شڪارپور

شڪارپور ۾ مليريا ، ڊائريا ۽ ڊينگي وائرس کان بچڻ لا۽ اسپري ڪرائڻ جو فيصلو

شڪارپور ۾ مليريا ، ڊائريا ۽ ڊينگي وائرس کان بچڻ لا۽ اسپري ڪرائڻ جو فيصلو . تفصيل موجب : تازو سنڌ ۾ برساتن کان پو۽ ڦهلجندڙ بيمارين مليريا ، ڊائريا ، ڊينگي وائرس کان بچڻ لا۽ اڄ اي ڊي او آفيس ۾ اي ڊي او هيلٿ شڪارپور ڊاڪٽر خليل احمد ڪٽپر جي سربراهي ۾ اجلاس ٿيو جنهن ۾ شڪارپور ضلعي جي ڊاڪٽرن حصو ورتو ان اجلاس ۾ اهو فيصلو ڪيو ويو ته شڪارپور ضلعي جي چئني تعلقن جنهن ۾ لکي غلام شاه ، ڳڙهي ياسين ، خانپور ۽ ننڍن ننڍن علائقن جنهن ۾ همايون ، مدئجي ، ڳاهيجا ، رڪ ، جهلي ڪلواڙي ، ميان صاحب ، رستم ، ڳوٺ ڦلپوٽا ، مريد ڳوٺ ، ڪرن شريف ۾ پيل تازين برساتن کان پو۽ ڦهلجندڙ بيماريون جنهن ۾ مليريا ، ڊائريا ، ڊينگي وائرس کان بچا۽ لا۽ اسپري ڪرائي ويندي ۽ چار ٽيمون جوڙيون ويون آهن

وڌيڪ پڙھو

شڪار پور ۾ بارش، 2 کان 3 فٽ پاڻي بيھي رھجي، مواصلاتي نظام درھم برھم

اڄ صبح کان شڪارپور ضلعي ۾ برسات ۽ بادلن جي گجگوڙن وقفي وقفي سان وڏي اسپيڊ سان برسات جاري شهر جي مختلف چوراهن تي پاڻي 2 کان 3 فٽ بيهجي ويو اسڪولن، ڪاليجن ۽ آفيسن ۾ حاضري گهٽ رهي . تفصيل موجب : اڄ صبح کان شڪارپور ضلعي ۾ برسات ، کوڙن جا گجگوڙ برسات شڪارپور شهر ، لکي غلام شاه ، خانپور ، ڳڙهي ياسين ، مدئجي ، همايون ، رڪ ، جهلي ڪلواڙي ، ڳاهيجا ۾ تباهي مچائي ڇڏي برسات وقفي وقفي سان جاري جڏهن ته شهر جي مک چوراهن جنهن ۾ هزاري در ، هاٿي در ، جماڻي هال، پوليس 15 چوڪ، پريس ڪلب ، لکي در گهنٽاگهر ، حاجي لطيف شاه روڊ ، سرڪيولر روڊ تي ٻه کان ٽئي فوٽ پاڻي بيهجي ويو

وڌيڪ پڙھو

سکر جو رھواسي قتل، 6 مبينه جوابدارن مٿان ڪيس داخل

پراڻي تڪرار تي سکر جو رهواسي گلزار شاه کي پنهنجي مائٽن گوليون هڻي شڪارپور منڊي ڦاٽڪ وٽ قتل ڪري ڇڏيو سندس لاش اڌ ڪلاڪ اس ۾ پيو رهيو سندس لاش ايڌي وارن کڻائي سول اسپتال پهچايو . تفصيل موجب : شڪارپور شهر جي منڊي ڦاٽڪ وٽان سيد گلزار شاه پٽ بهار شاه عمر 45 سال وڃي رهيو هو ته سندس مائٽن کيس گولين جا فائر ڪري قتل ڪري ڇڏيو ٻڌايو پيو وڃي ته گلزار شاه اصل گوسڙجي جو رهواسي آهي گلزار شاه زخمن جا سور نه سهندي تڏي ته فوت ٿئي ويو جڏهن ته فوتي جو لاش منڊي ڦاٽڪ وٽ اٽڪل اڌ ڪلاڪ پيو رهيو سندس لاش کي مشهور فلاحي تنظيم ايدهي وارن کڻائي سول اسپتال پهچايو سول اسپتال جي عملي پاران فوتي جي وارثن کي اطلاع ڏنو ويو

وڌيڪ پڙھو

ٽوڙي بند ٽٽڻ جا ذميوار خورشيد شاهه ۽ آبپاشي کاتو آهن: عابد سندراڻي

دڙي شهر جي رهواسي ايم پي اي مير عابد خان سندراڻي ھڪ سنڌي اخبار جي ٽيم سان ڳالهائيندي چيو آهي ته ٽوڙي بند ٽٽڻ جو ذميوار وفاقي وزير سيد خورشيد احمد شاهه ۽ ايريگيشن کاتو آهي. هن چيو ته شهيد ذوالفقار علي ڀٽو توڙي انگريز سرڪار لکت ۾ ڏئي ويا آهن جڏهن به ڪا مها ٻوڏ اچي ته ليفٽ سائيڊ کان عيلواهڻ وٽان درياهه کي ڪٽ هنيو وڃي ڇو ته درياهه جي پاڻيءَ جو سدائين زور ساڄي پاسي هوندو آهي هن چيو ته اتي موجود ماڻهن ٻڌايو آهي ته ٽوڙي بند ٽٽڻ کانپوءِ درياهه جي سيڪنڊ لائين تي ڌماڪو ٿيو ۽ پاڻي شهرن ڳوٺن ۽ آباد زمين ۾ داخل ٿيو. هن چيو ته دڙي شهر مڪمل ختم ٿي ويو. اسان جي سرڪار کان وڌيڪ سماجي تنظيمن مدد ڪئي آهي

وڌيڪ پڙھو

شڪارپور ۾ٻن سپاهي ڀائرن هٿان 2 سڳا ڀائر فائرنگ ڪري قتل، هڪ نوجوان کي ٿاڻي آڏو گوليون هنيون ويون

شڪارپور ۾ ٻن سپاهي ڀائرن پاران ٻن سڳن ڀائرن کي قتل ڪري ڇڏيو، هڪ ڀاءُ کي شڪارپور وچ شهر ۾ ٿاڻي آڏو جڏهن ته ٻئي ڀاءُ کي ڊکڻ لڳ قتل ڪيو ويو، جوابدار وچ شهر ۾ ڪارروائي ڪرڻ بعد آساني سان فرار، لاش پوسٽ مارٽم بعد وارثن حوالي، سندن گهر ۾ ماتم، روڄ راڙو. تفصيل موجب گذريل ڏينهن شڪارپور وچ شهر ۾ لکيدر ٿاڻي آڏو چؤڪ تي ڊکڻ لڳ ڳوٺ فقير جو رهواسي 32 سالا نوجوان عيوض پٽ وزير ککراڻي ڪنهن ڪم سانگي شهر آيل هو ۽ لکيدر چؤڪ تي هوٽل ٻاهران بيٺو هو ته موٽرسائيڪل سوار هڪ جوابدار مٿس سڌا فائر ڪري ٿڏي تي ئي قتل ڪري ڇڏيو، فائرنگ جي آواز تي وڏي انگ ۾ شهري واقعي واري هنڌ گڏ ٿي ويا جڏهن ته سامهون لکيدر ٿاڻو هئڻ باوجود پوليس بروقت نه پهتي ۽ جوابدار آساني سان فرار ٿي ويو، ٻڌايو وڃي پيو ته جوابدار جي سڃاڻپ علي حسن ککراڻي طور ٿي جيڪو نيوفوجداري ٿاڻي تي سپاهي آهي

وڌيڪ پڙھو

خيرپور پوليس پاران ڌاڙيل ڄاڻائي ماريل ڳوٺ جو چڱو مڙس نڪتو، احتجاج

لکي غلام شاهه لڳ ڳوٺ نهال خان جي رهواسي عبدالحق عرف راڻو جاگيراڻي کي ڏينهن اڳ خيرپور پوليس ڌاڙيل قرار ڏئي ماري ڇڏيو هو، جنهن جو لاش لکي لڳ ڳوٺ نهال خان جاگيراڻي ۾ دفنايو ويو، جاگيراڻي، مغيم خان، منٺار علي، ضمير احمد، غلام نبي، گلشير احمد ۽ سوين برادري جي ماڻهن جيئي سنڌ تحريڪ جي ضلعي سکر جي صدر محمد عيدن جاگيراڻي جي اڳواڻي ۾ احتجاجي مظاهرو ڪري نٽهڻ اُس ۾ خيرپور پوليس خلاف ڌرڻو هنيو، عيدن جاگيراڻي منظور احمد خطاب ڪندي چيو ته ٻه ڏينهن اڳ خيرپور پوليس ڳوٺ جي چڱي مڙس عبدالحق عرف راڻو جاگيراڻي کي ڌاڙيل قرار ڏئي ڇڏيو، مقابلي ۾ قتل ڪيو آهي، هنن آءِ جي سنڌ کان گهر ڪئي ته ڳوٺ نهال خان جاگيراڻي جي چڱي مڙس عبدالحق عرف راڻو جاگيراڻي جي قتل جي جاچ ڪرائي انصاف ڪيو وڃي، ٻئي طرف لکي ٿاڻي تي رابطو ڪيو ويو ته ٿاڻي جي وڏي منشي ٻڌايو ته عبدالحق عرف راڻو جاگيراڻي مٿان لکي ٿاڻي تي ڪوبه ڪيس داخل نه آهي، هوڏانهن خيرپور پوليس 48 ڪلاڪ گذرڻ باوجود ڪوبه ڪيس داخل نه ڏيکاري سگهي آهي.

وڌيڪ پڙھو