سکر

)روهڙي جي علائقن بيدل بيڪس ڪالوني ۽ ڪوٽ مير يعقوب علي شاهه ۾ گذريل ٽن ڏينهن کان ٽرانسفارمر سڙي وڃڻ ڪري بجلي نه هئڻ ڪري رهواسي گرمي ۾ گذاري رهيا آهن. ۽ علائقا اونداهه ۾ ٻڏل آهن. سيپڪو انتظاميه ٽرانسفارمر تبديل ڪرڻ لاءِ رشوت طلب ، علائقي واسين جو ايس ڊي او سيپڪو آفيس اڳيان سکر روهڙي روڊ تي ڌرڻو، ٽائرن کي باهيون، ٽريڪ جام، سيپڪو عملو آفيس مان فرار، خبر موجب روهڙي جي علائقن بيدل بيڪس ڪالوني ۽ ڪوٽ مير يعقوب علي شاهه ۾ گذريل ٽن ڏينهن کان ٽرانسفارمر سڙي وڃڻ ڪري علائقي واسي سخت پريشان ٿي ويا آهن ۽ گرمي ۾ گذاري رهيا آهن. جڏهن ته سيپڪو انتظاميه پاران هر ڀيري ٽرانسفارمر سڙي وڃڻ کان پوءِ رشوت وٺي ڪري ٽرانسفارمر لڳايو ويندو آهي. جيڪو ڪجهه ڏينهن هلڻ کان پوءِ سڙي ويندو آهي.

)سکر سميت اندرون سنڌ جي شهرن ۾ ٻئين ڏينهن به سي اين جي اسٽيشنون بند هجڻ ڪري هزارين گاڏيون بند ٿي ويون. گاڏين جي بند ٿيڻ سان مسافر سخت پريشان پيٽرول تي گاڏين ۾ رش ڪرائي ۾ واڌ گاڏين ۾ رش وڌي وڃڻ اوور لوڊ هجڻ ڪري مسافرن کي سفر دوران سخت مشڪلاتن جو منهن ڏسڻو پئجي رهيو آهي. گاڏين جي کوٽ هجڻ ڪري اسٽاپن تي ماڻهن جا هجوم ، خبر موجب حڪومت پاران پيٽرول جي اگهن ۾ مسلسل واڌ کان پوءِ گاڏي مالڪن پاران پنهنجون گاڏيون پيٽرون تان ختم ڪرائي سي اين جي تي آڻي ڇڏيون آهن

سکر لڳ ڳوٺ علي شير جانوري تي پوليس جي چڙهائي ،مقابلي ۾ 2 1 سالن جي نيگر سميت 3 ڄڻا مارجي ويا هڪ به پوليس اهلڪار زخمي نه ٿيو، جانوري برادري ۾ ڏک ۽ ڪاوڙ جي لهر خبر موجب سکر جي ڪنڌرا ٿاڻي جي حد ڳوٺ علي شير جانوري تي ڊي پي او سکر اعتزاز گورايا جي اڳواڻي ۾ صبح 4 وڳي پوليس ڪڙو چاڙهي ان وقت ڪاروائي ڪئي جڏهن ڳوٺاڻا ننڊ ستل هئا پوليس موجب مارجي ويلن سان مقابلو ٿيو جنهن ۾ 2 1 سالن جو نينگر فياض احمد جانوري،نوجوان عبدالسميع ۽ عبدالحميد حيدر جانوري شامل آهن سندن لاش ڪنڌرا سپتال مان پوسٽ مارٽم بعد وارثن حوالي ڪيا ويا

)سکر ۾ واپڊا عملدار بي تاج بادشاه بڻجي ويا آهن عوام ڏانهن مرضي سان واڌو يونٽ ۽ ڊڊڪشن وارا بل اماڻي کين پريشان ڪيو پيو وڃي غريب ۽ متاثر ماڻهو جڏهن واسطيدار سب ڊويزن جي آفيسن مان رانگ ريڊنگ جا ليٽر ٺهرائي روينيو آفيسر وٽ ويندا آهن ته کين هفتن جا هفتا چڪر لڳرائي کين اذيت جو شڪار بڻايو وڃي ٿو ٻئي پاسي رهواسين جي هڪ وفد غلام فريد جي اڳواڻي ۾ دانهيندي ٻڌايو ته سب ڊيزن 4 جابااثرلائين مڳن شهمير ۽ جبار لٽ مار جا ريڪارڊ ٽوڙي ڇڏيا آهن جن بابت عوام ٻڌايو ته سندن 8 ڀيرا ٽرانسفر ٿي آهي پر بااثر ماڻهو جو آشيرواد هجڻ ڪري انهن جون ٽرانسفر رڪجي وڃن ٿيون هو منٿليون وٺي خود پنهنجي کاتي کي لکين روپين جو نقصان پهچائي رهيا آهن .

ايڊمسنٽريٽر / ڊسٽرڪٽ ڪوآرڊينيشن آفيسر، ڊسٽرڪٽ گورنمينٽ سکر انعام الله خان ڌاريجو بچت واري ٽيڪس فري بجيٽ 2012-2011 پنهنجي آفيس جي ڪميٽي روم ۾ پيش ڪئي. تفصيل مطابق ضلعي جي ڪل بجيٽ 4759.495 ملين روپيه ڏيکاري ويئي. جڏهن ته متوقع خرچ 4757.665 ملين روپيه آهي ۽ ڪل بچت 1.82 ملين روپيه ڏيکاري ويئي. صوبائي حڪومت طرفان 2012-2011 لاءِ حصو سنگل لائين ٽرانسفر ( ايس ايل ٽي) لاءِ 4091.798 ملين روپيه آهي. جڏهن ته ( او زيڊ ٽي) حصو 57.218 ملين روپيه آهي. خرچ جي مد ۾ ضلعي حڪومت 2487.100 ملين روپيه سيلري جي ڪامپوننٽ ۾ جڏهن ته نان سيلري ڪامپوننٽ 394.139 ملين روپيه آهي. سالانه ترقياتي پروگرام ( اي ڊي پي ) لاءِ 1119.530 ملين روپيه رکيا ويا آهن. جنهن مان 519.530 ملين روپيه هلندڙ 416 اسڪيمن لاءِ رکيا ويا آهن. اهڙيءَ طرح سان 400.00 ملين روپيه نين اسڪيمن لاءِ رکيا ويا آهن. ڳوٺن کي گئس جي فراهميءَ لاءِ 110.00 ملين روپيه ۽ ( سي سي بي ) اسڪيمن لاءِ 100 ملين روپيه رکيا ويا آهن. سرڪاري ملازمن جون پگهارون گورنمينٽ پاليسيءَ تحت وڌايون ويون آهن.

فريش واٽر ايڪشن نيٽ ورڪ سائوٿ ايشيا (فانسا) پاڪستان پاران سکر جي هڪ مقامي هوٽل ۾ ڏکڻ ايشيا جي خطي ۾ صفائي ۽ سٿرائي جي چوٿين ڪانفرنس جي سلسلي ۾ فالواپ ورڪشاپ ٿي گذريو. ورڪشاپ ۾ علائقي جي مختلف سماجي تنظيمن جي اڳواڻن ۽ زندگي جي مختلف شعبن سان وسطو رکندڙ وڏي انگ ۾ شرڪت ڪئي جڏهن ته ورڪشاپ ۾ نيٽ ورڪ جي صوبائي فوڪل پرسن اختيار خاصخيلي ورڪشاپ ۾ شريڪ ٿيندڙن کي فريش واٽر ايڪشن نيٽ ورڪ سائوٿ ايشيا (فانسا) جو تعارف، جوڙ جڪ ۽ پاڪستان چيپٽر بابت تفصيلي ڄاڻ ۽ ڪارڪردگي بابت آگاهي ڏني. ان کانسواءِ ورڪشاپ ۾ شرڪت ڪندڙن ۾ تازو سريلنڪا ۾ سائوٿ ايشيا خطي جي صفائي ۽ سٿرائي جي حوالي سان فانسا پاران منعقد ٿيل چوٿين ڪانفرنس کان پهريان سائوٿ ايشيا جي سول سوسائيٽي جي نمائندن جي ٿيل گڏجاڻي ۾ منظور ڪيل قراردادون ورهايون ويون

ڊائريڪٽر اينيمل هسبنڊري سنڌ ڊاڪٽر عبدالله ميواتي مالوندن ماڻهن کي مشورو ڏنو آهي ته هو متوقع امڪاني برسات دوران پنهنجي چوپائي مال کي مٿاهين جڳهن سان گڏ خشڪ شيڊن تي رکن ۽ غير صحتمند جڳهن کان پاسو ڪن ان سان گڏو گڏ هو پنهنجي جانورن کي وچڙندڙ بيمارين کان بچاءَ لاءِ ويجهي وٽرنري سينٽر يا ڊسپينسري تان ويڪسين ڪرائين. هن وڌيڪ چيو ته صوبي ۾ برسات دوران جانورن ۾ قوت مدافعت گهٽجي وڃڻ جا امڪان هوندا آهن ڇو ته انهيءَ دوران وچڙندڙ بيماريون چوپائي مال تي اثر انداز ٿينديون آهن. هن وڌيڪ چيو ته چوپايو مال خاص ڪري وڏن جانورن مينهن ۾ گهو گهو يا گهٽيار جي بيماري جي پکڙجڻ جو انديشو هوندو آهي.

ايڊمنسٽريٽر ڊسٽرڪٽ گورنمينٽ سکر انعام الله خان ڌاريجو قلم 144 سي آر پي سي تحت گڊو بئراج جي ليفٽ بينڪ تي سارين جي پوک ڪرڻ تي پابندي لاڳو ڪئي آهي. مذڪوره حڪم 26 جون 2011 تائين نافذ العمل رهندو. هن حڪم جي خلاف ورزي ڪرڻ وارن جي خلاف سيڪشن 188 پي پي سي تحت قدم کنيو ويندو. واسطيدار ڊي ڊي اوز روينيو، مختيار ڪار روينيو روهڙي، پنوعاقل، صالح پٽ تعلقن کي هدايت ڪئي ويئي آهي ته هو حڪم جي خلاف ورزي ڪندڙن خلاف قانون مطابق قدم کڻن.

پٽڻي جي رھائشي ڪرمين ڀٽي وڏيري خلاف احتجاج ڪندي جنھن مٿس تشدد ڪيو ۽ وار ڪٽي ڇڏيا پر ڪير ٿو غيربن جون آھون ٻڌي.

چيف انجنيئر سکر بئراج رائيٽ بئنڪ ريجن لاڙڪاڻو محمد هارون ميمڻ سپرنٽنڊنگ انجنيئر ويسٽرن سنڌ سرڪل، لاڙڪاڻه عبدالرحمٰن نظاماڻيءَ کي رائيٽ بينڪ ريجن لاڙڪاڻو لاءِ سال 2011 دوران پنهنجي اصل ذميوارين سان گڏ فلڊ ايمرجنسي آفيسر مقرر ڪيو آهي. ساڳئي طرح ايگزيڪيوٽو انجنيئر وارهه ڊويزن لاڙڪاڻو طارق احمد ڪيهر کي پنهنجي اصل ذميوارين سان گڏ فلڊ ڊويزن ليزان آفيسر مقرر ڪيو آهي. فلڊ ايمرجنسي آفيسر عبدالرحمٰن نظاماڻي جا فون نمبرز 9410764-074، 910760-074، ۽ موبائل نمبر 8377171-0300 آهي. جڏهن ته فلڊ ليزان آفيسر طارق احمد ڪيهر جو فون نمبر 9410765-074، ۽ موبائل فون نمبر 3402990-0300 آهي.