آرٽيڪل
-
شھيد راڻي بينظير …. منھنجي عظيم اڳواڻ
شھيد راڻي محترمھ بينظير ڀٽو پاڪستان جي اُھا واحد شخصيت آھي جنھن تي سڀ کان وڌيڪ لکيو ويو آھي. اُھا جيستائين حيات رھي ميڊيا جي زينت رھي ۽ ماڻھن جي توجھھ جو مرڪز رھي. عوام جي بي لوث محبت ۽ شاندار عقيدت قلم وارن کي مجبور ڪري ڇڏيو تھ اُھي اِھو لکن تھ اُن ھستي ۾ ڪھڙي اُھا شيءِ يا ڳالھھ آھي جو ھر ننڍو وڏو، ٻار ۽ پوڙھو، مرد توڙي عورت ۽ خاص وعام کيس پنھنجي اميد جو مرڪز مڃي ٿو تھ اسان کي ھڪ ئي شيءِ نظر اچي ٿي ۽ اُھا آھي عوام سان محبت ۽ انھيءَ مضبوط رشتي سان ٻڌل اھا ھستي ڪڏھن بھ پنھنجي عوام کان پري نھ ٿي سگھي، مشڪل ترين حالتن ان رشتي کي وڌيڪ مضبوط ڪيو. کيس جڏھن بھ عوام کان پري ڪرڻ جي ڪوشش ڪئي وئي چاھي اُھا قيد جي صورت ھجي يا جلاوطني جي عوام ۽ محبوب اڳواڻ وچ ۾ اھو رشتو پھرين کان وڌيڪ مضبوط ٿيو
وڌيڪ پڙھو -
شهيد محترمه بينظير ڀٽو پاران جمهوريت لاءِ وهايل رت ۽ سنڌ واسين پاران ان جي ڀيٽا.
سنڌ جي راڻي شهيد محترمه بينظير ڀٽو جهڙي طرح پنهنجي وطن ۽ وطن واسين جي حقن لاءِ ويڙهه وڙهي جهڙي طرح ملڪ ۽ قوم جي ڀلائي ۽ جمهوريت جي بحالي خاطر قيد، جلاوطني جون صحبوتون سٺيون ۽ جهڙي طرح وطن جي ويرين سان وڙهندي وڙهندي پنهنجي جان جون نذارنو پيش ڪيوان جو مثال سواءِ سندس والد محترم قائد عوام شهيد ذوالفقار علي ڀٽو کان علاوه تاريخ ۾ ڪٿي به نٿو ملي. جيتوڻيڪ وطن ۽ عوام سان محبت ۽ جمهوريت جي ان ٻوٽي جي پيوندڪاري قائد عوام شهيد ذوالفقار علي ڀٽو ڪئي ۽ ان جي اوسر لاءِ پنهنجي رت جو ريج ڏنو پر ان ٻوٽي کي وڻ جي حيثيت ۾ پهچائڻ ، ان کي ڦلدار بنائڻ ۽ سنڌ جي غريب ماڻهن کي ان جي ٿڌي ڇانو هيٺ ويهارڻ لاءِ جيڪي جدوجهد ۽ پگهر ۽ رت شهيد محترمه بينظير ڀٽو وهايو ان جو مثال ملڻ مشڪل آهي _ قائد عوام ذوالفقار علي ڀٽو کي شهيد ڪرڻ کانپوءِ ظالمن اهو سمجهيو هو ته هاڻ هن ملڪ جا ماڻهو لاوارث ، بي سهارا ۽ هيڻان ٿي رهندا ۽ هو انهن جي ا ستحصال سان پنهنجابِڀَ ڀريندا ، عيش ۽ عشرت ڪندا پر قائد عوام جو نعرو طاقت جو سرچشمو عوام آهي واري شعور کان…
وڌيڪ پڙھو -
سنڌ جووڏو وزير جيڪو مدبر سياسي صلاحيت جو مالڪ آھي
سنڌ جي وڏي وزير سيد قائم علي شاھ چيو آھي ته ٻوڏ جي خطري کي نظر انداز نٿو ڪري سگھجي، دريا بادشاھ سان مقابلو ناھي انشاء الله ھن ڀيري ان کي سمنڊ جو رستو ڏيکارينداسين.ھن اھا ڳالھھ شڪارپور جي دوري دوران ڪئي. ھن ان موقعي تي آبپاشي کاتي جي عملدارن کي سختي سان ھدايت جندي چيو تھ بندن جو ڪم مقرر وقت تائين مڪمل ڪيو وڃي، ڪابه ڪوتاھي برداشت نه ڪئي ويندي، لاپرواھي ڪندڙ عملي ۽ ٺيڪيدارن کي جيل موڪليندس. ھن چيو ته 67 ۾ ٻوڏ آئي ته شھيد ڀٽو وزيرن کي بندن جي نگراني جو حڪم ڏنو ان ڪري ھاڻ به سنڌ جا سمورا چونڊيل نمائندا 51 جولاءِ کان پوءِ پنھنجن پنھنجن علائقن ۾ وڃي عوام کي بچائڻ لاءِ بندن جي نگراني ڪن. گذريل ٻوڏ ۾ اسان سڀني سخت محنت ڪئي، ٽوري بند ٽٽڻ جي ڪري ساڄي پاسي تمام گھڻو نقصان ٿيو، اسان کي اڳ ۾ ئي تياريون ڪرڻ گھرجن
وڌيڪ پڙھو -
عدالت جو فيصلو
ترڪي جي اعليٰ عدالت حڪومت جو تختو ڪَلٽي ڪرڻ جي الزام ۾ حاضر سروس ايئر چيف مارشل کي گرفتار ڪري جيل موڪلي ڇڏيو. مارشل بلگين بالانلي استنبول جي وار اڪيڊمي ۾ ڪمانڊر جا فرض سرانجام ڏئي رھيو ھو ۽ سندس شمار ملڪ جي سينئر ترين فوجي عھديدارن ۾ ٿيندو ھو، ايئر چيف جي آفيس ۽ ٻين ھنڌان ملندڙ دستاويزن جي روشني ۾ کيس جمھوري حڪومت جي خلاف سازشون ڪرڻ ۽ تختو ڪَلٽي ڪرڻ جو الزام ثابت ٿيڻ تي ملزم قرار ڏنو ويو آھي، ان الزام ۾ 211 اعليٰ فوجي آفيسر پھريان ئي گرفتار ٿي چڪا آھن ۽ جيلن ۾ سزائون ڀوڳي رھيا آھن. ايئر چيف جي گرفتاري سبب ملڪي قانونن جي تحت ھو ھاڻي ڪنھن بھ صورت ھوائي فوج جو سربراھھ مقرر نھ ٿو ڪري سگھجي، چاھي عدالت جي حتمي فيصلي ۾ کيس آزاد ئي ڇونھ ڪيو وڃي. ترڪ فوج جي ڪيترن ئي اعليٰ آفيسرن تي حڪومت جو تختو ڪَلٽي ڪرڻ ۽ ملڪ ۾ انتشار ڦھلائڻ جي الزام ۾ پھرين کان ڪيس ھلي رھيو آھي
وڌيڪ پڙھو -
ڏکڻ ايشيا جا شيدي
2009ع تي امريڪا جي صدارتي چونڊن جي نتيجي ۾ جڏهن مارٽن لوٿر ڪنگ جي خواب ساڀيان ماڻي ۽ دنيا جي سڀ کان وڏي طاقت امريڪا جو ڪاري نسل مان پهريون صدر چونڊجي ويو، تڏهن ڪاري نسل وارن جي دنيا ۾ ڄڻ ته انقلاب اچي ويو ۽ واقعي اهو انقلاب کان گهٽ به نه هو. ڪاري نسل وارا انسان جن کي اسين شيدي چئون ٿا، تن کي رڳو سندن رنگ ۽ شڪل جي بنياد تي تاريخ ۾ انتهائي گهٽ درجي وارن انسانن واري حيثيت حاصل رهي، جنهن ڪري هو دنيا ۾ ڪا خاص ترقي نه ڪري سگهيا ۽ اڄ به بک، بيماريون ۽ بدحالي سندن مقدر آهي. ڪن اسريل ۽ سڌريل سڏجندڙ ملڪن ۾ ڀلي کڻي ڪن شيدين کي اتان جي قانون موجب ڪي سهولتون مليل هجن پر باوجود ان جي کين سندن رنگ ۽ شڪل جي ڪري وري به ڪٿي نه ڪٿي گهٽتائي ۽ محروميءَ جو احساس ضرور ٿيڻ لڳي ٿو. جيتوڻيڪ اسلام چٽي نموني ڪنهن انسان جي سٺي ۽ خراب جي پرک رنگ، نسل ۽ ننڍ وڏائي جي بنياد تي ڪرڻ کي رد ڪري ٿو ۽ انهن جي سٺائيءَ جو رڳو هڪ ئي معيار رکيو آهي
وڌيڪ پڙھو -
ڊرون حملا
جيڪي ماڻھو اھو جواز پيش ڪن ٿا تھ پاڪستان ۾ دھشتگرديءَ جون ڪاروايون ڊرون حملن جي جواب ۾ ٿين ٿيون، اھي محض قوم کي گمراھھ ڪن ٿا، ڇا ڪو ان ڳالھھ جو جواز پيش ڪري سگھي ٿو تھ قبائلي علائقن ۾ ڊرون حملن ۾ غير ملڪي دھشتگردن جي مارجي وڃڻ جي رد عمل ۾ معصوم ۽ بيگناھھ ماڻھن کي موت جي حوالي ڪيو وڃي، دھشتگردي جي خلاف جنگ ۾ نھ صرف ھٿياربند فوج، قانون لاڳو ڪندڙ ٻين ادارن جا 5 ھزار کان وڌيڪ آفيسر ۽ جوان شھيد ٿيا آھن پر .3 ھزار عام پاڪستاني دھشتگردن جي ڪارواين سبب شھيد ٿيا آھن ۽ لکين پاڪستاني معصوم عورتون، ٻار، جوان ۽ پوڙھا زخمي ٿيا، جيڪي پوري زندگي لاءِ معذور ٿي ويا، اسلام جو نالو وٺي دھشتگردي ڪندڙن کي اسلام جي بنيادي تعليمات جو بھ شايد علم نھ آھي، جنھن ۾ جنگ جي دوران بيگناھھ عورتن، ٻارن ۽ پوڙھن کي تحفظ ڏنو ويو آھي، اسلامي تعليمات ۾ تھ ٻني ٻاري جي تحفظ جي ضمانت بھ ڏني وئي آھي ڪنھن بيگناھھ جي قتل کي پوري انسانيت جو قتل قرار ڏنو ويو آھي، اسلام جي بنيادي تعليمات ۾ ھر عورت ۽ مرد تي تعليم لازم ڪئي وئي آھي
وڌيڪ پڙھو -
ملائيشيا جو سفر قسط پھرين
ملائيشيا هڪ گهڻ قومو، گهڻ مذهبو ۽ گهڻ زبانو ملڪ آهي. ملڪ جو سرڪاري طرح مذهب اسلام آهي ۽ ملڪ جي 60 سيڪڙو ملئي آدمشماري مسلمان آهي. ان کان علاوه باقي چينين ۽ انڊين ۾ به گهٽ ۾ گهٽ ڏهه سيڪڙو مسلمان آهن پر تنهن هوندي به ٻين مذهبن جي ماڻهن ۽ انهن جي عبادت گهرن کي عزت جي نگاهه سان ڏٺو وڃي ٿو ۽ صحيح معنى ۾ هر هڪ کي پنهنجي مذهب جي پوئيواري ڪرڻ جي آزادي آهي. توهان کي هر شهر ۾ مسجدن کان علاوه چينين ۽ هندن جا مندر، ٻڌن جا پگوڊا، سکن جا ٽڪاڻا (گوردوارا) ۽ عيسائين جا گرجا گهر نظر ايندا. اهي به پروٽيسٽنٽ عيسائين جا الڳ ته ڪئٿولڪ عيسائين جا الڳ. ملاڪا ۾ ته ”جانڪر اسٽريٽ“ وٽ انهن ٻن گرجا گهرن کان علاوه انڊيا جي تامل عيسائين جو چرچ الڳ آهي جنهن جو نالو ئي ”تامل ڪرسچن چرچ“ آهي. ان چرچ جي ئي ڀرسان منهنجي ميزبان ڊاڪٽر مير عطا محمد ٽالپر (جنهن وٽ هن دفعي ملاڪا ۾ رهيس) جو ”ملاڪا ڪامپليمينٽري ميڊيسن“ جو ڪاليج آهي جنهن ۾ هو ڪنسلٽنٽ ڊاڪٽر آهي. بهرحال ملائيشيا ۾ نه فقط مختلف مذهبن جا ماڻهو رهن ٿا
وڌيڪ پڙھو -
توانائي جو بحران
پاڪستان توانائي جي شعبي ۾ گھرج ۽ پھچ جي شديد عدم توازن جو شڪار آھي. گئس جا پراڻا ذخيرا تيزي سان گھٽجي رھيا آھن، جڏھن تھ نوان ذخيرا ملڪ جي وڌندڙ آبادي ۽ ھر سال فراھم ڪيا ويندڙ لکين گھريلو، صنعتي ۽ تجارتي ڪنيڪشن جي ڀيٽ ۾ گھٽ آھن. پاڪستان ۾ گئس جي اڳوڻن ذخيرن کي ظالماڻي ۽ بي درديءَ واري طريقي سان استعمال ڪيو ويو، ناقص گھريلو گيزر، ھيٽر ۽ چُلھا بھ گئس جي ذيان جو اھم ڪارڻ آھن. ٻئي پاسي ملڪ کي بجلي جي گھرج ۽ پھچ ۾ بھ شديد عدم توازن جو منھن آھي، حقيقتن کي سامھون رکيو وڃي تھ ان بحران جي سموري ذميواري پاڪستان تي ڊگھي عرصي تائين حڪومت ڪندڙ فوجي آمرن تي پوي ٿي. جنرل ضياءَ جي دور ۾ ڪالاباغ ڊيم کي تڪراري بڻايو ويو، جيڪڏھن ڪالا باغ ڊيم سياست جي وَر نھ چاڙھيو وڃي ھا ۽ بروقت مڪمل ڪيو وڃي ھا تھ شايد پاڪستان اڄ بجلي جي ان بحران جو شڪار نھ ھجي ھا. جنرل مشرف جي .1 سالا اقتداري دور ۾ ڀاشا ڊيم کي مڪمل نھ ڪيو ويو محض سياسي بيان بازي ذريعي وقت گذاريو ويو، جنھن سان بجلي جو بحران شدت اختيار ڪندو ويو.
وڌيڪ پڙھو -
سنڌي صحافت ۽ صحافتي اخلاقيات
سنڌي صحافت سنڌ جي سياسي، سماجي، ثقافتي مورچي تي سماج جي ٻين پرتن سان گڏجي ڪيئي فتحون حاصل ڪيون آهن. انهن جي جاکوڙ اڄ به جاري وَ ساري آهي. سنڌي صحافين جي بي باڪانه ۽ بهادرانه صحافت ڪري کين سياسي اڳواڻن توڙي ڏوهاري ماڻهن هٿان مختلف مؤقعن تي سخت تشدد جو نشانو به بڻجڻو پيو آهي. ڪن حالتن ۾ ته اهي پنهنجي جان به قربان به ڪري چڪاآهن. سنڌي صحافت ملڪ جي نام نهاد قومي زرد صحافت جي ڀيٽ ۾ پنهنجو هڪ اوچو ۽ اعى مقام رکي ٿي. پر ان هوندي به سنڌي اخبارون صحافت جي اخلاقيات کان لڳي ٿو ته تمام گھٽ واقف آهن. سنڌي ميڊيا کي ان سلسلي ۾ صحافين ۽ صحافت سان لاڳاپيل ذميوار ماڻهن کي اهي سڀ شيون سيکارڻيون پونديون. ڪيس اسٽڊي طور هڪ خبر کي ٿا وٺون. ٿرڙيءَ ۾ هڪ نينگر کي اغوا ڪري ساڻس زيادتي ڪئي ويئي، جڏهن اها خبر سندس امڙ کي پيئي ته کيس بيهوشيءَ جا دؤرا پوڻ لڳا. لڳ ڀڳ سمورين سنڌي اخبارن ان واقعي کي ڪوريج ڏني آهي. جنهن ۾ نينگر ۽ سندس بيهوش امڙ جا ڦوٽو به خبر سان گڏ ڏنا ويا آهن.
وڌيڪ پڙھو -
ڏک لفظن ۾ بيان ڪيئن ٿئي !! لڙڪ اکين جا بند ٽوڙن ٿا
طارق عالم کي جيڪا شهرت ناول ”رهجي ويل منظر“ لکڻ تي ملي، سا سنڌ جي تمام گهٽ ناول نگارن جي حصي ۾ آئي آهي. پاڻ هڪ ورسٽائيل ڪهاڻيڪار ۽ خاص طور تي هائيڪي جي بهترين شاعر هجڻ کان علاوه رنگن ۽ لڪيرن سان راند ڪندڙ خوبصورت مصور پڻ هو. سندس مصور هجڻ وارو حوالو ٿي سگھي ٿو ڪجهه ماڻهن لاءِ نئون به هجي. هتي اها ڳالهه غور لائق آهي ته طارق هڪ ئي وقت هيڏن سارن مختلف شعبن ۾ ڪم ڪيو آهي، جنهن سبب سندس شخصيت جا به ڪيترائي رخ آهن. ان حوالي سان ڪو شڪ ناهي ته هو هڪ گهڻ پاسائين شخصيت هو.
وڌيڪ پڙھو