خيرپور

خيرپور شهر ۾ 17 مارچ 2012 تي خيرپور فيسٽيول 2012 منعقد ڪيو پيو وڃي، ڊپٽي ڪمشنر خيرپور

ڊپٽي ڪمشنر خيرپور محمد عباس بلوچ چيو آهي ته خيرپور ضلعي جي عوام کي تفريح جا موقعا فراهم ڪرڻ لاءِ ضلعي انتظاميه خيرپور پاران هن سال به خيرپور شهر ۾ 17 مارچ 2012 تي خيرپور فيسٽيول 2012 منعقد ڪيو پيو وڃي جنهن جو افتتاح سنڌ جو وڏو وزير سيد قائم علي شاهه ڪندو جڏهن ته فيسٽيول جي اختتامي تقريب ۾ ايم اين اي ڊاڪٽر سيده نفيسه شاهه جيلاني مهمانِ خاص هوندي. جڏهن ته 17 مارچ کان شروع ٿيندڙ هڪ هفتي تائين هلندڙ خيرپور فيسٽيول جي مختلف پروگرامن ۾ سنڌ حڪومت جي مختلف کاتن جا وزير ۽ خيرپور ضلعي سان واسطو رکندڙ چونڊيل عوامي نمائندا شرڪت ڪندا. ڊي سي خيرپور ٻُڌايو ته خيرپور فيسٽيول 2012 جا مختلف پروگرام ۽ مختلف تقريبون ڪرنل شاهه هاسٽل گرائونڊ، گورنمينٽ وومين ڪاليج، شهيد بينظير ڀٽو اوپن ايئر ٿيٽر، گورنمينٽ ناز پائليٽ سيڪنڊري اسڪول خيرپور، سچل آڊيٽوريم، ممتاز گرائونڊ، لقمان هاڪي گرائونڊ خيرپور ۽ ٻين جاين تي منقعد ڪيون وينديون.

وڌيڪ پڙھو

چانسلر نذير مغل کي هٽائڻ ۽ استادن جي مطالبن جي مڃتا لاءِ جساف پاران ٻاهتر ڪلاڪن لاءِ ڪيل بک هڙتال جاري

سنڌ يونيورسٽي ڄامشورو جي وائس چانسلر نذير مغل کي هٽائڻ ۽ استادن جي مطالبن جي مڃتا لاءِ جساف پاران ٻاهتر ڪلاڪن لاءِ ڪيل بک هڙتال جاري سندن بک هڙتالي ڪيمپ تي استاد، سماجي اڳواڻ به حمايت ۾ ويٺا خبر موجب سنڌ يونيورسٽي ڄامشورو جي وائس چانسلر نذير مغل کي هٽائڻ ۽ استادن جي مطالبن جي مڃتا لاءِ جساف پاران ٻاهتر ڪلاڪن لاءِ ڪيل بک هڙتال سيشن ڪورٽ ۽ پريس ڪلب اڳيان جاري سندن بک هڙتالي ڪيمپ تي ويٺل جساف جي شاگردن صفدرتنيو، ميرحسن لاشاري، محبوب بڙدي، جي ايم سيال، عادل لنڊ ۽ ٻين سان گڏ جسقم ضلع خيرپور جو صدر امجد مهيسر، جساف جو نائب صدر امتيازجسڪاڻي، شاهه عبدالطيف يونيورسٽي خيرپور جا استاد، سماجي اڳواڻ به حمايت ۾ ويٺا. جڏهن ته بک هڙتال تي ويٺل شاگردن صفدر تنيو، ميرحسن لاشاري، محبوب بڙدي، جي ايم سيال، عادل لنڊ، امجد دستي، جي ايم کوسو، صدام ملاڻو ۽ آصف لکڻ جو بلڊ پريشر گهٽجي وڃڻ سبب کين ڊاڪٽرن ڊرپون لڳايون.

وڌيڪ پڙھو

موجوده حڪومت جي ڪوششن سان سکر بئراج جو ڪجهه مرمتي ڪم ڪرايو ويو آهي، قائم علي شاھ

سنڌ جي وڏي وزير سيد قائم علي شاهه سرڪٽ هائوس خيرپور ۾ پيپلز پارٽي جي ايم پي اي نعيم احمد کرل جي ڀاءُ ڊاڪٽر سليم احمد کرل جي چاليهي ۾ شرڪت ڪئي ۽ ان موقعي تي فوتي ڊاڪٽر سليم احمد کرل جي ايثال روح کي ثواب لاءِ دُعاِ مغفرت پڻ گهري وئي. ان کان اڳ چاليهي جي موقعي تي سنڌ جو گهرو وزير منظور حُسين وساڻ، ايم اين اي پير فضل علي شاهه، ڪمشنر سکر انعام الله ڌاريجو، ڊپٽي ڪمشنر خيرپور محمد عباس بلوچ، ڊي آءِ جي غلام النبي ميمڻ، اڳوڻو سيڪريٽري ثقافت عبدالقادر منگي، ۽ ٻين کاتن جي مختلف کاتن جي عملدارن، سياسي سماجي شخصيتن، اديبن ۽ صحافين مرحوم ڊاڪٽر سليم احمد کرل جي چاليهي ۾ شرڪت ڪري سندس پوئنرن سان همدردي جو اظهار ڪيو.

وڌيڪ پڙھو

موجوده حڪومت جي ڪوششن سان سکر بئراج جو ڪجهه مرمتي ڪم ڪرايو ويو آهي، قائم علي شاھ

سنڌ جي وڏي وزير سيد قائم علي شاهه سرڪٽ هائوس خيرپور ۾ پيپلز پارٽي جي ايم پي اي نعيم احمد کرل جي ڀاءُ ڊاڪٽر سليم احمد کرل جي چاليهي ۾ شرڪت ڪئي ۽ ان موقعي تي فوتي ڊاڪٽر سليم احمد کرل جي ايثال روح کي ثواب لاءِ دُعاِ مغفرت پڻ گهري وئي. ان کان اڳ چاليهي جي موقعي تي سنڌ جو گهرو وزير منظور حُسين وساڻ، ايم اين اي پير فضل علي شاهه، ڪمشنر سکر انعام الله ڌاريجو، ڊپٽي ڪمشنر خيرپور محمد عباس بلوچ، ڊي آءِ جي غلام النبي ميمڻ، اڳوڻو سيڪريٽري ثقافت عبدالقادر منگي، ۽ ٻين کاتن جي مختلف کاتن جي عملدارن، سياسي سماجي شخصيتن، اديبن ۽ صحافين مرحوم ڊاڪٽر سليم احمد کرل جي چاليهي ۾ شرڪت ڪري سندس پوئنرن سان همدردي جو اظهار ڪيو.

وڌيڪ پڙھو

خيرپور آرٽس ڪائونسل جي گورننگ باڊي جو اجلاس 16 جنوري تي سومر ڏينهن ٿيندو

خيرپور آرٽس ڪائونسل جي سيڪريٽري لعل بخش منگي ڄاڻايو آهي ته خيرپور آرٽس ڪائونسل جي گورننگ باڊي جو اجلاس 16 جنوري تي بروز سومر ڏينهن صبح جو يارهين وڳين سچل يادگار ڪاميٽي هال خيرپور ۾ ڊپٽي ڪمشنر خيرپور محمد عباس بلوچ جي صدارت ۾ ٿيندو جڏهن ته گڏجاڻي ۾ آرٽس ڪائونسل جي گذريل گڏجاڻي ۾ ڪيل فيصلن جي منظوري سان گڏو گڏ آرٽس ڪائونسل جي مستقبل جي پلان ۽ ٻين پهلوئن تي گورننگ باڊي جي ميمبرن سان صلاح ۽ مشورا ڪيا ويندا.

وڌيڪ پڙھو

پير پاڳارو هڪ عظيم شخصيت هو ۽ پنهنجي دور جو مثالي ڪردار هو: قائم علي شاھ

سنڌ جي وڏي وزير سيد قائم علي شاهه اڄ پير ڳوٺ ۾ حُرن جي روحاني پيشوا پير شاهه مردان شاهه پير پاڳاري جي وفات تي سندس پُٽ نئين گادي نشين پير سيد صغبت الله شاهه راشدي سان سندس رهائشگاهه تي تعزيت ڪئي. وڏي وزير مرحوم جي ايثال ثواب لاءِ فاتح پڙهي ۽ دُعا مغفرت گهُري بعد ۾ وڏي وزير سيد قائم علي شاهه ميڊيا سان ڳالهائيندي چيوته پير پاڳارو هڪ عظيم شخصيت هو ۽ پنهنجي دور جو مثالي ڪردار هو. جڏهن ته سندس شخصيت حليم، پيار ۽ محبت ڪرڻ واري هئي ۽ ان ڪنهن سان به زيادتي نه ڪئي. سندس سياسي زندگي به پڻ مثالي هئي، سندس ملڪي ۽ سنڌ جي سياست ۾ وڏو ڪردار هو. هن چيو ته پير پاڳارو مُلڪ جي وڏن عُهدن جي خواهش نه ڪئي. ان کان اڳ ۾ وزير اعظم سيد يوسف رضا گيلاني، سنڌ جي وڏي سيد قائم علي شاهه، وفاقي وزيرن ۽ صوبائي وزيرن، صلاحڪارن، ايم اين ايز، ايم پي ايز، مختلف سياسي پارٽين جا اڳواڻ، سماجي شخصيتون ۽ مُريدن ۽ عقيدتمندن جي وڏي انگ پير شاهه مردان شاهه جي جنازي نماز ۾ شرڪت ڪئي.

وڌيڪ پڙھو

سيد شاهه مردان شاهه پير صاحب پاڳارو 83 سالن جي ڄمار ۾ ھن دنيا مان لاڏاڻو ڪري ويو

حرن جو روحاني پيشوا، فنڪشنل مسلم ليگ جو سربراهه ۽ بزرگ سياستدان پير شاهه مردان شاهه (ثاني) پاڳارو 83 سالن جي عمر ۾ لنڊن جي ولنگٽن اسپتال ۾ لاڏاڻو ڪري ويو، سندس لاڏاڻي جي خبر ٻڌندي ئي اسپتال ۾ وڏي انگ مريد پهچي ويا، جڏهن ته ڪنگري هائوس، پير جو ڳوٺ ۽ سانگهڙ سميت سنڌ جي مختلف شهرن ۾ پير پاڳاري جا مريد رات دير سان وڏي انگ ۾ گڏ ٿي ويا، ذريعن موجب لنڊن جي ولنگٽن اسپتال ۾ پير پاڳاري جي لاڏاڻي جي خبر سندس فرزند پير صبغت الله شاهه راشدي ۽ پير صدر الدين شاهه راشدي کي ٻڌائي وئي، ڊاڪٽرن موجب لاڏاڻي کان اڳ پير پاڳاري کي ساهه ۾ تڪليف تيز ٿي وئي، جنهن سبب کيس آءِ سي يو وارڊ ۾ منتقل ڪيو ويو، ڊاڪٽرن پاران گهڻن ڪوششن باوجود پير پاڳاري دم ڌڻي حوالي ڪيو. ان موقعي تي اسپتال ۾ پير پاڳاري جا فرزند، ننهن، برطانيا ۾ مقرر پاڪستاني هاءِ ڪمشنر واجد شمس الحسن، سفارتي عملو، امتياز شيخ، پاڪستان مان ويل سندس 2 ڊاڪٽر ۽ وڏي انگ ۾ مريد پڻ موجود هئا

وڌيڪ پڙھو

خيرپوراندر هلندڙ تمام سي اين جي تي هلندڙ وينن جا گيس سيلنڊر وينن جي ڇِت تي منتقل ڪيا ويندا: ڊپٽي ڪمشنر

ڊپٽي ڪمشنر خيرپور محمد عباس بلوچ جي صدارت ۾ ڊي سي آفيس خيرپور ۾ ٽرانسپورٽرس هڪ گڏجاڻي ٿي گُذري جنهن ۾ تازو سيٺارجه ۾ سي اين جي وين جي حادثي جي حوالي سان غور و فڪر ڪيو ويو. ان موقعي تي گڏجاڻي ۾ ڊي سي چيو ته تازو سيٺارجه ويجهو سي اين جي وين اندڙ ٿيل خطرناڪ ڌماڪي جي ڪري انساني جانيون ضايع ٿيڻ تي جيترو افسوس ڪجي اوترو گهٽ آهي جڏهن ته مستقبل ۾ اهڙن دردناڪ حادثن کي روڪڻ لاءِ ريجنل ٽرانسپورٽ اٿارٽي، ٽرئفڪ پوليس ۽ ٽرانسپورٽرس کي پنهنجو موثر ڪردار ادا ڪرڻ گهرجي. هن وڌيڪ ٻُڌايو ته تازو واقعي اندر فوت ٿيلن جي معاوضي لاءِ تفصيلي رپورٽ سنڌ حڪومت ڏانهن موڪلي ويندي جڏهن ته زخمين کي مفت علاج لاءِ ضلعي انتظاميه پاران صحت کاتي کي حُڪم جاري ڪيا ويا آهن جڏهن ته کين مفت علاج کانسواءِ سائتا لاءِ ڏهه ڏهه هزار روپيه پڻ ڏنا ويا آهن.

وڌيڪ پڙھو

خيروپور ھڪ مھيني 52 ڌاڙيل، 260 روپوش ۽ 34 اشتهاري ڏوهاري گرفتار ڪيا آهن: ايس ايس پي خيرپور

ايس ايس پي خيرپور عرفان بلوچ آڪٽوبر مهيني 2011 جي ڪارڪردگي رپورٽ جاري ڪندي ڄاڻايو آهي ته گذريل مهيني دوران پوليس مختلف ڪارروايون ڪندي 52 ڌاڙيل، 260 روپوش ۽ 34 اشتهاري ڏوهاري گرفتار ڪيا آهن جڏهن ته رپورٽ مطابق گذريل مهيني دوران ٻه ڌاڙيل پوليس مقابلي ۾ مارجي ويا. ڪارڪردگي رپورٽ ۾ ڄاڻايو ويو آهي ته ضلعي پوليس خيرپور ضلعي جي مختلف علائقن ۾ ڏوهارين خلاف ڪارروايون ڪندي 10 ڪلاشنڪووز، 17 عدد بندوقون، 15 عدد پسٽل، 04 عدد رائيفل، 03 عدد ريوالور، 156 ڪارتوس ۽ 835 گولين جا رائونڊ پڻ هٿ ڪيا ويا آهن.

وڌيڪ پڙھو

خيرپور ۾ 25 ايڪڙ تائين زرعي زمين رکندڙ آبادگارن کي مفت ٻج ۽ زرعي ڀاڻ پڻ ڏنو ويندو: ڊي سي خيرپور

ڊپٽي ڪمشنر خيرپور محمد عباس بلوچ پنهنجي آفيس ۾ ضلعي آبادگار ڪاميٽي جي گڏجاڻي جي صدارت ڪئي جنهن ۾ ڊي سي خيرپور ٻُڌايو ته ضلعي جي برسات متاثر علائقن جي آبادگارن کي زرعي سهولتن جي فراهمي لاءِ ڪوششون ورتيون پيون وڃن جنهن ۾ 25 ايڪڙ تائين زرعي زمين رکندڙ آبادگارن کي مفت ٻج ۽ زرعي ڀاڻ پڻ ڏنو ويندو. گڏجاڻي ۾ ڊي سي خيرپور وڌيڪ چيو ته زرعي ٻج ۽ زرعي ڀاڻ جي زخيرا اندوزي ڪندڙ دوڪاندارن خلاف سخت قدم کنيا ويندا جڏهن ته ڊي سي محمد عباس بلوچ لڳاپيل تعلقي اسسٽنٽ ڪمشنرس، اي ڊي او ايگريڪلچر ۽ زراعت کاتي جي ٻين آفيسرن کي زخيره اندوزي ڪندڙن دوڪاندارن تي اوچتو ڇاپا هڻي ۽ سندن خلاف سخت ڪاروائي ڪرڻ جون هدايتون جاري ڪيون.

وڌيڪ پڙھو