خيرپور

جولاءِ جي 30 کان 31 تاريخ تائين خيرپور ۾ کجي جي ٻن ڏينهن واري عالمي نمائش منعقد ڪرائي ويندي: ڊي سي خيرپور

ڊي سي خيرپور محمد عباس بلوچ خيرپور ۾ لڳائي ويندڙ کجي جي ساليانه عالمي نمائش ۽ سيمنار جي حوالي سان هڪ گڏجاڻي جي صدارت ڪئي ۽ گڏجاڻي ۾ شرڪت ڪندڙ لاڳاپيل ضلعي عملدارن کي نمائش جي انتظامن کي آخري شڪل ڏيڻ جون هدايتون جاري ڪيون. ان موقعي تي ڊي سي ٻُڌايو ته هلندڙ مهيني جولاءِ جي 30 کان 31 تاريخ تائين شهيد بينظير ڀٽو اوپن ايئر ٿيٽر ۾ کجي جي ٻن ڏينهن واري عالمي نمائش منعقد ڪرائي ويندي جڏهن ته سنڌ بورڊ آف انويسٽمينٽ پاران کجي متعلق سچل آڊيٽوريم ۾ هڪ سيمينار پڻ منعقد ڪرايو ويندو. ڊي سي ٻُڌايو ته کجي جي عالمي نمائش ۽ سيمنيار جي منعقد ڪرائڻ جو مقصد خيرپور اندر کجي جي پيدوار کي هٿي ڏيڻ ۽ خيرپور جي کجي جي حوالي سان سڃاڻپ کي عالمي سطح تي وڌيڪ اُجاگر ڪرڻ آهي. گڏجاڻي ۾ ڊي سي ٻُڌايو ته گذريل ٻن سالن کان مسلسل کجي جي عالمي نمائش منعقد ڪرائڻ سان کجي جي پيدوار کي عالمي سطح تائين ميڊيا ذريعي وڌيڪ رونمائي ٿي جنهن سان کجي جي زميندار کي وڌ ۾ وڌ فائدو پهتو

وڌيڪ پڙھو

ڊپٽي ڪمشنر مٺڙي لڳ محبت واهه کي پوندڙ گهاري جي جاءِ تي پهچي حالتن جو جائزو ورتو

ڊپٽي ڪمشنر خيرپور محمد عباس بلوچ ڳوٺ مٺڙي لڳ محبت واهه کي پوندڙ گهاري جي جاءِ تي پهچي حالتن جو جائزو ورتو ان موقعي تي ڊي سي خيرپور آبپاشي کاتي جي عملي جي گهاري کي وقت سر بند نه ڪرڻ تي سخت ناراضگي جو اظهار ڪيو جڏهن ڊيوٽي ۾ غفلت ڪندڙن ايس ڊي او شير محمد ويسر، داروغو مير محمد رِڏ ۽ سب انجنيئر شاهد علي کي معطل ڪرڻ لاءِ ايس اي آبپاشي کاتي ولي محمد نائچ کي هدايتون جاري ڪيون. ان موقعي تي علائقي واسين ڊپٽي ڪمشنر جي اهڙي حُڪم جي واکاڻ ڪئي. جڏهن ته ڊي سي ڪمشنر آبپاشي کاتي جي اعلى عملدارن کي ضلعي اندر واهن ۾ پوندڙ امڪاني گهارن کي روڪڻ جي لاءِ وڌ ۾ وڌ ڪوششن وٺڻ جون هدايتون جاري ڪيون

وڌيڪ پڙھو

ٻارن کي پوليو جي خطرناڪ بيماري کان بچاءُ جي ڦڙن پيارڻ تمام گهڻو اهم آهي: محمد عباس بلوچ

ڊپٽي ڪمشنر خيرپور محمد عباس بلوچ چيو آهي ته ٻارن کي پوليو جي خطرناڪ بيماري کان بچاءُ جي ڦڙن پيارڻ تمام گهڻو اهم آهي ته جيئن پوليو جهڙي موزي مرض کان بچي سگهجي. ڊي سي خيرپور اهڙو اظهار ڇنڇر ڏينهن ٺيڙهي ويجهو کجي جي موسم ۾ آيل پورهيت نوميڊس کي پوليو جي ڦڙن پيارڻ واري مختصر تقريب کي خطاب ڪندي ڪيو. ڊي سي وڌيڪ چيو ته صحت کاتي جي ڊاڪٽرن ۽ عملي سان گڏو گڏ مذهبي اڳواڻن توڙي سماجي ڪارڪنن کي پوليو جي مهم ۾ ڀرپور حصو وٺڻ گهرجي ته جيئن پوليو مهم موثر انداز ۾ ڪامياب ٿي سگهي. ان موقعي تي ڊپٽي ڪمشنر خيرپور محمد عباس بلوچ، ڊائريڪٽر صحت ڊاڪٽر طارق علي دُرشهواڻي، ڊي ايڇ او خيرپور ڊاڪٽر احسان سيال، ٺيڙهي جي مدرسي جي عالمن ٻارن کي پوليو جي بچاءُ جا قطرا پياري پوليو مهم جو آغاز ڪيو.

وڌيڪ پڙھو

خيرپور نصابي سرگرمين سان گڏوگڏ غير نصابي سرگرمين کي پڻ هٿي ڏني پئي وڃي : محمد عباس بلوچ

ڊپٽي ڪمشنر خيرپور محمد عباس بلوچ چيو آهي ته ضلعي اندر نصابي سرگرمين سان گڏوگڏ غير نصابي سرگرمين کي پڻ هٿي ڏني پئي وڃي مختلف اسڪولس ۾ راندين جا مقابلا ڪرائي معاشري کي وڌيڪ صحتمند بڻايو ويندو. ڊي سي خيرپور اهڙو اظهار خميس ڏينهن گورنمينٽ ڪامپريهينسوِ هائير سيڪنڊري اسڪول ۾ ضلعي جي مختلف هاءِ اسڪولس کي راندين جي سامان ورهائڻ واري تقريب کي خطاب ڪندي ڪيو. هن چيوته استادن کي ٻارن جي نه صرف نصابي پر غير نصابي سرگرمين تي پڻ نظر ثاني ڪري کين راندين ۽ تفريح جو موقعا فراهم ڪرڻ لاءِ وڌ ۾ وڌ ڪوششون وٺڻ گهرجن. ڊپٽي ڪمشنر وڌيڪ چيو ته ضلعي جي تمام هاءِ توڙي هائير سيڪنڊري اسڪولس کي راندين جي سرگرمين کي هٿي ڏيڻ لاءِ کين راندين جو سامان ڏنو پيو وڃي ته جيئن راندين جي سامان ڀرپور فائدو وٺندي ضلعي جي مختلف اسڪولس جا ٻار صوبي توڙي ملڪ جي مخلتف راندين جي مقابلن ۾ حصو وٺي سگهن

وڌيڪ پڙھو

محڪمه بهبود آبادي کاتي جي خيرپور آفيس پاران 11 جولاءِ 2011 تي ھڪ واڪ جو اھتمام ڪيو ويو آھي

ڊسٽرڪٽ پاپوليشن ويلفيئر آفيسر خيرپور قربان علي ڀيو هڪ ليٽر ۾ ڄاڻايو آهي ته محڪمه بهبود آبادي کاتي جي خيرپور آفيس پاران دنيا اندر 11 جولاءِ جي ڏينهن کي هر سال آباديءَ جي ڏهاڙي طور ملهائڻ جي حوالي سان 11 جولاءِ 2011 تي صبح جو 9 وڳي سوڪ سينٽر خيرپور کان ليڊي ولنگٽن اسپتال تائين هڪ واڪ جو اهتمام ڪيو ويو آهي، جنهن جي اڳواڻي اِي ڊي او صحت خيرپور ڊاڪٽر احسان علي سيال ڪندو جڏهن ته هن واڪ ۾ زندگي جي مختلف مڪتبِ فڪر جا ماڻهو، سماجي ۽ سياسي اڳواڻ پڻ شرڪت ڪندا.

وڌيڪ پڙھو

گذريل مهيني دوران پوليس مختلف ڪارواين ۾ 29 ڌاڙيل 343 روپوش ۽ 41 اشتهاري ملزم گرفتار ڪياويا

ڊسٽرڪٽ پوليس آفيسر (ڊي پي او) خيرپور عرفان بلوچ ضلعي پوليس خيرپور جي جون مهيني جي ڪارڪردگي رپورٽ ۾ ڄاڻايو آهي ته گذريل مهيني دوران پوليس مختلف ڪارواين ۾ 29 ڌاڙيل 343 روپوش ۽ 41 اشتهاري ملزم گرفتار ڪيا آهن. ضلعي پوليس سربراه ڪارڪردگي رپورٽ ۾ وڌيڪ ڄاڻايو آهي ته گذريل مهيني ۾ پوليس مختلف علائقن ۾ ڏهارين خلاف ڪاروايون ڪندي 05 ڪلاشنڪووز، 15 بندوقون، 25 پسٽل، 01 رائيفل، 03 ريوالور ، 3 ڪيربين، 43 ڪارتوس ۽ 125 گولين جا رائونڊ (کول) پڻ هٿ ڪيا آهن. جڏهن ته ضلعي پوليس مختلف ڪارواين ۾ 13 ڪلو 670 گرام چرس، 11 ڪلو 800 گرام ڀنگ، 30 گرام هيروئين ۽ ڏيڊ ليٽر شراب جون ٻه بوتلون پڻ هٿ ڪيون آهن. ان کانسواءِ پوليس بچاءُ جا قدم کڻندي 05 پاٿاريدارن کي پڻ گرفتار ڪيو آهي

وڌيڪ پڙھو

جولاءِ 29 کان شروع ٿيندڙ ٻن ڏينهن واري سالياني “ خيرپور ڊيٽس فيسٽيول اينڊ سيمنار 2011 ” جي منعقد ڪرڻ جي انتظامي صورتحال جو سراسري طور تي جائزو ورتو ويو

ضلعي ايڊمنسٽريٽر ڊي سي او محمد عباس بلوچ جي نگراني ۾ ٻن ڏينهن واري ساليانه خيرپور جي کجين جي عالمي نمائش ۽ سيمينار جي انعقاد جي حوالي سان ڊي سي او آفيس ۾ هڪ گڏجاڻي ٿي گذري. جنهن ۾ اِي ڊي او فنانس اينڊ پلاننگ احمد علي قريشي، اِي ڊي او ڪميونٽي ڊولپمينٽ ڊپارٽمينٽ (سي ڊي ڊي) محمد فيصل کوکر، اِي ڊي او زراعت محمد حسن سمنگ، سنڌ آبادگار بورڊ جي نمائندن، زرعي ماهرن قادر بخش مري، مولاناصدرالدين ڦلپوٽو، سنڌ بئنڪ جي نمائندي شمس العباس ملاح، اسٽيٽ بئنڪ، نيشنل بئنڪ، ٽي آر ڊي پي ٻين مختلف شعبن جي نمائندن ۽ سماجي اڳواڻن شرڪت ڪئي. گڏجاڻي ۾ جولاءِ 29 کان شروع ٿيندڙ ٻن ڏينهن واري سالياني “ خيرپور ڊيٽس فيسٽيول اينڊ سيمنار 2011 ” جي منعقد ڪرڻ جي انتظامي صورتحال جو سراسري طور تي جائزو ورتو ويو.

وڌيڪ پڙھو

ھاءِ ڪورٽ سکر بينچ جو لکت ٽيسٽ ۾ 60 سيڪڙومارڪون کڻڻ وارن کي ڀرتي جو ڪو فيصلو ناھي آيو: غلام اصغر ميمڻ

ايگزيڪيٽوِ ڊسٽرڪٽ آفيسر (اي ڊي او) ايجوڪيشن خيرپور غلام اصغر ميمڻ ميڊيا ۾ پرائمري ماسترن جي ڀرتي جي حوالي سان هاءِڪورٽ جي فيصلي کي اخبارن ۾ غلط انداز ۾ پيش ڪرڻ جي حوالي سان نوٽيس وٺندي وضاحت ڪئي آهي ته هاءِ ڪورٽ سکر بينچ جو ڪوبه اهڙو فيصلو نه آيو آهي جنهن ۾ اهو ڄاڻيل هجي ته پرائمري ماستري جي صرف لکت ٽيسٽ ۾ 60 سيڪڙومارڪون کڻڻ وارن اُميدوارن کي نوڪري جا آرڊر ڏنا وڃن. جڏهن ته ڪورٽ جي فيصلي جي روشني ۾ انهن اُميدوار جن سنڌ يونيورسٽي پاران پرائمري ماستري جي لکت ٽيسٽ پاس ٿيڻ کانپوءِ سندن سرٽيفڪيٽس جي تصديق ٿيڻ کانپوءِ ٽيسٽ جي مارڪن ۽ سندن ڪواليفڪيشن جي مارڪن جي بنياد تي ضلعي سطح تائين ميرٽ لسٽ ۾ اچن ٿا تن کي پرائمري ماستري جي ڀرتي پاليسي 2008 تحت نوڪرين جا آرڊر ڏنا پيا وڃن.

وڌيڪ پڙھو

ماضي جي آمر حڪمرانن ڪالا باغ ڊيم جو راڳ ڳايو پر پيپلز پارٽي جي حڪومت اچڻ سان عوام مخالف ڪالاباغ ڊيم جي رينگٽ کي هميشه لاءِ بند ڪري ڇڏيو: قائم علي شاھ

سنڌ جي وڏي وزير سيد قائم علي شاهه چيو آهي ته پيپلز پارٽي جي حڪومت چور دروازي کان نه پر چونڊن وسيلي اقتدار ۾ آئي آهي ۽ حڪومت پنج سال پورا ڪندي. هن چيو ته جيستائين عوام جو ساٿ پيپلز پارٽي سان آهي تيستائين حڪومت کي ڪير به لوڏي نٿو سگهي. هن اهڙو اظهار ڳوٺ سوهو ڪناسرا ۾ سنڌ جي برک شاعر ۽ محقق پروفيسر ڊاڪٽر عطا محمد حامي جي 29 ورسي جي موقعي تي تقريب کي خطاب ڪندي ڪيو. وڏي وزير چيو ته پيپلز پارٽي عوام سڀني کي آزمايو آهي ۽ عوام جي طاقت ۽ مهرباني سان پيپلز پارٽي چونڊ ذريعي اقتدار حاصل ڪيو آهي جڏهن ته ماضي ۾ آمرن چور دروازي ذريعي اقتدار ۾ اچي عوام مخالف فيصلا ڪيا ۽ پاليسون جوڙي عوام جي خزاني جي ڀينگ ڪئي. هن چيو ته ماضي جي آمر حڪمرانن ڪالا باغ ڊيم جو راڳ ڳايو پر پيپلز پارٽي جي حڪومت اچڻ سان عوام مخالف ڪالاباغ ڊيم جي رينگٽ کي هميشه لاءِ بند ڪيو.

وڌيڪ پڙھو

موجوده حڪومت عوام جي معاشي بهتري لاءِ وڌ ۾ وڌ قدم کڻي رهي آهي: سيد قائم علي شاهه

سنڌ جي وڏي وزير سيد قائم علي شاهه چيو آهي ته موجوده حڪومت عوام جي معاشي بهتري لاءِ وڌ ۾ وڌ قدم کڻي رهي آهي جڏهن ته تعليم ۽ صحت کاتي کي وڌيڪ بهتر بڻائي عوام کي وڌ ۾ وڌ سهولتون ڏنيون پيون وڃن. هن اهڙو اظهار سٽي اسپتال خيرپور ۾ تُرڪي حڪومت پاران 10 لک روپين جي لاڳت سان قائم ڪيل شهيد بينظير ڀٽو پولي ڪلينڪ کي پي پي ايڇ آءِ جي حوالي ڪرڻ ۽ ڊي پي او آفيس ۾ ضلعي حڪومت پاران 90 لک روپين جي لاڳت سان قائم ڪيل خيرپور شهر اندر ڳجهي ڪئمرائن واري ڪمانڊ اينڊ ڪنٽرول سينٽر جي افتتاح بعد ماڻهن جي مختلف وفدن سان ڪندي ڪيو. وڏي وزير چيو ته صوبي اندر امن امان جي صورتحال کي بهتر بڻائڻ جديد اوزارن جي مدد ورتي پئي وڃي جنهن سان صوبي اندر ڏوهن ۾ خاطر خواهه گهٽتائي آئي آهي. وڏي وزير چيو ته موجوده جمهوري حڪومت صوبي توڙي ملڪ ۾ عوام جي ڀرپور خدمت ڪري رهي آهي جڏهن ته سرڪاري شعبن خاص طور تي صحت ۽ تعليم ۾ بهتري آندي پئي وڃي

وڌيڪ پڙھو