سکر
-
اکتوبر- 2011 -14 اکتوبر
حضرت فقير قادر بخش بيدل جو 3 4 1 هون ساليانو عرس روھڙي ۾ شروع ٿي ويو
سنڌ ۽ هنڌ جي عظيم صوفي شاعر، مفڪر ۽ عالم حضرت فقير قادر بخش بيدل جو 3 4 1 هون ساليانو عرس مبارڪ خميس کان شروع ٿي ويو ۽ ٽن ڏينهن جي تقريبن جو آغاز ٿي ويو آهي حضرت فقير قادر بخش جي سالياني عرس مبارڪ جو افتتاح ثقافت کاتي جي صوبائي سيڪريٽري عبدالعزيز عقيلي مزار تي چادر چاڙهي ڪئي، ان کانپوءِ محفل سماع شروع ٿي ان موقعي تي بيدل يادگار ڪميٽي جي سيڪريٽري اختر درگاهي پاران مزار ڀرسان بيدل آڊيٽوريم هال تعمير نه ٿيڻ سميت ٻيا به مسئلا پيش ڪيا
وڌيڪ پڙھو -
13 اکتوبر
سکر ۾ هٿياربندن فائرنگ ڪري هڪ نوجوان کي قتل ڪري
سکر ۾ ڏينهن ڏٺي هٿياربندن فائرنگ ڪري هڪ نوجوان کي قتل ڪري ڇڏيوخبرموجب سکر جي سيشن ڪورٽ ويجهو شاليمار واري علائقي ۾ موٽر سائيڪل تي سوار ٽن هٿياربندن ڪيس جي پيشي لاءِ پنوعاقل کان آيل نوجوان يارمحمد پٽ بهاول جتوئي تي فائرنگ ڪري قتل ڪرڻ بعد فرار ٿي ويا فوري اطلاع باوجود پوليس ٿسي سيڪشن ٿاڻو ويجهو هئڻ باوجود پوليس اڌ ڪلاڪ دير سان پهتي ۽ لاش سول اسپتال کڻائي پوسٽ مارٽم بعد وارثن حوالي ڪئي واضع رهي ته اڳ به ساڳي علائقي ۾ پوليس جي موجودگي باوجود ڪيس جي ٻڌڻي لاءِ آيل ڪيترن ماڻهن کي قتل ڪيو ويو آهي.
وڌيڪ پڙھو -
13 اکتوبر
واپڊا جي نجڪاري خلاف پاڪستان واپڊا هائيڊرو اليڪٽرڪ سينٽرل ليبر يونين جي اڳواڻ جي احتجاجي ريلي
پاڪستان واپڊا هائيڊرو اليڪٽرڪ سينٽرل ليبر يونين زون سکر جي اهتمام هيٺ محمد بن قاسم پارڪ کان ريلي ڪڍي ويئي جيڪا مختلف رستن کان ٿيندي نيشنل پريس ڪلب تي احتجاجي جلسي ۾ تبديل ٿي ويئي ريلي جي قيادت زونل اڳواڻ سيد زاهد حسين شاهه، بدرالسلام ملڪ، مظهر حسين انصاري ۽ لاله ڌڻي بخش پٺاڻ ڪري رهيا هئا. احتجاجي ريلي کي خطاب ڪندي هنن چيو ته حڪمران قومي ۽ حساس ادارن کي نجڪاري جي ڪوشش ڪري رهيا آهن ۽ هاڻي واپڊا جا پاور هائوسز جي نجڪاري رهيا آهن. جنهن سان بجلي انتهائي مهانگي ٿي ويندي. جنهن سان ملڪ جي اقتصادي صورتحال ۽ مهانگائي جو طوفان اٿندو. غريب ۽ محنت ڪش طبقو جيڪو پهريان ئي انتهائي مشڪل صورتحال جو شڪار آهي. وڌيڪ بدحالي جو شڪار ٿي ويندو
وڌيڪ پڙھو -
13 اکتوبر
لاڙڪاڻي جي رهواسي طرفان سندس ڀينرن جي اغوا خلاف سکر ھاءِ ڪورٽ ۾ پٽيشن
لاڙڪاڻي جي رهواسي علي دوست سنڌ هاءِ ڪورٽ سکر بينچ ۾ پنهنجي وڪيل نصرت ميمڻ معرفت پٽيشن داخل ڪرائيندي ڄاڻايو آهي ته سندس ڀيڻ زينب سوڌو صغرا،روانتي ۽ ٻين عورتن ڳوٺ محبت ديرو۾ شاهد ٽانوري نالي شخص جي زمين تي ڪم ڪنديون هيون ڏيڍ مهينو اڳ شاهد پنهنجي هٿياربند ساٿين جمال،يوسف،۽ مظفر کين اغوا ڪيو ۽ مسلسل زيادتي جو نشانو بڻايو ڪجهه ڏينهن اڳ صغرا موقعو وٺي اتان ڀڄي ٻين عورتن جي اغوا جي اطلاع ڪئي ڳوٺ وارن جي پٽيشن تي عدالت ڊي پي او نوشهرو فيروز،ايس ايڇ او محبت ديرو ۽ ٻين آفيسرن کي عدالت ۾ طلب ڪيو آهي.
وڌيڪ پڙھو -
13 اکتوبر
پاپوليشن ويلفيئر کاتي جي ملازمن آپڪا فيملي پلانگ جي اڳواڻن جو احتجاج
پاپوليشن ويلفيئر کاتي جي ملازمن آپڪا فيملي پلانگ جي صدر پريل دايو جي اڳواڻي ۾ سکر جي سعيد سرهندي روڊ تي احتجاجي مظاهرو ڪندي ملازمن جي ريگيولر ڪرائڻ ۽ سن ڪوٽا تي عمل ڪرڻ جو مطالبو ڪيو آهي.
وڌيڪ پڙھو -
ستمبر- 2011 -17 ستمبر
آزاد ڪيل جوابدار سڪندر شيخ جي گرفتاري لاءِ پٽڻي جي رهواسڻ مسمات نورجهان شيخ جو احتجاج
سکر پوليس طرفان گرفتاري بعد ايس ايس پي جي حڪم تي آزاد ڪيل جوابدار سڪندر شيخ جي گرفتاري لاءِ پٽڻي جي رهواسڻ مسمات نورجهان شيخ پنهنجي ٻن ٻارن سميت سکر نيشنل پريس ڪلب آڏو احتجاج ڪندي ميڊيا کي دانهيو ته گرفتاري بعد ڇڏيل جوابدار 2 مهينا اڳ سندس گهر ۾ گهڙي ڌاڙو هنيو هو جنهن جي ايف آءِ آر پڻ داخل ڪرائي ان ڪيس ۾ گهربل جوابدار کي ايس ايس پي جي حڪم تي ڇڏيو وي جيڪو سراسر غير قانوني عمل آهي لڳي ٿو ته جوابدار جي بااثر ماڻهو پشت پناهي ڪري رهيا آهن جيڪڏهن جوابدارن خلاف ڪاروائي بجاءِ پوليس آفيسر کين ڇڏي ڏيندا ته ڏوهن جون ڪاروايون ڪيئن ختم ٿينديون هن وزير اعلي سنڌ ۽ آءِ جي سنڌ ،آرپي او ،۽ ڊي آءِ جي سکر کي اپيل ڪئي ته ڇڏيل جوابدار کي گرفتار ڪري سندس گهر مان ڦر ٿيل 2 لک روپيا روڪ،سونا زيور ۽ ٻيو سامان واپس ڪرائي انصاف ڏياريو وڃي
وڌيڪ پڙھو -
17 ستمبر
اين جي اوز گهرجي ته اهي معاشري ۾ تعميري ڪمن ۾ حڪومتي ادارن کي به شامل ڪن : نرگس اين ڊي خان
اين جي اوز جو ڪردار سماجي ترقي جي لاءِ نهايت لازمي آهي انهن کي گهرجي ته اهي معاشري ۾ تعميري ڪمن ۾ حڪومتي ادارن کي به شامل ڪن. اهڙن خيالن جو اظهار صوبائي وزير براءِ سماجي بهبود ميڊم نرگس اين ڊي خان پاڪستان بيت المال جي سويٽ هوم جي دوري جي دوران ڪيو. هن چيو ته سماجي ترقي جي لاءِ اين جي اوز جو ڪردار لازمي آهي ۽ انهن کي گهرجي ته اهي معاشري ۾ تعميري ڪمن ۾ حڪومتي ادارن کي به شامل ڪن ته جيئن سويٽ هوم جهڙن ادارن کي بهتر انداز ۾ بڻايو وڃي. هن ان موقعي تي سويٽ هوم ۾ موجود 4 کان 8 سالن جي 0 4 کان وڌيڪ معصوم ۽ يتيم ٻارن سان گڏ ناشتو ڪيو.
وڌيڪ پڙھو -
17 ستمبر
بشير قريشي جي گرفتاري خلاف جسقم جي سڏ تي سکر جي مختلف علائقن ۾ جزوي هڙتال، شهر جا پيٽرول پمپ بند
جيئي سنڌ قومي محاذ جي چيئرمين بشير خان قريشيءَ جي گرفتاريءَ خلاف جسقم جي سڏ تي سکر جي مختلف علائقن ۾ جزوي هڙتال، شهر جا پيٽرول پمپ بند، جسقم ضلع سکر پاران احتجاجي مظاهرا، خبر موجب گذريل ڏينهن جيئي سنڌ قومي محاذ جي چيئرمين بشير خان قريشيءَ جي ڪراچيءَ ۾ رينجرز هٿان گرفتاريءَ خلاف جسقم جي سڏ تي سنڌ جي ٻين علائقن جيان سکر جي مختلف علائقن ۾ جزوي هڙتال ٿي. جنهن ۾ شهر جا پيٽرول پمپ بند رهيا، جسقم ضلعي سکر پاران بشير خان قريشيءَ جي آزاديءَ لاءِ احتجاجي مظاهرا ڪيا ويا. جسقم ضلع سکر جي صدر غلام مصطفيٰ ڦلپوٽو حڪومت کان مطالبو ڪيو آهي ته جسقم چيئرمين بشير خان قريشيءَ کي آزاد ڪيو وڃي نه ته ٻئي صورت ۾ احتجاج جو دائرو وڌايو ويندو. جڏهن ته سکر جي ڀرپاسي جي شهرن روهڙي، ڪنڌرا، صالح پٽ، سميت ٻين شهرن ۾ به جزوي هڙتال جون اطلاعون مليون آهن. خوف حراس سبب عوام گهٽ روڊن تي نظر آيو.
وڌيڪ پڙھو -
17 ستمبر
گورنمينٽ اسلاميا آرٽس اينڊ ڪامرس ڪاليج سکر ۾ فرسٽ ايئر ۽ انٽر آرٽس اينڊ ڪامرس جو ڪلاسسز 9 0 سيپٽمبر کان شروع ٿي چڪيون
)گورنمينٽ اسلاميا آرٽس اينڊ ڪامرس ڪاليج سکر ۾ فرسٽ ايئر ۽ انٽر آرٽس اينڊ ڪامرس جو ڪلاسسز 9 0 سيپٽمبر کان شروع ٿي چڪيون آهن ڪاليج جي پرنسپال پروفيسر ڊاڪٽر عبدالقيوم منگي شاگردن کي والدين کي گذارش ڪئي آهي ته هو پنهنجي ٻارڙن کي ڪاليج موڪلين ٻي صورت ۾ سندن داخلا ختم ڪئي ويندي.
وڌيڪ پڙھو -
16 ستمبر
زرداري جو ٻاھرئين ملڪ مان علاج ڪرائڻ عوام سان وڏي دشمني آهي: ممتاز علي خان ڀٽو
سنڌ نيشنل فرنٽ جي چيئرمين نواب ممتاز علي خان ڀٽو هڪ بيان ۾ چيو آهي ته جڏهن ڪروڙ کان وڌيڪ سنڌ جا غريب مسلسل ٻيو سال به ٻوڏ جو شڪار بڻيا آهن. انهن لاءِ دعائون گهرڻ ته ٺيڪ آهي پر زرداري طبي معائني لاءِ برطانيه وڃي پنهنجي ساٿين سميت ڪروڙين روپيا اهڙي طبي معائني تي خرچ ڪري جيڪو ملڪ جي اندر چند هزارن ۾ ٿي سگهي پيو. اها عوام سان وڏي دشمني آهي. هر طرف عوام پنهنجا معصوم ٻچا بک کان بچائڻ لاءِ ٻين جي درن تي ڦٽي ٿو ڪري اچي ته ٻئي طرف وري حڪمران بدستور پنهنجي عياشي ۾ ٻڏل آهن جيڪو ساليانو 0 0 1 کرب روپيا رشوت ۾ غرق ٿو ٿئي ۽ 0 0 5 ارب روپيا بيڪار حڪمرانن تي ٿو خرچ ٿئي ان جو جيڪڏهن اڌ به بچائي ڏتڙيل عوام تي خرچ ڪجي ته انهن جون وڏيون مشڪلاتون ختم ٿي سگهن ٿيون.
وڌيڪ پڙھو