ڪراچي

ذوالفقار مرزا پاران امن ڪميٽي فعال بڻائڻ ۽ الطاف خلاف ثبوت برطانيا سرڪار حوالي ڪرڻ جو اعلان

اڳوڻي صوبائي وزير ڊاڪٽر ذوالفقار مرزا پيپلز امن ڪميٽيءَ کي فعال بڻائڻ جو اعلان ڪندي چيو آهي ته الطاف حسين ڏوهاري آهي،سندس خلاف ريفرنس ڪرائڻ لاءِ ثبوت جا 3 سوٽ ڪيس کڻي لنڊن ويندس، مختلف ماڻهن طرفان الطاف حسين خلاف ثبوت ڏيڻ لاءِ رابطو ڪيو آهي، رحمان ملڪ ۾ دم آهي ته ڪراچي اچي پيپلز امن ڪيمٽيءَ تي پابندي مڙهي ڏيکاري آءُ کيس رحمان ملڪ نه پر شيطان ملڪ قرار ڏيان ٿو، ڪراچيءَ ۾ پريس ڪانفرنس کي خطاب ڪندي ڊاڪٽر ذوالفقارمرزا چيوته مون پنهنجي دور ۾ سنڌ جي غيرتمند ماڻهن کي 3 لک هٿيارن جا لائينس ڏنا، هاڻي موقعو ملندو ته 5 لک لائيسنس جاري ڪندس، هاڻي لياري سان گڏوگڏ پوري ڪراچيءَ جي عوام جو تحفظ ڪيو ويندو

وڌيڪ پڙھو

تيل قيمتن اضافو عوامي حڪومت جي واعدن ۽ دعون جي نفي آهي .اسدالله ڀٽو

جماعت اسلامي سنڌ جي امير۽ اڳوڻي ايم اين اي مولانا اسدالله ڀٽو حڪومت پاران پيٽروليم شين جي قيمتن ۾ هڪ ڀيرو ٻيهر واڌ جي مذمت ڪندي ان کي ظالماڻو قدم ۽ عوام مٿان بجلي ڪيرائڻ جي برابر قرار ڏنو آ هي .هن اڄ هڪ بيان ۾ چيو ته عالمي منڊي ۾ تيل جي قيمتن ۾ لاڳيتو گهٽتائي باوجود پاڪستان ۾ تيل قيمتن ۾ بنا ڪنهن سبب جي اضافو عوامي ۽ جمهوري حڪومت جي واعدن ۽ دعون جي نفي آهي .تيل قيمتن ۾ هاڻو ڪي اضافي سان عوام جي مشڪلات ۾ اڃان به وڌارو ٿي ويندو ۽ ٽرانسپورٽ سميت زندگي جي روزاني استعمال وارين شين جي قيمتن ۾ ٻيڻ تي اضافو ٿي ويندو

وڌيڪ پڙھو

نعمت الله خان 60لک رپين جي ماليت جو سامان متاثر علائقن ڏانهن روانو ڪيو

الخدمت فائونڊيشن طرفان مخير حضرات جي تعاون سان جمعي ڏينهن 60 لک روپين جي ماليت جو ڏهن ٽرڪن تي ٻڌل امدادي سامان اڄ برسات متاثر علائقن ڏانهن روانو ڪري ڇڏيو.امدادي سامان ۾ خشڪ اشن،دوائون،کنڊ،اٽو،گيهه،سڪوکير،چانهه،پيئڻ جو صاف پاڻي ۽ خيما پڻ شامل آهن .الخدمت فائونڊيشن پاڪستان جي صدر نعمت الله خان پننجي نگراني ۾ سامان کي روانو ڪيو.ياد رهي ته هي سامان برسات متاثرضلعن ٽنڊو الهيار،ميرپور خاص،بدين،عمر ڪوٽ،ٽنڊو باگو۽ جهڏي موڪليو ويو آهي.جتي الخدمت ۽ جماعت اسلامي جا اڳواڻ اهو سامان ورهائيندا

وڌيڪ پڙھو

جماعت اسلامي ۽ الخدمت طرفان نوري آباد جي متاثرن ۾ امداد تقسيم

جماعت اسلامي سنڌ جي ڊپٽي جنرل سڪريٽري ۽ اڳوڻي ايم پي اي مولاناعبدالوحيد قريشي الخدمت فائونڊيشن ضلعي ڄام شورو جي امير سان گڏجي نوري آباد ۾ برسات متاثر هڪ سو ٻارنهن 112 خاندانن ۾ راشن بيگ ورهايا.ان موقعي تي مولانا عبدالوحيد قريشي خطاب ڪندي چيو ته جماعت اسلامي ۽ ان جو فلاحي ادارو الخدمت هميشه مشڪل گهڙي ۽ قدرتي آفتن جي موقعي تي پنهنجي متاثر ڀائرن جي هر ممڪن واهر ڪئي آهي.مظلوم ماروئڙن جي خدمت ۽ ڏکويل انسانن جي زخمن تي پها رکڻ کي جماعت اسلامي ۽ الخدمت پنهنجو اخلاقي،ديني ۽ قومي فريضو سمجهي ٿي.هن زور ڀريو ته حڪومت کي متاثرن جي مدد لاءِ سڀئي وسيلا ڪتب آڻڻ گهرجن

وڌيڪ پڙھو

حڪمرانن جي غلاماڻين پالسين سبب اڄ پاڪستان جي وجود کي خطرا لاحق ۽ نااهلي ڪري پاڪستان ٺاهيندڙ ۽ پاليندڙ سنڌ جا لکين ماڻهو دربدري جي زندگي گذارڻ تي مجبور آهن.اسدالله ڀٽو

جماعت اسلامي سنڌ جي امير۽ اڳوڻي ايم اين اي مولانا اسدالله ڀٽو چيو آهي ته حڪمرانن جي غلاماڻين پالسين سبب اڄ پاڪستان جي وجود کي خطرا لاحق ۽ نااهلي ڪري پاڪستان ٺاهيندڙ ۽ پاليندڙ سنڌ جا لکين ماڻهو دربدري جي زندگي گذارڻ تي مجبور آهن.چونڊيل نمائندن ۽ جيالن طرفان ڊي سي اوز آفيسن ۾ڪرپٽ ڪامورن سان ويهي غريبن لاءِ آيل امداد هڙپ ۽ پنهنجن کي نوازي وارو سلسلو بند ڪري حقدارن کي حق ڏياريو وڃي.حڪومت برسات جي بيٺل پاڻي جي نيڪال توڙي قدرتي لنگهن تي ٿيل قبضا ختم ڪرڻ لاءِ تڪڙا ۽ جوڳا اپاءَ وٺي. اهڙن خيالن جو اظّهار هن قباءِ آڊيٽوريم ۾ ٿيل اجلاس کي خطاب دوران ڪيو.صوبائي امير اسدالله ڀٽو جي صدارت هيٺ الخدمت ۽ جماعت اسلامي جي ذمه دارن جوهڪ اجلاس ٿيو جنهن ۾ هيل تائين برسات متاثرن جي واهر لاءِ ٿيندڙ سرگرمين جو جائزو ۽ اڳتي جي رٿابندي ڪئي وئي.الخدمت فائونڊيشن سنڌ جي صدر ۽ چمڙي جي بيمارين جي ماهر ڊاڪٽر تبسم جعفري اجلاس ۾رپورٽ پيش ڪندي چيو ته الخدمت طرفان هيل تائين 4340 ٽينٽ 3707 ترپال سميت ست ڪروڙ روپين کان وڌيڪ جو سامان ورهايو ويو آهي.

وڌيڪ پڙھو

سڪرنڊ ۾ الخدمت طرفان طبي ڪيمپ

الخدمت فائونڊيشن پنجاب جي ڪئمپ ۾ قائم موبائل طبي يونٽ ذريعي سڪرنڊ ۾ ريلوي روڊ تي هڪ طبي ڪئمپ قائم ڪئي وئي جنهن ۾ برسات متاثر سوين ماڻهن کي طبي مشورا ۽ دوائون ڏنيون ويون .ان موقعي تي الخدمت سڪرنڊ جي ٽيم پنجاب جي ايندڙ ٽيم سان معاونت ڪئي .

وڌيڪ پڙھو

مستونگ سانحو امت جي اتحاد کي ٽڪرا ٽڪرا ڪرڻ۽ ملڪ کي عدم استحڪام جو شڪار بڻائڻ جي سامراجي سازش آهي.عوام پنهنجي اتحاد ۽ يڪجهتي جي ذريعي غيرن جي سازشن کي ناڪام بڻائيندو.اسدالله ڀٽو

جماعت اسلامي سنڌ جي امير اڳوڻي ايم اين اي مولانا اسدالله ڀٽو مستونگ سانحي سميت ڪوئٽه ۾هڪٻئي پٺيان لڱ ڪانڊاريندڙ واقعن جي سخت مذمت ڪندي انهن کي اتحاد امت ۾ ڏار وجهڻ جي سامراجي سازش قرار ڏيندي اهو گهر ڪئي آهي ته حڪومت قاتلن کي گرفتار ڪري عبرتناڪ سزا ۽ آئنده اهڙن واقعن کي روڪڻ لاءِ جوڳا قدم کڻي. هن اڄ هڪ بيان ۾ قيمتي جانين جي نقصان ۽ مقتولن جي پونئيرن سان همدردي جو اظهار ڪندي چيوته شهرين جي جان و مال ۽ ملڪيت جي حفاظت سميت امن وامان جو قيام حڪومت جي اولين ذميداري آهي.مگر مستونگ واقعي سميت بلوچستان ۾ هڪٻئي پٺيان ٿيندڙ واقعا حڪومت جي نااهلي جو چٽو ثبوت آهن..هن چيو ته سامراجي قوتون وڏي عرصي کان هڪ منظم سازش تحت ملڪ ۾ اهڙي طرح جي واقعن جي ذريعي فرقه واريت ڦهلائڻ ۽ ملڪ ۾ عدم استحڪام جهڙي صورتحال پيدا ڪري پنهنجا ناپاڪ مقصد حاصل ڪرڻ چاهين ٿيون.

وڌيڪ پڙھو

مولانا ڀٽو جي سکر جي امير حزب الله جکرو سان تعزيت

جماعت اسلامي سنڌ جي امير اڳوڻي ايم اين اي مولانا اسدالله ڀٽوجماعت اسلامي ضلع سکر جي امير ۽ مدرسه تفهيم القرآن جي مهتمم مولانا حزب الله جکرو جي ڀيڻ جي وفات تي گهر وڃي ڪري تعزيت ڪئي.هن مرحومه جي مغفرت ۽ پونئيرن کي صبر جميل عطا ڪرڻ لاءِ ڌڻي در دعا ڪئي.

وڌيڪ پڙھو

آمريڪا حقاني نيٽ ورڪ جو الزام لڳائي دراصل پاڪستان مٿان حملي جو جواز پيدا ڪري رهيو آهي.اسدالله ڀٽو

جماعت اسلامي سنڌ جي امير اڳوڻي ايم اين اي مولانا اسدالله ڀٽو چيو آهي ته آمريڪا حقاني نيٽ ورڪ جو الزام لڳائي دراصل پاڪستان مٿان حملي جو جواز پيدا ڪري رهيو آهي.آمريڪا جي جارحاڻن ارادن سان عالمي امن کي خطرو آهي.آمريڪي وزير دفاع جي ڌمڪي ۽ آرمي چيف مائيڪ مولن جا الزام پرائي ويڙهه کي پنهنجي مٿان مڙهي پاڪستان کي ميدان جنگ بڻائيندڙ حڪمرانن جي منهن تي چماٽ آهي.پاڪستان کي ڀت سان لڳائڻ آمريڪا جي اصل ايجنڊا آهي .هن اڄ هڪ بيان ۾ وڌيڪ چيو ته آمريڪا حقاني نيٽ ورڪ جي اوٽ ۾ پاڪستان جي اترين علائقن مٿان حملي ڪرڻ جا جواز ڳولي رهيو آهي.آمريڪا پاڪستان جو گذريل ڏهن سالن کان اتحادي آهي.آمريڪا دنيا کي ٻڌائي ته آخر حقاني نيٽ ورڪ جو الزام هاڻي ڇوٿو لڳايو وڃي

وڌيڪ پڙھو

سيد منورحسن 5 آڪٽوبر تي ڪشمور پهچندو

جماعت اسلامي پاڪستان جو امير سيد منورحسن 5 آڪٽوبر تي هڪ ڏينهن جي دوري تي ڪشمور پهچندو.جتي هو صبح جو ڏهين وڳي پراڻي نيشنل بينڪ چوڪ تي هڪ عظيم الشان جلسه عام کي خطاب ڪندو،جلسي کي صوبائي امير مولانا اسدالله ڀٽو سميت ٻيا اڳواڻ خطاب ڪندا.جماعت اسلامي ضلعي ڪشمور جي اميرحاجي عبدالوهاب جکراڻي موجب امير جماعت جي دوري ۽ جلسي کي ڪامياب بڻائڻ لاءِ تياريون شروع ڪيون ويون آهن.ان حوالي سان چاڪنگ،هينڊ بل ۽ پوسٽر پڻ لڳايا پيا وڃن.

وڌيڪ پڙھو