بدين

عربي سمنڊ ۾ طوفان جي اڳڪٿي کان بدين انتظاميا بي خبر

: موسميات کاتي طرفان بدين ۽ ٺٽي ضلعن لڳ عربي سمنڊ ۾ طوفان اٿڻ جي اڳڪٿي ڪرڻ باوجود بدين ضلعي انتظاميا طرفان اڻڄائي ظاهر ڪندي ڪي به حفاظتي انتظام نه ڪيا ويا آهن. بدين ضلعي جي سامونڊي علائقن ۾ رهندڙ لکين ماڻهن ۾ سخت خوف ۽ هراس پکڙجڻ سان گڏوگڏ ماهيگيرن احتياطن سمنڊ ۾ وڃڻ بند ڪري هوڙا ڪنارن تي آڻڻ شروع ڪيا آهن. جڏهن ته سوين ماهيگير ۽ هوڙا اڃا تائين سمنڊ ۾ آهن. زيرو پوائنٽ سان لڳندڙ علائقن روپا ماڙي، شيخاڻي گهاڙي، احمد راڄو، جاتي تڙ، شيخ ڪرهيو جي رهواسين رمضان شيخ، نور احمد، امير سميجي ۽ ٻين صحافين کي ٻڌايو ته کين ٽي وي تي ميڊيا رپورٽن ذريعي طوفان اچڻ بابت معلومات ملي آهي

وڌيڪ پڙھو

بدين ويجهو سڱاوتي تڪرار تان ڇڪتاڻ، نياڻين اسڪول وڃڻ ڇڏي ڏنو

بدين ويجهو ڳوٺ حضوري خاصخيلي ۾ ڪجهه وقت کان هلندڙ برادري تڪرار سبب نياڻين اسڪول وڃڻ ڇڏي ڏنو آهي، ٻن مهينن کان ڳوٺ جي ڪابه ڇوڪري تعليم حاصل ڪرڻ لاءِ تعليمي ادارن ۾ نه پهتي، ڳوٺ جي رهواسين عمر خاصخيلي ۽ فاطمه خاصخيلي جي اڳواڻي ۾ ايوان صحافت اڳيان احتجاجي مظاهرو ڪرڻ بعد هنگامي پريس ڪانفرنس ڪئي ۽ صحافين کي دانهيندي ٻڌايو ته سندن ڌي ملوڪ ٻائيءَ جيڪا اٺين ڪلاس ۾ پڙهندي آهي، تنهن جو سڱ اسان ننڍي هوندي مبارڪ خاصخيلي جي پٽ عثمان کي ڏيڻو ڪيو هو، پر بالغ ٿيڻ تي ملوڪ ٻائي رشتو قبول ڪرڻ کان انڪار ڪيو ان تي مبارڪ، اڪبر، خميسو ۽ خدابخش خاصخيلي وارن گهرن تي حملو ڪري فائرنگ ڪري اسان جي نياڻي ملوڪ ٻائي کي زبردستي اغوا ڪرڻ جي ڪوشش ڪئي

وڌيڪ پڙھو