ٺٽو
-
نائن زيرو مان دهشتگردن اچي ڪراچي جي صورتحال خراب ڪئي: گورنر سنڌ
سنڌ جي گورنر محمد زبير خان چيو ته آهي گڏيل مفادن واري ڪائونسل ۾ جنهن ۾ وقت تي چونڊون ڪرائڻ لاءِ ٿيل اتفاق راءِ کان پوءِ هاڻي چونڊون مقرر وقت تي ٿينديون
وڌيڪ پڙھو -
ٺٽي ۾ ڦرن چورين ۽ بدامني فھلجڻ سبب 3 ايس ايڇ اوز سميت 2 انچارجن کي ھٽائي ويو
ٺٽي ضلعي ۾ ڦرن چورين ۽ بدامني ڦهلجڻ سبب 3 ايس ايڇ اوز سميت 2 انچارجن کي هٽائي نيون مقرريون ڪيون ويون . ٺٽي ضلعي جي مختلف ٿاڻن جي حدن مان 5 موٽرسائيڪلن جي ڦر ٿيڻ ۽ گهرن مان چوريون ٿيڻ وارن واقعن جو نوٽيس وٺندي ٺٽي جي ايس ايس پي محمد علي وساڻ ٺٽو، مڪلي ۽ ڪيٽي بندر ٿاڻن جي ايس ايڇ اوز ۽ ٻن چوڪي انچارجن کي هٽائي سندن جاين تي نيون مقرريون ڪري ڇڏيون آهن جنهن تحت ٺٽي ٿاڻي جي ايس ايڇ او عرفان سپيو کي هٽائي سندس جاءِ تي غلام محمد ميمڻ ۽ پوليس چوڪي ٺٽو جي انچارج بشير چانڊيو کي هٽائي اشرف شاهي کي سندس جاءِ تي مقرر ڪيو ويو آهي جڏهن ته مڪلي ٿاڻي جي ايس ايڇ او نور الدين بروهي کي هٽائي سندس جاءِ تي عرفان سپيو ۽ پوليس چوڪي پيرپٺو جي انچارج عبدالمجيد کي هٽائي سندس جاءِ تي زاهد کوسو کي انچارج مقرر ڪيو ويو آهي
وڌيڪ پڙھو -
ٺٽي ڀرسان قومي شاهراهه تي بس ۽ وين ۾ خوفناڪ ٽڪر، 23 مسافر اجل جو شڪار، 20 کان وڌيڪ زخمي
ٺٽي ويجهو قومي شاهراهه تي مسافر وين ۽ بس ۾ خوفناڪ ٽڪر سبب وين ۾ سوار سمون مسافرن سميت 23 مسافر فوت ٿي ويا، وين مڪمل طور تباهه ٿي وئي، سومر واري رات مڪلي ٿاڻي جي حد ۾ برڪي غارم ڀرسان قومي شاهراهه تي ڪراچي وايا ٺٽو کان درگاهه شاهه يقيق ويندڙ مسافر بس الحفيظ سروس ۽ بدين وايا ٺٽي کان قائد آباد ڪراچي ويندڙ مسافر وين ۾ خوفناڪ ٽڪر ٿي پيو، جنهن سبب مسافر وين مڪمل تباهه ٿي کاهي ۾ ڪري پئي، ان ۾ سوار سمورا 22 مسافر فوت ٿي ويا، جڏهن ته بس ۾ سوار هڪ مسافر جي فوت ٿيڻ سبب فوتين جو انگ 23 ٿي ويو آهي فوتين ۾ اڪثر مسافرن جو تعلق بدين ضلعي سان ٻڌايو وڃي ٿو، جڏهن ته بس ۽ وين وچ ۾ پيش آيل حادثي وارو هنڌ مڪلي سول اسپتال کان 15 منٽن تي هجڻ باوجود انتظاميه جي لاپرواهي ڪري فوتين جي لاشن جي آمد جو اسپتال ۾ 2 ڪلاڪن تائين سلسلو جاري رهيو
وڌيڪ پڙھو -
ٺٽي ويجهو ڦورن ھٿان نوجوان جي قتل ، وارثن جو احتجاج
ٺٽي ويجهو ڦر دوران نوجوان جي قتل ، وارثن جو لاش رکي احتجاج بدين ڪراچي قومي شاهراهه بلاڪ ،ٽريفڪ معطل،سجاول ڀرسان ٻيلو شهر ۾ نامعلوم هٿياربندن ڳوٺاڻي مراد سوهو کان موٽرسائڪل ڦر ڪرڻ جي ڪوشش ڪئي جنهن دوران مزاحمت ڪرڻ تي هٿياربندن مراد سوهو کي گوليون هڻي قتل ڪري فرار ٿي ويا، اهڙي واقعي کان پوءِ فوتي جي وارثن بدين ڪراچي قومي شاهراهه تي لاش رکي ڌرڻو هڻي 3 ڪلاڪن تائين روڊ بلاڪ ڪري ڇڏيو جنهن سبب ايندڙ ويندڙ سوين گاڏيون بيهجي ويون، ان موقعي تي ڳوٺاڻن جو چوڻ هو ته ٺٽو پوليس امن امان جي صورتحال کي بحال ڪرڻ ۾ مڪمل طور تي ناڪام ثابت ٿي چڪي آهي ڏوهارين سان ٻٽ بڻيل آهي
وڌيڪ پڙھو -
برسات ۽ ٻوڏ سبب 9 ملين ماڻهو متاثر ٿيا آهن جن جي روزگار جا وسيلا ختم ٿي چڪا آهن: شيري رحمان
اڳوڻي وفاقي وزير اطلاعات ۽ هلال اهمر پاڪستان جي چيئرمين شيري رحمان چيو آهي ته قدرتي آفتن کي منهن ڏيڻ لاءِ ٺٽي ۾ مستقل جي بنيادن تي ريسڪيو سينٽر قائم ڪيا پيا وڃن ته جيئن عوام کي فوري طور تي امداد فراهم ٿي سگهي،اهڙو اظهار هن ٺٽي جي تعلقي سجاول جي ڳوٺ محمد عمر ڪنڀر ۾ متاثرين ۾ امدادي سامان ورهائڻ واري تقريب کي خطاب ڪندي ۽ صحافين سان ڳالهائيندي ڪيو، هن چيو ته برسات ۽ ٻوڏ سبب 9 ملين ماڻهو متاثر ٿيا آهن جن جي روزگار جا وسيلا ختم ٿي چڪا آهن، جنهن لاءِ هلال احمر متاثرين جي بحالي لاءِ جوڳا اپاءُ وٺي رهي آهي، هن چيو ته هلال احمر جا پيوريفڪيشن پلانٽ ڪم ڪري رهيا آهن جنهن سان عوام کي پيئڻ جي صاف پاڻي جي فراهمي ٿي رهي آهي ، جڏهن ته سنڌ ۾ هيلٿ موبائيل يونٽ به ڪم ڪري رهيا آهن ، جنهن تحت هڪ موبائيل يونٽ ٽيم جيڪا روزانو 400 کان 500 مريضن جي چڪاس ڪري کين مفت دوائون فراهم ڪيون پيون وڃن
وڌيڪ پڙھو -
ملڪ مان پوليو جي مڪمل خاتمي لاءِ جنگي بنيادن تي ڪوششون ورتيو پيون وڃن: ڊاڪٽر عذرا فضل پيچوهو
صدر پاڪستان جناب آصف علي زرداري پاران مقرر ڪيل ٽاسڪ فورس ڪميٽي جي ڪنوينر ڊاڪٽر عذرا فضل پيچوهو چيو آهي تي ملڪ مان پوليو جي مڪمل خاتمي لاءِ جنگي بنيادن تي ڪوششون ورتيو پيون وڃن ته جيئن مستقبل ۾ ٻارڙن کي معذوري کان بچائي سگھجي. اها ڳالهه هن اڄ دربار هال مڪلي ۾ پوليو جي خاتمي بابت سڏايل نيشنل ايمرجنسي ايڪشن پلان جي هڪ اعلٰي سطحي اجلاس جي صدارت ڪندي چئي. اجلاس ۾ وزير اعظم جي پوليو بابت صلاحڪار ايم اين اي شهناز وزير علي، صوبائي وزير ثقافت سسئي پليجو، صوبائي وزير جيلز صادق علي ميمڻ، ايم اين اي ڊاڪٽر عبدالواحد سومرو، ايم پي اي حاجي محمد عثمان جلباڻي، ڊي سي او ٺٽو محمد جعفر عباسي، ڊبليو ايڇ او جي نمائندن آدم ابراهيم، الياس دُري، جميل يوسف، رياض بٽ، يونيسيف ۽ پي پي ايڇ آئي جي نمائندن، ضلعي جي اي ڊي اوز کان علاوه مختلف کاتن جي اعلٰي عملدارن شرڪت ڪئي.
وڌيڪ پڙھو -
عيد کان پهريان ۽ عيد جي ٽن ڏينهن دوران ٺٽي جي روڊن ۽ ڳلين کي صاف سٿرو رکيو وڃي: ڊاڪٽر حفيظ احمد سيال
ضلعي انتظاميه ٺٽو پاران ٽائون ميونسپل انتظاميه وغيره کي عيدالاضحٰي جي موقعي تي صفائي، حفاظتي ۽ ٻين انتظامن جي هدايت ڪئي ويئي آهي. ان ڏس ۾ اڄ دربار هال اڪلي ۾ اي ڊي او روينيو ڊاڪٽر حفيظ احمد سيال ضلعي عملدارن جي اجلاس جي صدارت ڪندي عيد جي موقعي تي صفائي وغيره جي انتظامن بابت جائزو ورتو ۽ ان کي آخري شڪل ڏني. هن ضلعي جي 9 تعلقن جي ٽائون ميونسپل انتظاميه کي هدايت ڪئي ته عيد کان پهريان ۽ عيد جي ٽن ڏينهن دوران روڊن ۽ ڳلين کي صاف سٿرو رکيو وڃي ۽ پاڻي جي نيڪال واري نظام کي بهتر رکيو وڃي جنهن سان گڏو گڏ قرباني جي جانورن جو گند ڪچرو فوري طور تي هٽائڻ جا خاص انتظام ڪيا وڃن.
وڌيڪ پڙھو -
هلال اهمر ٺٽو طرفان ٺٽي جي برسات سٽيل علائقن جي ماثرين لاءِ موبائيل ميڊيڪل ڪيمپ جي پھرئين مرحلي ۾ ٽي ھزار کان وڌيڪ مريضن جي مفت چڪاس
هلال اهمر ٺٽو طرفان ضلعي ٺٽي جي برسات سٽيل علائقن جي ماثرين لاءِ موبائيل ميڊيڪل ڪيمپ شروعاتي مرحلي ۾ تعلقن ميرپوبٺورو، جاتي، ۽ تعلقي ٺٽي جي 3000 کان وڌيڪ مريض جي مفت چڪاس ڪري کين مفت دوائون فراهم ڪيون ويون آهن ته جيئن برسات بعد ڦهليل بيمارين تي ضابطو آڻي متاثر ۽ ڏورانهن علائقن جي غريب ماڻهن کي فيض ملي سگهي، اهڙن خيالن جو اظهار هلال اهمر ٺٽو جي هانرري سيڪريٽري حاجي محمد حنيف ميمڻ ٺٽي تعلقي جي يوسي ڇتوچنڊ جي ڳوٺ امير بخش جاکرو ۾ قائم ڪيل طبي ڪيمپ جي دوران ڪيو، هن چيو ته اسان ترجيحي بنيادن تي متاثر ۽ غريب ماڻهن ۽ خاص طور تي ٻارڙن جي صحت تي ڌيان ڏيئي رهيا آهيون ڇاڪاڻ ته صحت هزار نعمت آهي
وڌيڪ پڙھو -
صوبائي وزيرپليجو گھارو ۾ مسلسل ڪيترن ئي ڏينهن کان بجلي جي عدم فراهمي جو سختي سان نوٽيس وٺي ڇڏيو
ثقافت کاتي جي صوبائي وزير سسئي پليجو گھارو ۾ مسلسل ڪيترن ئي ڏينهن کان بجلي جي عدم فراهمي جو سختي سان نوٽيس وٺندي وزير اعلٰي هائوس، چيف سيڪريٽري ۽ ڪي اي ايس سي اختيارين سان ان معاملي تي ڳالهايو آهي. ان ڏس ۾ صوبائي وزير سسئي پليجو چيو ته مون کي پنهنجي تڪ جا ماڻهو سڀ کان وڌيڪ عزيز آهن، گھارو ڪراچي کان پوءِ قومي شاهراه تي اهم شهر آهي جيڪو اونداهي ۾ رهيو آهي پر هاڻ ايئن نه ٿيندو.
وڌيڪ پڙھو -
ضلعي جي ٽيڪنيڪل ادارن کي ٽرانسپورٽ سان گڏو گڏ سموريون گھربل سهولتون فراهم ڪيون وينديون: صوبائي وزير صادق علي ميمڻ
صوبائي وزير جيل خانه صادق علي ميمڻ چيو آهي ته ٺٽي ضلعي جي ٽيڪنيڪل ادارن کي ڪوششون وٺي هر قسم جون سهوليتون مهيا ڪيون وينديون ۽ ان ڏس ۾ ٽيڪنيڪل ادارن ۾ تعليم حاصل ڪندڙ شاگردن کي ٽرانسپورٽ سان گڏو گڏ سموريون گھربل سهولتون پڻ فراهم ڪيون وينديون ته جيئن غريب شاگرد آساني سان تعليم حاصل ڪري سگھن. اهڙن خيالن جو اظهار هن اڄ گورنمينٽ پولي ٽيڪنيڪل انسٽيٽيوٽ مڪلي (ٺٽو) ۾ سنڌ ٽيڪنيڪل ايجوڪيشن اينڊ ووڪيشنل ٽريننگ اٿارٽي (اسٽيوٽا) پاران منعقد ڪيل هڪ ڪوسٽر ڏيڻ واري تقريب کي مهمان خاص طور خطاب ڪندي ڪيو.
وڌيڪ پڙھو