خيرپور

راندين جي صوبائي صلاحڪار حليم عادل شيخ ناز پائليٽ سيڪنڊري اسڪول ۾ تعمير ٿيندڙ ڪرڪيٽ اسٽيڊيم جو دورو ڪيو

راندين جي صوبائي صلاحڪار حليم عادل شيخ ناز پائليٽ سيڪنڊري اسڪول اندر 5 ڪروڙ 9 لک روپين جي لاڳت سان تعمير ٿيندڙ ڪرڪيٽ اسٽيڊيم جو دورو ڪيو. ان موقعي تي صوبائي صلاحڪار ميڊيا سان ڳالهائيندي چيو ته رانديون صحت مند معاشري جي لاءِ ضروري آهن ۽ راندين جا ميدان آباد هوندا ته اسپتالن ۽ جيل ويران هوندا. هن چيو ته نوجوانن کي راندين جي صحت مند سرگرمين ۾ مشغول رکڻ لاءِ موجوده حڪومت صوبي اندر مختلف ضلعن اندر راندين جا گرائونڊ ۽ اسٽيڊيم جوڙائي رهي آهن جنهن سان راندين جي سرگرمين کي هٿي ملندي. هن هڪ سوال جو جواب ڏيندي چيو ته پاڪستان جي ڪرڪيٽرن کي پنهنجي ڪيل گناهه جي سزا ضرور ملڻ گهرجي پر پاڪستان ڪرڪيٽ بورڊ (پي سي بي) کي پنهنجو اهڙو ڪردار ادا ڪرڻ گهرجي ها

وڌيڪ پڙھو

ايسوسيئيشن آف پاڪستاني فزيشن آف نارٿ آمريڪا ڪوٽ ڏجي ۾ برسات متاثرن لاءِ هڪ ڏينهن جي لاءِ مفت طبي ڪئمپ لڳائي وئي

ايسوسيئيشن آف پاڪستاني فزيشن آف نارٿ آمريڪا (اپنا) پاران ڪوٽ ڏجي ۾ برسات متاثرن لاءِ هڪ ڏينهن جي لاءِ مفت طبي ڪئمپ لڳائي وئي جنهن ۾ آمريڪا جيJFK ميڊيڪل يونيورسٽي جي پين مئنيجمينٽ شعبي جي پروگرام ڊائريڪٽر پروفيسر ڊاڪٽر اقبال حُسين جعفري (ايم ڊي) جي اڳواڻي ۾ ٻين ماهر ڊاڪٽرن جي ٽيم ميڊيڪل ڪئمپ ۾ ٻن هزار کان وڌيڪ مختلف برسات متاثر مريضن جو مفت طبي معائنو ڪيو ۽ مفت دوائون پڻ ڏنيون ويون. ان موقعي تي پُروفيسر ڊاڪٽر اقبال حُسين جعفري ٻُڌايو ته اپنا پاران صوبي اندر مختلف ضلعن ۾ برسات متاثر ماڻهن جي لاءِ مفت طبي ڪئمپون لڳايون ويون آهن هن ٻُڌايو ته 6 آڪٽوبر تي بدين، 31 آڪٽوبر تي ٺري ميرواهه، پهرين نومبر تي رورل هيلٿ سينٽر پڪاچانگ تعلقه فيض گنج ۾ طبي ڪئپمون لڳايون ويون

وڌيڪ پڙھو

استادن جي عالمي ڏهاڙي جي حوالي سان خيرپور ۾ ھڪ سيمينار ٿي گذريو

استادن جي عالمي ڏهاڙي جي حوالي سان خميس ڏينهن خيرپور ۾ سنڌ ڊوالپمينٽ سوسائٽي، سنڌ ايجوڪيشن فائونڊيشن ۽ يونيسڪو جي تعاون سان هڪ سيمنار منعقد ڪيو ويو. جنهن کي سنڌ ايجوڪيشن فائونڊيشن جي اڳواڻ اياز ميمڻ ۽ ڪميونٽي ٽريننگ سينٽر جي استادن غفار ملڪ ۽ اسما بيبي استادن جي محنت ۽ جدوجهد کي سلام پيش ڪندي چيو ته شاگرد قوم جا معمار آهن جيڪي معاشري ۾ انتها پسندي، عدم برداشت ۽ جهالت کي ختم ڪرڻ کان علاوه امن جي پيغام کي هٿي ڏيڻ توڙي ملڪي سلامتي کي مستحڪ ڪرڻ ۾ پنهنجو ڀرپور ڪردار ادا ڪن. هنن چيو ته استاد جي عزت هڪ مقدس فرض آهي ان موقعي تي هنن ٽيچرس کان واعدو ورتو ته هو پنهنجي شاگردن کي پنهنجو اسڪولن ۾ وڃي انهي محنت ۽ لگن سان پڙهائين ۽ پنهنجي استاد هئڻ جو فرض چڱي نموني سرانجام ڏين.

وڌيڪ پڙھو

خيرپور پوليس گذريل مھيني 27 ڌاڙيل، 368 روپوش، 10 اشتهاري ڏوهاري گرفتار ڪيا: ايس ايس پي

ايس ايس پي خيرپور عرفان بلوچ سيپٽمبر مهيني 2011 جي ڪارڪردگي رپورٽ جاري ڪندي ڄاڻايو آهي ته گذريل مهيني دوران پوليس مختلف ڪارروايون ڪندي 27 ڌاڙيل، 368 روپوش، 10 اشتهاري ڏوهاري گرفتار ڪيا آهن جڏهن ته ٻه ڌاڙيل پوليس مقابلي ۾ مارجي ويا. ڪارڪردگي رپورٽ ۾ ڄاڻايو ويو آهي ته ضلعي پوليس خيرپور ضلعي جي مختلف علائقن ۾ ڏوهارين خلاف ڪارروايون ڪندي 02 ڪلاشنڪووز، 12 عدد بندوقون، 22 عدد پسٽل، هڪ عدد رائيفل، 04 عدد ريوالور، 04 ڪيربين، 35 ڪارتوس ۽ 82 گولين جا رائونڊ پڻ هٿ ڪيا ويا آهن. جڏهن ته اهڙي طرح ضلعي پوليس ٻيون ڪارروايون ڪندي 9 ڪلو 960 گرام چرس، 9 ڪلو 500گرام ڀنگ، 155 گرام هيروئين ۽ 6 عدد شراب جون بوتلون پڻ هٿ ڪيون آهن.

وڌيڪ پڙھو

شڪارپور پوليس جو ميڊيڪل اسٽور تي ڇاپو، دوائن جي آڙ ۾ شراب جو وڪرو

شڪارپور شهر جي مشهور علائقي صدر بازار ۾ ميڊيڪل اسٽور تي ڇاپو ، اعلي درجي جون 30 بوتلون برآمد ، تفصيل موجب صدر بازار ۾ قائم عباس ميڊيڪل اسٽور جيڪو روني ڪمار عرف سنجي بابا هلائيندو آهي پوليس کي خفيه اطلاع مليو ته روني ڪمار پنهنجي ميڊيڪل اسٽور تي شراب وڪڻي رهيو آهي اهڙي اطلاع تي ايس ايڇ او نيو فوجداري نور محمد جگرو ڇاپو هڻي شراب جي بوتلن سميت ملزم کي سڳ سوڌو گرفتار ڪري ورتو جنهن تي ملزم روني ڪمار ايس ايڇ او نور محمد کي ڌهمڪيون پڻ ڏنيو ته مون جي پهچ مٿي تائين آهي توهان کي مان ڊسمس ڪرائيندس

وڌيڪ پڙھو

خيرپور ءِ ڀرپاسي ۾ پاس ڪم ڪندڙ انڊسٽريز ، سرندي وارن ماڻهن ۽ تيل ۽ گئس ڪمپنين کي پروفيسر ڊاڪٽر مجيب صحرائي جي اپيل

مهراڻ يونيورسٽي ڪاليج آف انجنيئرنگ اينڊ ٽيڪنالاجي خيرپور جي پرنسپال پروفيسر ڊاڪٽر مجيب صحرائي چيو آهي ته،خيرپور ۽ ان جي آس پاس ڪم ڪندڙ انڊسٽريز ، سرندي وارن ماڻهن ۽ تيل ۽ گئس ڪمپنين جي انتظاميا کي اپيل ٿو ڪريان ته اهي مهراڻ انجنيئرنگ ڪاليج ۾ پڙهندڙ ذهين شاگردن ۽ شاگردياڻين جي مدد ۽ همت افزائي لاءِ انڊومينٽ اسڪالر شپس ۾ حصو وٺن .اهڙن خيالن جو اظهار هن ڪاليج ۾ ذهين شاگردن ۽ شاگردياڻين ۾ يونيورسٽي ايوارڊ اسڪالرشپ جا چيڪ ورهائڻ واري تقريب کي خطاب ڪندي ڪيو. پرنسپال پروفيسر ڊاڪٽر مجيب صحرائي چيو ته مونکي اميد آهي ته، جيڪي شاگرد هي اسڪالر شپ حاصل نه ڪري سگهيا آهن، اهي به محنت ڪري امتحان ۾ وڌيڪ مارڪون کڻي، اسڪالر شپ حاصل ڪندا

وڌيڪ پڙھو

موجوده حڪومت شهيد محترمه بينظير ڀٽو جي عوام سان ٿيل ڪمٽمينٽ کي پوري ڪندي صوبي جي شهرن جي معاشي توڙي سماجي حالت بهتر ڪري رهي: وڏو وزير

سنڌ جي وڏي وزير سيد قائم علي شاهه چيو آهي ته موجوده حڪومت شهيد محترمه بينظير ڀٽو جي عوام سان ٿيل ڪمٽمينٽ کي پوري ڪندي صوبي جي شهرن جي معاشي توڙي سماجي حالت بهتر ڪري رهي آهي. هن چيو ته سانوڻي جي برسات ۾ 457 ارب جو نقصان ٿيو آهي جڏهن ته گذريل سال ٻوڏ ۾ 444 ارب روپين جو نقصان ٿيو هو. وڏو وزير اهڙو اظهار سرڪٽ هائوس خيرپور ۾ نارٿ سنڌاربن سروسزڪارپوريشن (نساسڪ)پاران گند ڪِچري کڻڻ جي حوالي سان جديد سرشتي جو افتتاحي تقريب کي خطاب ڪندي ڪيو. وزير اعلى چيو ته موجوده حڪومت تعليم ۽ صحت جي بهتري لاءِ وڌ ۾ وڌ قدم کنيا آهن جڏهن ته عوام جي معاشي ۽ سماجي حالت بهتر بڻائي کين هر ممڪن سهولتون ڏنيون پيون وڃن. وڏي وزير چيو ته هاڻوڪي سانوڻي واري برسات ۾ 80 لک کان وڌيڪ ماڻهو متاثر ٿياآهن

وڌيڪ پڙھو

پاڻي ۾ ٻڏل علائقن مان پاڻي ترجيحي بنيادن تي جلد کان جلد پاڻي جي نيڪال ڪرڻ کي يقيني بڻايو وڃي: قائم علي شاھ

سنڌ جي وڏي وزير سيد قائم علي شاهه کي ڊي سي او خيرپور محمد عباس بلوچ پنهنجي دفتر جي ڪميٽي روم ۾ تازين برساتن سبب خيرپور ضلعي ۾ نقصانن متعلق تفصيلي بريفنگ ڏيندي وڏي وزير کي ٻڌايو ته خيرپور ضلعي ۾ تعلقه فيض گنج، تعلقه ٺري مير واهه ۽ تعلقو نارو بري طرح متاثر ٿيا آهن. هن وڌيڪ چيو ته ضلعي جي سڀني تعلقن ۾ ڪل 9 لک 27 هزار 953 ماڻهو متاثر ٿيا آهن. 3 لک 88 هزار 638 ايڪڙ زمين متاثر ٿي آهي. 2 لک 74 هزار 233 ايڪڙ زمين تي بيٺل فصل تباهه ٿيا آهن. جڏهن ته 34 هزار 676 گهرن کي مڪمل طور نقصان پهتو آهي. ۽ 35 هزار 613 گهرن کي برسات سبب جزوي نقصان پهتو آهي. ساڳئ طرح 276 سرڪاري اسڪولن جي عمارتن کي نقصان پهتو ۽ ڪل 511 ڪلو ميٽر روڊ پڻ نقصان هيٺ آيا. هن وڌيڪ ٻڌايو ته ضلعي جي سڀني تعلقن ۾ ڪل 133 پاڻي نيڪال ڪرڻ جون مشينون لڳايون ويون آهن.

وڌيڪ پڙھو

صوبائي گهرو وزير منظور حُسين وساڻ ڊي سي او هائوس خيرپور ۾ برسات جي صورتحال جي ڄاڻ ورتي

:صوبائي گهرو وزير منظور حُسين وساڻ ڊي سي او هائوس خيرپور ۾ ضلعي جي مختلف کاتن جي عملدارن سان گڏجاڻي ڪئي. ان موقعي تي ڊي سي او خيرپور محمد عباس بلوچ صوبائي گهرو وزير منظور حُسين وساڻ کي ضلعي اندر تازو برسات جي صورتحال جي حوالي سان جامعي بريفنگ ڏني. ان موقعي تي ڊي سي او بريفنگ دوران گهرو وزير کي ٻُڌايو ته ضلعي اندر ٽي تعلقا فيض گنج، ٺري ميرواهه ۽ نارا وڌ ۾ وڌ متاثر ٿيا آهن جڏهن ته هزارين ايڪڙن تي بيٺل فصل تباهه ٿيا آهن. ڊي سي او بريفنگ ڏيندي کيس ٻُڌايو ته برسات متاثر جي رليف ۽ بحالي واري ڪم ۾ ضلعي حڪومت، پاڪستان آرمي سان گڏجي ضلعي جي برسات متاثر علائقن جي ڳوٺن مان پاڻي جي نيڪال جو بندوبست ڪيو جنهن ۾ ڪيترن ئي ڳوٺن مان برسات جو پاڻي ڪڍيو ويو. ڊي سي او وڌيڪ ٻُڌايو ته بحالي واري ڪم ۾ مختلف اين جي اوز جي تعاون سان ڪيترن ئي برسات متاثر ڳوٺن ۾ کاڌي پيتي جو سامان ورهايو پيو وڃي

وڌيڪ پڙھو

ملڪ جي ڪنهن به علائقي ۾ آيل قدرتي آفتن کي منهن ڏيڻ لاءِ شاگردن کي پنهنجو اهم ڪردار ادا ڪرڻ گهرجي: ڊي سي او

ڊي سي او خيرپور محمدعباس بلوچ خيبر ميڊيڪل ڪاليج پشاور خيبرپختونخواهه کان خيرپور جي ٻوڏ متاثر علائقن ۾ خدمت ڪرڻ جي جذبي سان آيل شاگردن سان ڊي سي او هائوس تي هڪ گڏجاڻي ڪئي. ان موقعي تي ڊي سي او شاگردن جي اهڙي جذبي جي واکاڻ ڪندي چيو ته ملڪ جي ڪنهن به علائقي ۾ آيل قدرتي آفتن کي منهن ڏيڻ لاءِ شاگردن کي پنهنجو اهم ڪردار ادا ڪرڻ گهرجي ۽ پنهنجي جوش ۽ جذبي تحت آفت سٽيل علائقن ۾ رهندڙ پاڪستاني ڀائرن جي هر ممڪن مدد ڪرڻ گهرجي. ڊي سي او خيبر ميڊيڪل ڪاليج پشاور خيبرپختونخواهه جي شاگردن سان مخاطب ٿيندي ٻُڌايو ته سندن اهڙي ڪوششن مان سنڌ توڙي ٻين صوبن جي شاگردن کي سبق پرائڻ گهرجي.

وڌيڪ پڙھو