ٺٽو

ٺٽي ۾ مڪاني نوجوانن جي حقن تي ڌاڙا، بيروگار نوجوانن جو مظاھرو

ٺٽي ضلعي جي بيروزگار نوجوانن اين جي اوز سميت سماجي ۽ سرڪاري ادارن ۾ ملازمت نه ملڻ خلاف ٺٽي ۾ احتجاجي مظاهرو ڪري ڌرڻو هنيو، ۽ اعلان ڪيو ته غير مقامي ماڻهن کي روزگار ڏيڻ بدران کين روزگار نه ڏنو ويو ته اهي چونڊيل عيوضين جي آفيسن آڌو احتجاجي ڌرڻا هڻي احتجاج جو سلسلو وڌي تيز ڪندا گذريل ڏينهن ٺٽي شهر سميت ضلعي جي مختلف علائقن جي بيروزگار نوجوانن ايڌي سينٽر کان پريس ڪلب ٺٽو تائين احتجاجي مظاهرو ڪري اين جي اوز سميت سماجي ۽ سرڪاري ادارن ۾ ملازمت نه ملڻ خلاف احتجاج ڪيو ۽ پريس ڪلب آڏو احتجاجي ڌرڻو هڻي روزگار ڏيو روزگار ڏيو جا نعرا هنيا ان موقعي تي احتجاجي ڌرڻي کي خطاب ڪندي ممتاز شيخ، عنايت شاهه ۽ ٻين چيو ته ٺٽي ضلعي اندر هڪ سئو کان مٿي غير سرڪاري تنظيمون ٻوڏ متاثرين جي بحالي جي نالي تي ڪم ڪري رهيون آهن پر انهن ۾ مقامي ماڻهن جو انگ اٽي ۾ لوڻ جي برابر آهي

وڌيڪ پڙھو

حڪمران هڪ ڀيرو وري سنڌ کي ٻوڙڻ ٿا گهرن: جسقم

جيئي سنڌ قومي محاذ (آريسرگروپ) جي چيئرمين عبدالواحد آريسر ، مير عالم مري، اسلم خيرپوري، سرمد ميراڻي، نواز خان زنئور، مرتضيٰ چانڊيو، سهيل سمون، عثمان پنهور ۽ مسيح ڪالاڻي چيو آهي ته حڪمران هڪ ڀيرو وري سنڌ کي ٻوڙڻ ٿا گهرن جنهن ڪري سنڌو درياهه جي بندن جو ڪم گهربل وقت اندر پورو نه ڪيو ويو آهي ، جاري ڪيل گڏيل بيان ۾ هنن چيو ته ٽوڙي بند ۽ ڪوٽ عالمون وٽان ايم ايس بند کي پيل گهارا مڪمل طور تي بند ڪري بندن جي مرمت ڪري انهن کي درست حالت ۾ نه آندو ويو آهي نه ئي وري ٻين هنڌن تي ڪمزور بندن جي مرمت ڪئي ويئي آهي هنن چيو ته سنڌ حڪومت ماٽيلي ماءُ وارو مظاهرو ڪري رهي آهي ۽ وفاق جو سنڌ سان ناروا رويو آهي جنهن ڪري خطرو آهي ته هن سال به پر سال جيان سنڌ کي هٿرادو طور ٻوڙيو ويندو

وڌيڪ پڙھو

پي بي بچاءُ بند کي پيل گهاري جي مرمت جو ڪم رولڙي جو شڪار

فقير ڳوٺ لڳ پي بي بچاءُ بند کي پيل گهاري واري هنڌ توڙي بند کي مضبوط ڪري پيچنگ ڪرڻ لاءِ ڪم ڪرائيندڙ ٺيڪيدار پاران رقم جي ادائگي نه ٿيڻ ڪري ڪالهه ٻئي ڏينهن به بند تي مرمتي ڪم بند رهيو ۽ ٺيڪيدار پارا ن بند تي مقرر ڪيل سموري مشنري واپس ٿيڻ ڪري بند تي مرمتي ڪم بند پيل آهي جڏهن ته معاملي جو ٺٽي جي ڊي سي او سميت اعليٰ اختيارين سخت نوٽيس وٺندي آبپاشي کاتي جي اعليٰ اختيارين سان رابطا ڪري بند ٿيل ڪم فوري طور شروع ڪرائڻ جي هدايت ڪئي آهي ، ان سلسلي ۾ مليل جاڻ موجب فقير جو ڳوٺ لڳ پي بي بچاءُ بند کي پيل گهاري واري هنڌ ارٿ ورڪ جو ڪم ۽ پيچنگ جي ٺيڪي جو ڪم کڻندڙ ٺيڪيدار کي رقم جي ادائگي نه ٿيڻ ڪري حفاظتي بند تي ڪم بدستور بند آهي جنهن سبب علائقي واسين ۾ ڳڻتي ڇانيل آهي جڏهن ته پي بي بند جي گهاري واري هنڌ هڪ ڪلوميٽر تائين پٿرن جي پيچنگ ۽ بند کي گذريل ٻوڏ جي سطح کان 6 فوٽ مٿي ڪرڻ وارو ڪم به مڪمل ٿي نه سگهيو آهي

وڌيڪ پڙھو

پارلياماني جهموريت تي وڏيرا حاوي آهن، پارليامينٽ مان قومي مسئلن جي حل ٿيڻ جي توقع ناهي: ماروي ميمڻ

اڳوڻي ايم اين اي ماروي ميمڻ چيو آهي ته هو پارلياماني جهموريت ۾ يقين رکي ٿي پر انهي فورم تي موجوده حڪومت ۽ ان جا وڏيرا حاوي آهن پراتان قومي مسئلا حل ٿيڻ جي توقع ناهي ان ڪري هن عدليه ۽ عوام ڏانهن رخ ڪيو آهي ، ڊسٽرڪٽ بار ٺٽو ايسوسيئشن کي خطاب ڪندي هن چيو ته بجلي ، پاڻي ، صحت ، تعليم ۽ ٽرانسپورٽ هر شهري جو بنيادي حق آهي اهي مهيا ٿيڻ تي ڪنهن سياستدان جو ٿورائتو ٿيڻ جي ضرورت ناهي هن چيو ته هن پنهنجي ننڍري قانونسازي واري عرصي ۾ قومي مسئلن کي اسيمبلي جي فورم تان کنيو جنهن ۾ ٻولي جو مسئلو ۽ پاڻي جو مسئلو شامل آهن پر هن کي موٽ نه ملي ان ڪري هن ماڻهن ڏانهن رخ ڪيو آهي هن چيو ته سندس پارٽي سان ذهني هم آهنگي نه هئڻ ڪري هن انتهائي قدم کڻي استعيفيٰ ڏني

وڌيڪ پڙھو

فقير جو ڳوٺ لڳ پي بي بچاءُ بند جي گهاري جي مرمت جو ڪم بند، ٺيڪيدار جي لاپرواهي

گذريل مها ٻوڏ دوران ٺٽي ضلعي اندر سنڌو درياهه جي ٻنهي پاسن دريا جي حفاظتي بچاءُ بندن کي پيل گهارن سميت انتهائي حساس قرار ڏنل بچاءُ بندن جي مرمت ۽ مضبوطي وارو ڪم آبپاشي کاتي ۽ ٺيڪيدار جي لاپرواهي سبب رولڙي جو شڪار ٿي ويو آهي ۽ فقير جو ڳوٺ لڳ پي بي بچاءُ بند جي گهاري واري هنڌ کي ٻڌڻ سميت ان جي مضبوطي لاءِ هلندڙ ڪم ٺيڪيدار اوچتو بند ڪري مشنري واپس ڪري ڇڏي آهي، مذڪوره انتهائي حساس بچاءُ بند جي گهاري واري هنڌ توڙي سموري بند کي مٿي ۽ گذريل ٻوڏ جي سطح کان 6 فوٽ اوچو ڪرڻ وارو ڪم به رڪجي ويو آهي جڏهن ته پي بي بند جي گهاري واري هنڌ پٿرن سان پيچنگ وارو ڪم به اڃان تائين شروع نه ٿي سگهيو آهي جڏهن ته آبپاشي انتطاميا ۽ هتان جي چونڊيل نمائندن ان معاملي جو ڪو به نوٽيس نه ورتو آهي جنهن سبب ٺٽو واسي ۽ علائقي جا زميندار توڙي آبادگار ٻيهر سخت خوف و حراس ۾ وٺجي ويا آهن

وڌيڪ پڙھو

اصل سياست عوام جي در تي وڃي سندن مسئلا معلوم ڪرڻ ۽ ساڻن ڪلهو ڪلهي ۾ ڏيئي بيهڻ آهي: ماروي ميمڻ

ق ليگ ۽ ايم اين اي شپ تان استعيفيٰ ڏيڻ بعد اڳوڻي ايم اين اي ماروي ميمڻ پنهنجي والد اڳوڻي سينيٽر نثار ميمڻ سان گڏجي ٺٽي ضلعي اندر سياسي سرگرميون تيز ڪري ڇڏيون آهن ان سلسلي ۾ ماروي ميمڻ ميرپورساڪرو ، ٻهاڙا، گجو ۽ ٻين علائقن جا دورا ڪري علائقي جي ماڻهن سان ڪارنر گڏجاڻيون ڪيون جڏهن ته ٻهاڙا ۾ اڳوڻي ايم پي اي غلام قادر پليجو جي ويجهي ساٿي ۽ تر جي اهم شخصيت نواز علي شاهه قدوساڻي اڳوڻي ايم اين اي ماروي ميمڻ جي مان ۾ ڏنل هڪ آجياڻي ۾ سندس حمايت جو اعلان ڪيو ان موقعي تي خطاب ڪندي ماروي ميمڻ چيو ته اصل سياست عوام جي در تي وڃي سندن مسئلا معلوم ڪرڻ ۽ ساڻن ڪلهو ڪلهي ۾ ڏيئي بيهڻ آهي پر هن وقت ملڪ ۾ ڦر لٽ واري سياست هلي رهي آهي

وڌيڪ پڙھو

حسن بيچين روح هو هن جو جنم ئي شاعري لاءِ ٿيو هو: نواز علي شاهه ڀاڏائي

سنڌ جي البيلو شاعر حسن درس جي ياد ۾ جسقم (آريسر گروپ) پاران ٺٽو ۾ هڪ تعذيتي ميڙاڪو ڪوٺايو ويو ان موقعي تي جسقم آريسرگروپ جي نواز علي شاهه ڀاڏائي چيو ته حسن درس سنڌ جي حسن جو شاعر هو جنهن وٽ پنهنجو نرالو انداز ۽ منفرد لهجو هو، هن چيو ته حسن درس جو اوچتو وڇوڙو دل کي ڏکوئيندڙ آهي جنهن سنڌي شاعر جي اڏارکي گرهڻ هڻي ڇڏي آهي، هن چيو ته حسن بيچين روح هو هن جو جنم ئي شاعري لاءِ ٿيو هو ۽ اهو سچ آهي ته هو ويندي ويندي شاعري کي نئين زندگي ڏيئي ويو ۽ هو پنهنجي جوهر ۾ ارڏو ۽ انقلابي انسان هو مڪمل العين جو شاعر هو

وڌيڪ پڙھو

پڇڙي تائين پاڻي جي فراهمي ۾ رڪاوٽون وجهندڙن خلاف پهرين جولاءِ کان ضلعي انتظاميا کي آپريشن شروع ڪرڻ جون هدايتون جاري

ثقافت کاتي واري صوبائي وزير سسئي پليجو ٺٽي ضلعي اندر ڪچي جي اندر زمينداري بندن کي ڊاهڻ ۽ شاخن ۾ پوڇڙ تائين پاڻي جي فراهمي ۾ رڪاوٽون وجهندڙن خلاف پهرين جولاءِ کان ضلعي انتظاميا کي آپريشن شروع ڪرڻ جون هداتيون جاري ڪندي چيو آهي ته آبپاشي کاتي جي انتظاميا جي ناقص ڪارڪردگي سبب جاتي، شاهبندر، ميرپورساڪرو، ڪيٽي بندر ۽ کاروڇاڻ جي پوڇڙ تائين پيئڻ لاء به واهن ۾ پاڻي نٿو پهچي ۽ ان جو ذميوار واسطيدار عملدار آهن ، جن خلاف هاڻي ڪارروائي ڪئي ويندي، مڪلي تي ضلعي ڪائونسل هال ۾ ضلعي جي حفاظتي بچاءُ بندن تي هلندڙ مرمتي ڪم ۽ پاڻي جي صورتحال بابت سڏايل گڏجاڻي جي صدارت ڪندي سسئي پليجو حفاظتي بچاءُ بندن تي هلندڙ ڪم بابت آبپاشي کاتي کان رپورٽ ورتي ۽ حفاظتي بچاءُ بندن اندر ڪچي ۾ زمينداري بندن توڙي واهن ۽ شاخن کي ڪٽ هڻي پوڇڙ واسي زميندارن جي حصي جو پاڻي حاصل ڪندڙ بااثر زميندارن بابت (اج) تائين آبپاشي کاتي کان رپورٽ طلب ڪري ورتي آهي

وڌيڪ پڙھو

حيدرآباد سيوهڻ روڊ تي حادثو، ٽي فوت

حيدرآباد سيوهڻ روڊ تي حادثي ۾ فوت ٿيل ٺٽي واسي هڪ نوجوان جو لاش ٺٽي ۽ ٻن جڻن جو لاش ڪراچي نيو ويو سندن گهرن ۾ ڪهرام متل ، سيوهڻ جي درگاهه تي حاضري ڀرڻ لاءِ ويندي حيدرآباد سيوهڻ روڊ تي ٽائرراڊ ٽٽڻ سبب ڪوسٽر ڪلٽي ٿيڻ جي نتيجي ۾ فوت ٿيل ٺٽو واسي 25 سالا نوجوان دانيال ولد زاهد کٽي جو لاش ڪالهه شام جو ديرسان ٺٽي شهر ۾ آندو ويو جتي رات ديرسان سندس تدفين جون تياريون ٿي رهيون هيون جڏهن ته حادثي ۾ فوت ٿيل دانيال جي مامي وحيد ۽ سئوٽ حماد جو لاش ڪراچي نيو ويو آهي ٽنهي فوتين جو تعلق ٺٽي سان آهي پر دانيال جا مائٽ هن وقت ڪراچي ۾ رهائش پذير آهن حادثي ۾ زخمي ٿيل ٻين گهرڀاتين کي طبي امداد ڏيڻ بعد ڪراچي جي اسپتالن ۾ داخل ڪيو ويو آهي

وڌيڪ پڙھو

قدرتي آفتن کي روڪڻ انسان جي وس ۾ ناهي ،موجوده حڪومت ايندڙ امڪاني ٻوڏ جي خطري جي پيش نظر سمورا وسيلا قطب آڻي رهي آهي: ۾ نويد قمر

وفاقي ۽ صوبائي حڪومت جي گڏيل ڪميٽي ڪوٽ عالمون لڳ ايم ايس بچاءُ بند جي گهاري واري هنڌ پهچي دورو ڪيو، ۽ هلندڙ ڪم جو جائزو ورتو، وفاقي سرڪار پاران بندن جي نگراني لاءِ جوڙيل 8 رڪني ڪميٽي پاڻي ۽ بجلي جي وفاقي وزير نويد قمر جي اڳواڻي ۾ ڪوٽ عالمون ايم ايس بچاءُ بند کي پيل گهاري واري هنڌ جو معائنو ڪري هلندڙ ڪم جو جائزو ورتو ، 8 رڪني ڪميٽي ۾ نويد قمر سميت وفاقي وزير ميرهزار خان بجاراڻي، وفاقي فلڊ ڪميشن جي چيئرمين اسد امتياز ، آبپاشي کاتي جي صوبائي وزير جام سيف الله ڌاريجو، سيڪريٽري آبپاشي خالد حيدر ميمڻ، پاڻي بابت ماهر ادريس راجپوت، واپڊا ۾ پاڻي بابت ميمبر راغب عباس شاهه ۽ ٻيا شامل هئا. ڪميٽي جي اڳواڻن گهاري کي بند ڪرڻ واري ڪم جو معائنو ڪيو

وڌيڪ پڙھو