ٺٽو

ٺٽي ۾ 50 ڏينھن کان پوءِ بيروزگار نوجوانن جو احتجاج

ٺٽو ۾ 50 ڏينهن جي احتجاج بعد روزگار نه ملڻ خلاف احتجاجي ڪيمپ قائم ڪندڙ نوجوانن جي ڪيمپ تي پ پ اڳواڻ پهچي نوجوانن کي جوس پياري احتجاج ختم ڪرائي ڇڏيو، کين روزگار ڏيڻ جو اعلان. ٺٽو پريس ڪلب اڳيان 50ڏينهن کان وٺي سرڪاري توڙي غيرسرڪاري ادارن ۾ نوڪريون نه ملڻ خلاف احتجاجي ڪيمپ قائم ڪري احتجاج ڪندڙ ڊگري يافته نوجوانن جي جدوجهد نيٺ رنگ لاٿو پ پ ضلعي ٺٽي جي اڳواڻ امتياز قريشي ۽ پ پ ٺٽو سٽي جي صدر عزيز پکيئڙو جي اڳواڻي ۾ پ پ اڳواڻن جو هڪ وفد پريس ڪلب ٺٽو اڳيان احتجاجي ڪيمپ تي ويٺل نوجوانن وٽ پهتو جتي احتجاج ڪندڙ نوجوانن سان ڳالهيون ڪري کين انصاف جي خاطري ڪرائي، احتجاجي ڪيمپ تي ويٺل عنايت شاهه، ممتاز شيخ، شاهد عباسي، احسان جاکرو ، سڪندر شاهه ۽ ٻين نوجوانن کي جوس پياري سندن احتجاج ختم ڪرائي ڇڏيو

وڌيڪ پڙھو

سنڌ جي عوام ۽ غريبن جي نالي تي ووٽ وٺندڙ حڪمرانن نه رڳو ماڻهن کي سندن بنيادي حقن کان محروم رکيو آهي : ماروي ميمڻ

ٺٽي ۾ اڳوڻي ايم اين اي ماروي ميمڻ پاران عورت ڪارڪنن ۽ ورڪرن سميت ٺٽو شهر ۾ ٻوهارو مهم هلائي صفائي جي لاءِ شهرين کي خود حصو وٺڻ جي اپيل ڪري ڇڏي، حڪومتي ۽ انتظامي ڪارڪردگي تي عدم اطمينان ظاهر. عوام جي حقن جي حاصلات لاءِ اڳوڻي ايم اين اي ماروي ميمڻ ٺٽي شهر ۾ وڌندڙ گندگي ۽ صفائي نه ٿيڻ خلاف هڪ انوکو احتجاج شروع ڪندي هن پاڻ عورت ورڪرن توڙي نوجوان رضاڪارن سان گڏجي جلوس جي صورت ۾ ٺٽي جي شاهي بازار ۾ ٻوهارا کڻي پاڻ ٻوهارا ڏيئي صفائي مهم شروع ڪري ڇڏي

وڌيڪ پڙھو

ٺٽي ۾ بيروزگار نوجوانن جو احتجاج 49 ڏينھن به جاري

ٺٽي ضلعي جي مختلف سرڪاري کاتن توڙي اين جي اوز ۾ نوڪريون نه ملڻ ۽ ٻاهرين ضلعن جي ماڻهن جي سياسي سفارش عيوض ٿيل ڀرتين خلاف بيروزگار نوجوان تحريڪ ٺٽو پاران شرو ڪيل احتجاجي جدوجهد جي سلسلي ۾ 49 ڏينهن به پريس ڪلب ٺٽو اڳيان قائم ڪيل ڪيمپ ۾ بيروزگار نوجوان ممتاز علي شيخ، عنايت شاهه، شاهد عباسي، ذوالفقار بروهي ۽ ٻين پاران احتجاج طور تي معصوم ٻار ۽ گرده وڪرو ڪرڻ لاءِ هوڪا ڏيڻ سان گڏ نعريبازي جو سلسلو جاري رکيو ويو، بيروزگار نوجوانن چيو ته جهموري دور ۾ فريال ٽالپر، آغا سراج دراني، مراد علي شاهه، پيرمظهرالحق پنهنجن ضلعن جي ماڻهن کي ٺٽي جي مختلف کاتن ۾ ڀرتي ڪرايو آهي

وڌيڪ پڙھو

ٺٽي ۾ پوليو جي 3 ڪيسن جي تصديق، صحت کاتي جي ڪارڪردگي تي عدم اطمينان

ٺٽي ضلعي اندر پوليو جا 3 ڪيس تصديق ٿيڻ ۽ ڪيترائي شڪي ڪيس ظاهر ٿيڻ بعد ٺٽي جي ڊي سي او سميت سياسي ڌرين صحت کاتي جي ڪارڪردگي تي عدم اطمينان ظاهر ڪندي ضلعي اندر پوليو مهم دوران ايمرجنسي نافذ ڪري خود پوليو جا ڦڙا معصوم ٻارڙن کي پيارن ۽ مهم جي سخت نگراني ڪرڻ جو اعلان ڪيو آهي، ٺٽي جي ڊي سي او ۽ ضلعي ائڊمنسٽريٽر محمد جعفر عباسي جي صدارت هيٺ پوليو بابت ٿيل اهم گڏجاڻي ۾ پ پ ضلعي ٺٽي جي صدر ارباب وزير ميمڻ ، صحت، تعليم ، پوليس ، روينيو ۽ ٻين کاتن جي اي ڊي اوز ۽ ٻين عملدارن شرڪت ڪئي ان موقعي تي صحٽ کاتي ٺٽو جي ي ڊي او ناصر جلباڻي پاران ضلعي اندر پوليو جي حوالي سان پيش ڪيل رپورٽ کي رد ڪندي ٺٽي جي ڊي سي او محمد جعفر عباسي چيو ته صحت کاتي جي انتظاميا نا اهلي ۽ ناڪامي سبب ضلعو ٺٽو پوليو جي حوالي سان هاءِ رسڪ تي اچي ويو آهي

وڌيڪ پڙھو

پاڪستان هلال اهمر جي تعاون سان ٺٽي ۾ مفت طبي ڪيمپ

پاڪستان هلال اهمر جي تعاون سان ٺٽي ۾ مفت طبي ڪيمپ. پاڪستان هلال اهمرسوسائٽي پاران ٺٽي جي برسات متاثرين جي سهائتا لاءِ مفت طبي ڪيمپ قائم ڪئي ويئي، ان موقعي تي مختلف بيمارين جي ماهر ڊاڪٽرن سوين مريضن جي مفت چڪاس ڪري مريضن کي مفت دوائون ڏنيون ويون، جڏهن ته ان موقعي تي پاڪستان هلال اهمر جو هانرري سيڪريٽري حاجي محمد حنيف ميمڻ ۽ ڊي ايم او ٺٽو زين العارفين مغل پڻ موجود هئا.

وڌيڪ پڙھو

تعليم جو معيار بهتر بنائي ئي عالمي دنيا جو مقابلو ڪري سگھجي ٿو. صادق علي ميمڻ ۽ ڊي سي او ٺٽو جو تقريب کي خطاب

صوبائي وزير جيل صادق علي ميمڻ چيو آهي ته معياري تعليم کي هٿي ڏيارڻ بنا اسان جي قوم دنيا جي ٻين قومن جو مقابلو نٿي ڪري سگھي ۽ تعليم کي هٿي ڏيارڻ لاءِ لازمي آهي ته اسان سڀئي گڏجي جدوجهد ڪريون. اهڙن خيالن جو اظهار هن اڄ ٺٽي لڳ ڳوٺ پير محمد بروهي ۾ پرائمري اسڪول جي عمارت ۾ ٻن ڪمرن جي اضافي جي پيڙهه جو پٿر رکڻ واري تقريب کي خاص مهمان طور خطاب ڪندي ڪيو. صحافي محبوب بروهي پاران منعقد ڪيل تقريب کي ايم پي اي حاجي محمد عثمان جلباڻي، ڊي سي او ٺٽو محمد جعفر عباسي ۽ اي ڊي او ورڪس شفيق الرحمان پڻ خطاب ڪيو. صوبائي وزير صادق علي ميمڻ چيو ته سياسي قيادت متفقه طور ضلعي انتظاميه کي تعليم ۽ صحت وارن کاتن ۾ سڌاري لاءِ فري هينڊ ڏنو آهي جنهن سان ضلع جي قيادت جي ٺٽي جي عوام سان سچائي جو واضح ثبوت آهي

وڌيڪ پڙھو

ايراني حڪومت جي اعلٰي سطحي وفد جو ٺٽي جي ٻوڏ متاثر علائقن جو دورو. سنڌ حڪومت جي ٻوڏ متاثرين جي امداد، بحالي ۽ خصوصن انفرا اسٽرڪچر جي نئين سر تعمير ۾ مدد ڪرڻ جو اعلان.

ايراني حڪومت سنڌ حڪومت کي ٻوڏ متاثرين جي بحالي ۽ انهن جي آبادڪاري لاءِ انفرا اسٽرڪچر جي ٻيهر تعمير ۾ مدد ڪرڻ جو يقين ڏياريو. اهڙو اعلان ايراني حڪومت جي هڪ اعلٰي سطحي وفد ايران حڪومت جي نائب وزير ۽ ايران ڪرائسس مئنيجمينٽ جي سربراه جناب قدمي جي اڳواڻي ۾ اڄ سنڌ جي ٻوڏ متاثر علائقن جو دورو شروع ڪندي ٺٽي پهچي ڪيو. ٺٽي پهچڻ تي ڊي سي او ٺٽو محمد جعفر عباسي ۽ اي ڊي او روينيو حفيظ احمد سيال ايراني وفد کي ٻوڏ ۽ برساتن سبب ضلعي ٺٽي کي پهتل نقصانن بابت بريفنگ ڏيندي آگاه ڪيو ته 220 ملي ميٽر برسات ۽ ايل بي او ڊي جي سم نالن سبب ٺٽي ضلعي جي ٻن تعلقن جاتي ۽ ميرپور بٺورو ۾ تباهي آئي ۽ 187000 ماڻهو متاثر ٿيا، جڏهن ته 35666 ايڪڙن تي بيٺل فصل پڻ تباه ٿي ويا. وفد کي ٻڌايو ويو ته 629 ڳوٺن کي نقصان پهتو

وڌيڪ پڙھو

سي آئي اي پوليس جو ڇاپو ، هڻي ڦر ڪيل هڪ سوزوڪي هٿ ڪري

ٺٽي جي سي آئي اي پوليس ڇاپو هڻي ڦر ڪيل هڪ سوزوڪي هٿ ڪري ٺٽي ضلعي جي روڊ رستن تي ڦرون ڪندڙ هڪ گروه جي مک جوابدار غلام شورو کي گرفتار ڪري ورتو آهي ، جنهن جي نشاندهي تي مڪلي ٿاڻي تي ٽن ڏوهارين سميت 8 جوابدارن خلاف ڪيس داخل ڪيو ويو آهي جڏهن ته ساڳئي ٽولي جي ربو ڇٽو سميت ٻن ساٿين کي حيدرآباد پوليس گرفتار ڪري سندن تحويل مان ڦر ڪيل ڪار برآمد ڪري ورتي آهي، ٺٽي جي سي آئي اي پوليس جي انچارج ناظم چانڊيو جي اڳواڻي ۾ پوليس جي جوڙيل خاص ٽيم ڇاپو هڻي ٺٽو ، جهمپير لنڪ روڊ تان ڦر ڪيل سوزوڪي نمبر KQ9699 هٿ ڪري هڪ جوابدار غلام شورو کي گرفتار ڪري ورتو آهي

وڌيڪ پڙھو

ٺٽي جي بيروزگار نوجوانن جو انوکو احتجاج

ٺٽي ۾ بيروزگار نوجوانن پاران مائرن ۽ ڀينرن سان گڏ شهر ۾ جهولي کڻي معصوم ٻار ۽ گرده وڪرو ڪرڻ جون صدائون، شهرين ۽ واپارين خيرات ڏنيون ضلعي ٺٽي جي مختلف سرڪاري کاتن توڙي اين جي اوز ۾ نوڪريون نه ملڻ ۽ ٻاهرين ماڻهن جي ٿيل ڀرتين خلاف ٺٽي جي بيروزگار نوجوانن پاران 43 ڏينهن تي پڻ سندن احتجاج جاري رهيو

وڌيڪ پڙھو

ٺٽي ضلعي جا رهواسي ڳوٺاڻا، عورتون معصوم ٻارڙا غذائي کوٽ جو شڪار ٿي بيمارين ۾ مبتلا

برسات متاثر ٺٽي ضلعي جا رهواسي ڳوٺاڻا، عورتون معصوم ٻارڙا غذائي کوٽ جو شڪار ٿي بيمارين ۾ مبتلا ٿي ويا آهن ۽ ڊاڪٽرن معصوم ٻارڙن سميت ڳورهاري عورتن جي زندگي تي ڳڻتي ظاهر ڪندي حڪومت کي فوري قدم کڻڻ جي اپيل ڪئي آهي، نيشنل بينڪ آف پاڪستان پاران پيپلز ڊاڪٽرز فورم جي سهڪار سان جنگشاهي ويجهو ساڏورو مڪان ڳوٺ ۾ لڳايل هڪ روزه مفت طبعي ڪيمپ ۾ ڪوهستاني علائقن ۾ پناهه لاءِ پهتل برسات متاثر هڪ هزار کان مٿي مريضن جي چڪاس ڪري ڊاڪٽرن مفت ۾ علاج ڪيو، ان موقعي تي صحافين سان ڳالهائيندي مفت ڪيمپ ۾ مريضن جو علاج ڪندڙ ڊاڪٽر اسماعيل پليجو، ڊاڪٽر قمر ٻارڻ ۽ ٻين ٻڌايو ته چڪاس دوران خارش، مليريا، دست، الٽين، پيٽ ۽ اکين جي بيماري ۾ مبتلا مريضن جو علاج ڪيو ويو

وڌيڪ پڙھو