: ڊاڪٽر سيده نفيسه شاهه
ميمبر قومي اسيمبلي ڊاڪٽر سيده نفيسه شاهه جيلاني چيو آهي ته ايمرجنسي واري صورتحال ۾ جيڪڏهن ڪو سياست ڪندو ته وڌيڪ ايمرجنسي پيدا ٿيندي ۽ برسات متاثر جي بحالي وارو ڪم متاثر ٿيندو. هن چيو ته ڊسٽرڪٽ ڊزاسٽر مينيجمينٽ ڪاميٽي کي وڌيڪ فعال بڻايو پيو وڃي ته جيئن برسات متاثرن جي لاءِ هڪ ٽيم ورڪ جي صورت ۾ هڪ جامع پلان تحت موثر انداز ۾ خدمت ٿي سگهي. هن اهڙو اظهار ڊي سي او هائوس خيرپور جي ڪاميٽي روم ۾ ضلعي جي برسات متاثرن جي بحالي واري ڪم جي مجموعي جائزي وٺڻ واري گڏجاڻي جي صدارت ڪندي ڪيو. ايم اين اي ڊاڪٽر سيده نفيسه شاهه چيو ته ضلعي حڪومت پاران برسات متاثرن جي ڀرپور مدد ڪئي پئي وڃي جڏهن ته اڃان وڌيڪ ڪوششون وٺڻ جي ضرورت آهي.
وڌيڪ پڙھو -
20 ستمبر
پاڪ فوج هميشه ڏکئي وقت ۾ عوام سان گڏ رهي آهي: ميجر جنرل اصغر نواز
پنو عاقل ڇانوڻي جو جي او سي ميجر جنرل اصغر نواز چيو آهي ته پاڪ فوج هميشه ڏکئي وقت ۾ عوام سان گڏ رهي آهي ۽ هاڻي به تازو برساتن ۾ صوبي اندر چيف آف آرمي اسٽاف جنرل اشفاق احمد ڪياني ۽ ڪور ڪمانڊر ڪراچي جي خاص هدايتن تي برسات متاثرن جي بحالي لاءِ پاڪ فوج وڌ ۾ وڌ ڪوششون وٺي رهي آهي. هن چيو ته ضلعي حڪومت جي سهڪار ۽ تعاون سان پاڪ فوج خيرپور ضلعي جي ٻوڏ متاثر علائقن ۾ ٻوڏ متاثرن جي خدمت ڪري رهي آهي. هن اهڙو اظهار ٺري ميرواه تعلقي جي ڳوٺ صبڙ رند ۾ آرمي ميڊيڪل ڪئمپ ۽ ٻوڏ متاثرن ۾ راشن ورهائڻ واري تقريب کي خطاب ڪندي ڪيو. هن چيو ته پاڪ فوج هميشه ملڪ جي ڏکئي وقت ۾ عوام سان گڏ رهي آهي ۽ قدرتي آفتن جي نتيجي ۾ ملڪ اندر وڌ ۾ وڌ نقصان ٿيو آهي. هن چيو ته پاڪ فوج پاران تازو برساتن ۾ صوبي جي مختلف ضلعن بدين، نوشهروفيروز ، خيرپور ۽ ٻين ضلعي جي برسات متاثر علائقن جي ماڻهن جي بحالي لاءِ وڌ ۾ وڌ ڪوششون ورتيون پيون وڃن.
وڌيڪ پڙھو -
19 ستمبر
خيرپور شهر جا ڪيترائي محلا سوئي گيس جي فراهمي کان محروم
خيرپور شهر جا ڪيترائي محلا سوئي گيس جي فراهمي کان محروم، رهواسي شهر۾ ٻهراڙي واري زندگي گذارڻ تي مجبور، سوئي گيس انتظاميا رهواسين جي تڪليف جو ڪو به تدارڪ نه ڪيو، احتجاج خبر موجب وزير اعلى سنڌ سيد قائم علي شاهه جي اباڻي شهر خيرپور ۽ چونڊ تڪ جي مختلف محلن، ڪالونين اُنڙ ڪالوني، ڳاڙهي پُل، پيپلز ڪالوني، سٽيزن ڪالوني، ٽالپر ڪالوني، سچل ٽائون ۽ علائقن جي رهواسي سُئي گيس جي بنيادي سهولت کان محروم ٿي ويا آهن. گذريل ٻن سالن کان سُئي گيس جو پريشر نه هئڻ ڪري رهواسي شهر ۾ رهندي ڪاٺيون ۽ ڇيڻا ٻاري شهر ۾ به ٻهراڙي واري زندگي گذارڻ تي مجبور ٿي ويا آهن جڏهن ته سُئي گيس انتظاميه کي بار بار شڪايتن ڪرڻ جي باوجود ڪو به کڙ تيل نه نڪري سگهيو آهي جنهن ڪري ڄاڻايل علائقن جا رهواسي سخت پريشاني ۽ مايوسي جو شڪار ٿي ويا آهن.
وڌيڪ پڙھو -
17 ستمبر
ايگريڪلچر انڪم ٽئڪس جا گُشوارا جمع ڪرائڻ جي آخري تاريخ 30 سيپٽمبر مقرر ڪئي وئي
ڊسٽرڪٽ آفيسر روينيو خيرپور ضلعي جي آبادگارن ۽ زميندارن کي آگاهي ڏيندي ڄاڻايو آهي ته ايگريڪلچر انڪم ٽئڪس جا گُشوارا جمع ڪرائڻ جي آخري تاريخ 30 سيپٽمبر مقرر ڪئي وئي آهي تنهن ڪري اُهي زميندار ۽ آبادگار جن جي سال 2010 ۽ 2011 جي سالانه زرعي آمداني 80 هزار روپين کان وڌيڪ آهي ته اُهي زرعي انڪم ٽئڪس جي فارم “اي” پنهنجي لاڳاپيل ڊي ڊي او روينيو جي ذريعي 30 سيپٽمبر تائين پنهنجن زرعي انڪم ٽئڪس جي گُشوارن جي جمع ڪرائڻ جي گذارش ڪئي وئي آهي.
وڌيڪ پڙھو -
15 ستمبر
ضلعي اندر سرڪاري کاتن توڙي غير سرڪاري تنظيمن پاران برسات متاثرن جي هر ممڪن مدد ڪئي پئي وڃي: محمد عباس بلوچ
ضلعي ايڊمنسٽريٽر ڊي سي او محمد عباس بلوچ جي صدارت ۾ برسات متاثرن جي بحالي لاءِ ڊي سي او هائوس ڪاميٽي روم ۾ هڪ گڏجاڻي ٿي گذري جنهن ۾ اِي ڊي او فنانس اينڊ پلاننگ احمد علي قريشي، اِي ڊ او هليٿ ڊاڪٽر احسان الله سيال، ڊي او روينيو ڪئپٽن انوار ، نيشنل بئنڪ سکر جي ريجنل هيڊ محمد زمان ، نيشنل بئنڪ جي مختلف جنرل مئينجرس آغا بشير احمد پٺاڻ، معشوق علي خواجه، محمد رمضان بلوچ، بشير احمد سنگهڙ ، خيرپور نيشنل بئنڪ جي ايريا مئنيجر ممتاز علي ڀُٽو ۽ مختلف سماجي تنظيمن جي نمائندن شرڪت ڪئي. ان موقعي تي گڏجاڻي ۾ ڊي سي او محمد عباس بلوچ ٻُڌايو ته ضلعي اندر سرڪاري کاتن توڙي غير سرڪاري تنظيمن پاران برسات متاثرن جي هر ممڪن مدد ڪئي پئي وڃي
وڌيڪ پڙھو -
15 ستمبر
نيشنل بئنڪ آف پاڪستان جي صدر ۽ گروپ چيف طرفان دوائن جو عطيو
نيشنل بئنڪ آف پاڪستان جي صدر قمر حسين ۽ گروپ چيف ڊاڪٽر آصف اي بروهي جي ذاتي دلچسپي ۽ خاص هدايتن تي نيشنل بئنڪ سکر جي ريجنل هيڊ محمد زمان پاران ڊي سي او آفيس خيرپور ۾ ڊي سي او محمد عباس بلوچ ۽ اِي ڊي او هليٿ ڊاڪٽر احسان الله سيال کي ست لک روپين جي ماليت جي مختلف بيمارين جي دوائون ڏنيون ويون جيڪي تازو برسات متاثرن جي علاج لاءِ استعمال ۾ آنديون وينديون. ان موقعي تي نيشنل بئنڪ سکر جي عملدارن معشوق علي خواجه، محمد رمضان بلوچ، بشير احمد سنگهڙ ۽ خيرپور نيشنل بئنڪ جي ايريا مئنيجر ممتاز علي ڀٽو ۽ ٻين شرڪت ڪئي.
وڌيڪ پڙھو -
14 ستمبر
خيرپور جي ٽن تعلقن ۾ برسات جي ڪري ۾ وڌ ۾ وڌ نقصان ٿيو آهي: ڊي سي او
برگيڊيئر قيصر جي صدارت ۾ ڊي سي او هائوس جي ڪاميٽي روم ۾ ضلعي اندر تازو برساتن جي حوالي سان صورتحال جي جائزي وٺڻ جي لاءِ هڪ گڏجاڻي ٿي گذري جنهن ۾ ڊي سي او خيرپور محمد عباس بلوچ برگيڊيئر کي ضلعي اندر تازو برساتن جي نتيجي ۾ ٿيندڙ نقصان ۽ حڪومت پاران امدادي ڪمن جي حوالي سان بريفنگ ڏني وئي. گڏجاڻي ۾ ڊي سي او بريفنگ ڏيندي ٻُڌايو ته خيرپور ضلعي جا ٽي تعلقا جنهن ۾ فيض گنج، ٺري ميرواهه ۽ نارو شامل آهن انهن ۾ وڌ ۾ وڌ نقصان ٿيو آهي جڏهن ته ٻين تعلقن جا ماڻهو پڻ متاثر ٿياآهن. ڊي سي او ٻُڌايو ته ضلعي اندر ووئنڻن جو فصل ۽ سبزيون مڪمل طور تي تباهه ٿي ويو آهي جڏهن ته ڪمند، جوئر، ساريون ۽ ٻيو فصل پڻ 60 سيڪڙو تباهه ٿيو آهي. هن چيو ته ضلعي حڪومت مختلف سماجي تنظيمن جنهن ۾ سنڌ رورل سپرورٽ پروگرام (سرسو) انڊس ريسورس سينٽر (آءِ آر سي) ۽ ٻيون علائقائي توڙي بين الاقوامي سماجي تنظيمن سان گڏجي ضلعي اندر برسات متاثرن جي بحالي لاءِ وڌ ۾ وڌ ڪوششون وٺي رهي آهي.
وڌيڪ پڙھو -
3 ستمبر
برسات متاثر ضلعي جي ڪنهن به علائقي ۾ ايمرجنسي جي صورتحال ۾ رابطو ڪن
ضلعي ايڊمنسٽريٽر ڊي سي او خيرپور محمد عباس بلوچ پاران تازو برساتن جي حوالي سان ڊي سي او آفيس جي درٻار هال ۾ ايمرجنسي سينٽر قائم ڪيو ويو آهي جتي روينيو عملدارن جي ڊيوٽي لڳائي وئي ضلعي جي ڪنهن به علائقي ۾ ايمرجنسي جي صورتحال ۾ هنن نمبرن0243-9280198 ۽ 0243-9280222 تي رابطو ڪري مدد حاصل ڪري سگهجي ٿي. جڏهن اِي ڊي او روينيو خيرپور جي سربراهي ۾ هڪ ٽيم ٺاهي وئي آهي جيڪا ضلعي جي برسات متاثر علائقن جو معائنو ڪري امدادي ڪاروايون ڪندي.
وڌيڪ پڙھو