سکر
-
اکتوبر- 2011 -19 اکتوبر
سکر ۾ 12 ڏينھن ۾ هڪ ٻي ڊولفن مرده حالت ۾ برآمد
سکر ۾ هڪ ٻي ڊولفن مرده حالت ۾ برآمد، ڊولفن جي موت 12 ڏينهن اڳ ٿيل آهي جنهن جي لاش اڄ ملي آهي وائيلڊ لائيف خبر موجب: سکر جي وٽان سنڌو درياءَ جي سکر بئراج جي گيٽ نمبر 24 وٽان هڪ ٻي مادي ڊولفن جي لاش ملي آهي، جنهن جو قد 6 فوٽ ۽ وزن چاليهه ڪلو گرام آهي، وائيلڊ لائيف کاتي جي عملي کي اطلاع ملڻ تي پهچي ڪري ريسڪيو آپريشن جي ذريعي ڊولفن جي لاش درياءَ مان ڪڍي. ان سلسلي ۾ رابطي ڪرڻ تي وائيلڊ لائيف سکر جي ڊپٽي ڪنزويٽر تاج محمد شيخ ٻڌايو ته ڊولفن جي موت 12 ڏينهن اڳ ٿيل آهي،
وڌيڪ پڙھو -
19 اکتوبر
مرڪزي جمعيت اهلحديث پاڪستان پاران برسات متاثرن جي امداد لاءِ سکر ۾ ھڪ تقريب ٿي گذري
مرڪزي جمعيت اهلحديث پاڪستان جي پاران سنڌ جي برسات متاثرن ۽ ٻوڏ متاثرين ۾ امداد جي ٽئين مرحلي ۾ مرڪزي جامع مسجد اهل حديث مارچ بازار ۾ هڪ تقريب منعقد ٿي جنهن ۾ اهل حديث يوٿ فورس پاڪستان جي اڳوڻي صدر ۽ مرڪزي جمعيت اهل حديث جي مرڪزي رهنما قاضي رياض قدير، عبدالله بن ام مڪتوم ٽرسٽ جي چيئرمين ميان محمد سليم ضيا، مرڪزي جمعيت اهل حديث پاڪستان جي مرڪزي ريليف ڪميٽي جي ميمبر مولانا عبدالرحمان ثاقب،ضلعي امير مولانا محمد عثمان ۽ ٻيا موجود هئا. سکر ڊويزن جي سوين متاثرن ۾ روڪ رقم ۽ سامان تقسيم ڪيو ويو. ان موقعي تي قاضي رياض قدير چيو ته قدرتي آفتن ۽ مصيبتون در اصل اسان جو امتحان آهن جيڪي صبر ۽ حوصلي سان برداشت ڪرڻ گهرجي
وڌيڪ پڙھو -
19 اکتوبر
ماروي ميمڻ ھن سال به 27 آڪٽوبر تي لائين آف ڪنٽرول وٽ احتجاجي ڌرڻي جو اعلان ڪري ڇڏيو
قومي اسيمبليءَ جي اڳوڻي ميمبر ماروي ميمڻ هن ڀيري به 27 آڪٽوبر تي لائين آف ڪنٽرول وٽ احتجاجي ڌرڻي جو اعلان ڪندي چيو آهي ته ڀارت مظلوم ڪشميرين تي جيڪا جاريحت استعمال پيو ڪري اها ناقابل برداشت آهي کيس ظلم ڪرڻ بجاءِ مسئلي جو حل ڳولهڻ گهرجي ان ڌرڻي ۾ ملڪ جا نوجوان ڀرپور نموني شرڪت ڪنداجڏهن ته ملڪ اندر حڪمران عوام مسئلن کي حل ڪرڻ بدران لٽ مار ۽ ناٽڪ بازي پيا ڪن رڳو ڪراچي ئي نه پر پوري ملڪ اندر ڀتاخور موجود آهن رڳو فرق اهو آهي ته ڪي ننڍا ڀتاخور آهن ته ڪي وڏا جيڪڏهن شهيد محترمه بينظير ڀٽو موجود هجي ها ته روزگار ۽ نوڪريون مستقل ڪرڻ خاطر مرد ۽ عورتون اهڙي حالتن ۾ روڊن تي نه هجن ها اهڙو اظهار هن گذريل رات دير سان سکر نيشنل پريس ڪلب پريس ڪانفرنس ڪندي ڪيو.
وڌيڪ پڙھو -
17 اکتوبر
مسلم ليگ ن لانگ مارچ ڪري ملڪ ۾ هڪ ڀيرو ٻيهر 1990 وارو واقعو دهرائي رهي آهي: خورشيد شاھ
)وفاقي وزير مذهبي امور سيد خورشيد احمد شاهه چيو آهي ته مسلم ليگ ن لانگ مارچ ڪري ملڪ ۾ هڪ ڀيرو ٻيهر 1990 وارو واقعو دهرائي رهي آهي، هن ماضيءَ مان ڪو به سبق نه سکيو آهي ۽ پنهنجو لانگ مارچ ڪري شوق پورو ڪري وٺي، ججن جي بحالي ان جي لانگ مارچ سان نه پيپلز پارٽيءَ جو ڪارنامو آهي. اهڙن خيالن جو اظهار هن سکر ۾ ميڊيا سان ڳالهيون ڪندي ڪيون. هن وڌيڪ چيو ته مسلم ليگ ن جي رويي جي ڪري ملڪ ۾ 10 سالن تائين مارشل لا نافذ رهيو ۽ انهن جي لانگ مارچ سان اسان تي ڪو به فرق نه پيو آهي، هن چيو ته پنجاب وفاق کي فوج ڪشي جي تياري ڪري رهيو آهي،
وڌيڪ پڙھو -
15 اکتوبر
ڪنڌرا لڳ اسپتال ڀرسان هٿياربندن مجلس وحدت مسلمين سيڪٽر ڪنڌرا جي اڳواڻ کان ڦر
ڪنڌرا لڳ اسپتال ڀرسان هٿياربندن مجلس وحدت مسلمين سيڪٽر ڪنڌرا جي اڳواڻ مير انور ٽالپر جو پٽ مير حيدر بخش ٽالپر جي ڪار کي روڪي هزارين روپيه روڪ رقم ۽ ٻيو سامان ڦر ڪري فرار ٿي ويا. هن واقعي خلاف مجلس وحدت مسلمين طرفان احتجاجي مظاهرو ڪري جوابدارن جي گرفتاري جو مطالبو ڪيو ويو آهي.
وڌيڪ پڙھو -
15 اکتوبر
سينيٽر اسلام الدين شيخ کي پاڪستان پيپلز پارٽي طرفان سينيٽ ۾ چيف وهپ مقرر ڪرڻ جي خوشيءَ ۾ سکر ۾ ريلي
سکر سان تعلق رکندڙ سينيٽر اسلام الدين شيخ کي پاڪستان پيپلز پارٽي طرفان سينيٽ ۾ چيف وهپ مقرر ڪرڻ جي خوشيءَ ۾ جناح ويلفيئر ايسوسئيشن سکر جي جنرل سيڪريٽري اصلاح الدين شيخ جي اڳواڻيءَ ۾ ريلي ڪڍي وئي. ريليءَ ۾ حاجي فيض محمد قريشي، امير الدين شيخ، نعيم بيگ، رفيق ميراڻي، منير راجپوت ۽ ٻين سماجي رهنمائن شرڪت ڪئي. ريليءَ ۾ شرڪت ڪندڙن جي هٿن ۾ پلي ڪارڊ کنيل هئا جن تي صدر آصف زرداري، وزير اعظم يوسف رضا گيلاني ۽ سينيٽر اسلام الدين شيخ جي حق ۾ نعرا لکيل هئا. ريليءَ کي جناح ويلفيئر ايسوسئيشن جي جنرل سيڪريٽري اصلاح الدين شيخ خطاب ڪندي چيو ته اسلام الدين شيخ هميشه سکر جي عوام جي بي لوث خدمت ڪئي آهي ۽ سکر جا ڪيترائي مسئلا حل ڪيا آهن
وڌيڪ پڙھو -
15 اکتوبر
اڄ 4 وڳي حضرت قادر بخش جي مزار تي محفل مشاعرو ٿيندو
سنڌ ۽ هنڌ جي عظيم صوفي مفڪر، عالم ۽ شاعر حضرت قادر بخش بيدل جي 143 هين سالياني عرس مبارڪ جي ٻئي ڏينهن تي مهنديءَ جي رسم ادا ڪئي وئي ۽ راڳ رنگ جي محفل شروع ٿي، جنهن ۾ مقامي فنڪارن صوفياڻا راڳ ڳائي عقيدتمندن کي جهومائي ڇڏيو. اڄ 4 وڳي محفل مشاعرو ٿيندو ۽ 6 وڳي بيدل ادبي ڪانفرنس بيدل آڊيٽوريم هال ۾ منعقد ٿيندي جنهن جو مهمان خاص وفاقي وزير مذهبي امور سيد خورشيد احمد شاهه هوندو
وڌيڪ پڙھو -
15 اکتوبر
يونين ڪائونسل ڊيليگٽس لوڪل ڪائونسل ايسوسئيشنز طرفان سکر ۾ تربيت ورڪشاب جو پروگرام ڪيو ويو
يونين ڪائونسل ڊيليگٽس لوڪل ڪائونسل ايسوسئيشنز طرفان سکر ۾ تربيت ورڪشاب جو پروگرام ڪيو ويو، جنهن ۾ يوسي بچل شاهه مياڻي، راهوجه ۽ يوسي نئون ڳوٺ جي چونڊيل چيئرمينن سميت ميمبرن شرڪت ڪئي. ورڪشاپ کي خطاب ڪندي طالب حسين مهر ۽ افضل علي چنه چيو ته هي تربيتي پروگرام وو آرگائيزيشن لوڪل ايسوسئيشن، ديولوشن ٽرسٽ فار ڪميونٽي ۽ پاور مينٿ جي اڳواڻي هيٺ هر ڏينهن مختلف يونين ڪائونسلن ۾ ٽريننگ جو پروگرام رٿيو ويندو آهي
وڌيڪ پڙھو -
15 اکتوبر
ڪتي جي ڏاڙھيل 12 سالن جي نينگري فريدا کي ڊيوٽي ڏيندڙ ڊاڪٽر انجيڪشن نه هجڻ جو چئي کين موٽائي ڇڏيو
سکر جي شمس آباد واري علائقي جي رهواسڻ 2 1 سالن جي نينگري فريدا ڌيءَشيرمحمد مهر کي ڪتي ڏاڙهي وڌو جنهن کي شام ڌاري سول اسپتال پهچايو ويو ته ڊيوٽي ڏيندڙ ڊاڪٽر انجيڪشن نه هجڻ جو چئي کين موٽائي ڇڏيو وارثن موجب ڊاڪٽر اڄ ڇنڇر تي اچڻ لاءِ چيو آهي ۽ هوڏانهن حڪومت پاران موڪل جو اعلان ڪيو ويو آهي جيڪڏهن اسان جي ٻارڙي کي ڪجهه به ٿيو ته ڊاڪٽر ۽ سول اسپتال انتظاميا ذميوار هوندي.
وڌيڪ پڙھو -
15 اکتوبر
منھنجي گهر واري رحمت خاتون کي سندس مائٽن زبردستي قيد ڪري ڇڏيو آهي: ڪنڌرا رھواسي
ڪنڌرا ڀرسان ڳوٺ ابراهيم تنيو جي رهواسي نوجوان نسيم الله تنيو ڪنڌرا پريس ڪلب ۾ پريس ڪانفرنس ڪندي چيو آهي ته سندس گهر واري رحمت خاتون کي سندس مائٽن زبردستي قيد ڪري ڇڏيو آهي هن چيو ته منهنجي گهر واري رحمت خاتون پنهنجي ماءُ سان ملڻ لاءِ گهر وئي ته جوابدارن ان کي زبردستي ڪمري ۾ بند ڪري قيد ڪري ڇڏيو آهي
وڌيڪ پڙھو