سکر

سکر: وفاقي وزير مذهبي امور سيد خورشيد احمد شاهه ڪنڌرا لڳ عمرڪس واهه  جي آر ڊي 14 نارا ڪئنال تي ايمپرومينٽ / بحاليءَ جي ڪم جو ۽ پٽڻي فيڊنگ چينل جو افتتاح ڪيو. هي پروجيڪٽ 12 ڪروڙ روپين جي لاڳت سان مڪمل ڪيو ويو آهي. جنهن سان 40 هزار ايڪڙ غير آباد زمين آباد ٿيندي، انهيءَ موقعي تي سيد خورشيد احمد شاهه چيو ته هن علائقي جي ماڻهن جو پراڻو مطالبو پورو ڪيو ويو آهي، جنهن جو واعدو  اليڪشن جي مهم دوران  ڪيو ويو هو. انهيءَ موقعي تي ايم پي اي / چيئرمين ڊسٽرڪٽ ڊولپمينٽ ڪميٽي سکر سيد جاويد شاه جيلاني خطاب ڪندي سيد خورشيد احمد شاهه جي علائقي واسين جي لاءِ ڪيل ڪوششن کي ساراهيو ۽ چيو ته هن منصوبي جي تڪميل سان علائقي جي ماڻهن ۾ خوشحالي ايندي ۽ هي علائقو سرسبز ۽ شاداب ٿيندو ۽ هي پروجيڪٽ هن علائقي جي ماڻهن لاءِ موجوده عوامي حڪومت جي طرفان هڪ تحفو آهي ۽ هي عوامي حڪومت عوام جي خدمتن تي يقين رکي ٿي، ان سلسلي ۾ عوام جي فلاح لاءِ ترقياتي منصوبا ڏيڻ جون ڪوششون ڪري رهي آهي، ته جئين عام ماڻهو هن سرڪار طرفان ڏنل سهولت مان لاڀ حاصل ڪري سگهن، ان موقعي تي ڊاڪٽر نصرالله بلوچ ايم…

سکر: آفيسر ڪمانڊنگ پاڪستان ايئرفورس انفارميشن اينڊ سليڪشن سينٽر سکر اعلان ڪيو آهي ته پاڪستان ايئرفورس ۾ ايجوڪيشن انسٽرڪٽر ۽ رليجس ٽيچرس ميل جي رجسٽريشن 11 اپريل کان 15 اپريل 2011، تائين سکر سينٽر تي منعقد ڪئي ويندي. خواهشمند اميدوار جيڪي گهربل تعليمي قابليت رکن ٿا. انهن کي مشورو ڏنو ويو آهي ته هو گهربل دستاويزن سان گڏ مٿي ڏنل تاريخ تي سينٽر سان رجسٽريشن جي متعلق لهه وچڙ ۾ اچن

سکر: علامه اقبال اوپن يونيورسٽي بزنس ايڊمنسٽريشن ڊپارٽمينٽ پهريون دفعو گريجوئيٽ سطح تي 3 مختلف شعبن ۾ 4 سالا ڊگري پروگرام جي داخلا شروع ڪئي آهي. سيمسٽر بهار 2011، ۾ اوپن يونيورسٽي جي تا ريخ ۾ ان جي شعبي جي ذريعي پيش ڪندڙ 4 سالا دوران مشتمل گريجوئيٽ سطح تي ڊگري پروگرام تي بي ايس بزنس ايڊمنسٽريشن (بيڪنگ فنانس اينڊ انفارميشن ٽيڪنالاجي فيس ٽو فيس بذريعه اسٽيڊي سينٽر بي ايس بزنس ايڊمنسٽريشن (مارڪيٽنگ اينڊ هيومن ريسورس مينيجمينٽ) بذريعه فاصلاتي طريقا تعليم ۽ بي ايس ڪامرس (بذريعه فاصلاتي تعليم) شامل آهن. شعبه ايڊمنسٽريشن جا داخلا فارم ۽ بينڪ چالان فارم علامه اقبال اوپن يونيورسٽي جي ويب سائيٽhttp://www.aiou.edu.pk تي دستياب آهن. درج بالا تعليمي پروگرامن ڪنهن به پروگرام ۾ داخلا حاصل ڪرڻ لاءِ خواهشمند اميدوارن کي هدايت ڪجي ٿي ته داخلا فارم ۽ چالان فارم يونيورسٽي جي ويب سائيٽ تان ڊائون لوڊ ڪري تمام گهربل تصديق ٿيل سندون ۽ مقرر فيس سان گڏ ملڪ جي موجود مختلف قومي بئنڪن جي برانچن ۾ ڇنڇر ڏينهن 9 اپريل تائين، جمح ڪرائين.

سکر: سابقه ناظم آفيس سکر ۾ چيف ٽيڪنيڪل ايڊوائيزر آئي ايل او- آئي پي اي سي سجيوا فونسيڪا جي صدارت هيٺ اي سي- آئي ايل او-سي اي سي ايل پراجيڪٽ 2 ڊسٽرڪٽ سکر جي حوالي سان هڪ گڏجاڻي منعقد ڪئي. هن گڏجاڻي ۾ آئي ايل او فوڪل پرسن سمير احمد سيد ۽ پراجيڪٽ مينيجر آئي ايل او- آئي پي اي سي- سي ايل پراجيڪٽ 2 نظر حسين جويو موجود هئا. انهيءَ دوران سجيوا فونسيڪا کي هلندڙ پراجيڪٽ 2 متعلق بريفنگ ڏني وئي انهيءَ دوران هن ڳالهائيندي چيو ته هي ضلعي سکر جي لاءِ تمام خوشيءَ جي ڳالهه آهي ته اهڙو پراجيڪٽ جنهن ۾ ٻارن جي مشقت جي بدترين شڪل جو خاتمو ضلعي سکر ۾ ايجوڪيشن هيلٿ ۽ ووڪيشنل ٽريننگ ۽ فيملي اڪنامڪ ايمپرومينٽ آندو وڃي. انهيءَ دوران سمير احمد سيد ڳالهائيندي چيو ته هي پراجيڪٽ ڊسٽرڪٽ گورنمينٽ پائليٽ پروگرام آهي. ضلعي سکر ۾ جيڪي به ٻار مزدوري ڪري رهيا آهن. انهن کي اتان ڪڍي تعليم ڏانهن راغب ڪرڻو آهي. جن ۾ 35 کان 40 هزار ٻار آهن. هن پراجيڪٽ ۾ ضلعي حڪومت جو ڪوآرڊينيشن آهي هنن ۾ ٻيا پارٽنرز به شامل آهن. هي ضلعي ايجوڪيشنل پروگرام آهي. جيڪو ٻار پڙهيل نه هوندو ته اهو ڪو به ڪم مڪمل طور تي…

سکر: صحت جو عالمي ڏينهن ملهائڻ جي سلسلي ۾ پيرا ميڊيڪل ۽ هيلٿ ٽيڪنيشن اسڪول سکر طرفان لا ڪاليج کان پريس ڪلب سکر تائين هڪ واڪ منعقد ڪئي ويئي. جنهن جي قيادت ڊاڪٽر منير احمد منڱريو پرنسپل پيرا ميڊيڪل اينڊ هليٿ ٽيڪنيشن اسڪول سکر ڪئي. صحت جو عالمي ڏينهن 2011، جي حوالي سان ڳالهائيندي ڊاڪٽر منير احمد منڱريو چيو ته ٿهليم جي جراثيم خلاف مزاحمت ڪرڻ گهرجي. ان کان اڳ جو مرض ناقابل علاج ٿئي. هن چيو ته طبي سائنس ايتري ترقي ڪئي آهي جو هر مرض جو بهتر علاج ڪري سگهجي ٿو ۽ ان کان بچاءُ ممڪن آهي. جيڪڏهن صحت جي اصولن تي سنجيدگيءَ سان عمل ڪيو وڃي ته گهڻين بيمارين کان پاڻ کي ۽ ماڻهن کي بچائي سگهجي ٿو. واڪ ۾ شريڪ ٿيندڙ ڊاڪٽر حبيب رحمان شيخ، ارشد حسين شاهه، مشتاق احمد ڊوگر، ڊاڪٽر لياقت علي ميمڻ، ڊاڪٽر غلام فاروق چنو، اسڪول جي اسٽاف ۽ شاگردن وڏي تعداد ۾ شرڪت ڪئي.

سکر: چيف سيڪريٽري سنڌ مسٽر عبدالسبحان ميمڻ ڊي سي او آفيس سکر ۾ مختلف ضلعن جي ڊي سي اوز، ڊي پي اوز، اي ڊي اوز روينيو ۽ اي ڊي اوز ايجوڪيشن سان گهر شماري آپريشن سينسس 2011 متعلق هڪ گڏجاڻي منعقد ڪئي. هن گڏجاڻي ۾ ڊي سي اوز، ڊي پي اوز، اي ڊي اوز روينيو، اي ڊي اوز ايجوڪيشن سکر، گهوٽڪي، شڪارپور، خيرپور، نوشهروفيروز، دادو ۽ شهيد بينظير آباد ضلعن شرڪت ڪئي. چيف سيڪريٽري ڊي سي اوز ۽ ٻين واسطيدار آفيسرن کي خطاب ڪندي چيو ته هي هڪ قومي فريضو آهي. جنهن لاءِ هو لگن ۽ جانفشاني سان پنهنجي ذميوارين کي ادا ڪن ته جئين هي اهم ڪم صاف ۽ شفاف نموني سان مڪمل ڪري سگهجي. ڇو ته هي هڪ اهم ٽاسڪ آهي هن ذريعي ملڪ جا پروگرام ۽ منصوبا بندي جوڙي ويندي آهي. هن وڌيڪ چيو ته اسان ڪوشش ڪنداسين ته جيئن سڀني علائقن کي مڪمل طرح ڪور ڪري سگهجي جنهن لاءِ سڀني آفيسرن جي سهڪار جي ضرورت آهي ته جئين ڪو به علائقو گهر شماري آپريشن دوران رهجي نه وڃي. چيف سيڪريٽري ڊي پي اوز کي هدايت ڪئي ته هو 05 اپريل کان شروع ٿيندڙ گهر شماري آپريشن سينسس دوران مختلف علائقن ۾ متعين ٿيل فيلڊ اسٽاف کي…

سکر: اي ڊي او روينيو اختر علي قريشي مختلف کاتن جي عملدارن کي هدايت ڪئي آهي ته هو پوليو خلاف شروع ٿيندڙ قومي مهم ۾ پنهنجو ڀر پور ڪردار ادا ڪن، ته جيئن هن مهم کي ڪامياب ڪري سگهجي. هن اهڙو اي ڊي او هيلٿ جي دفتر جي ڪميٽي روم ۾ پوليو خلاف شروع ٿيندڙ مهم جي انتظامن جو جائزو وٺڻ جي سلسلي ۾ ڪوٺايل هڪ گڏجاڻي کي خطاب ڪندي ڪيو. هن آفيسرن کي هدايت ڪندي چيو ته هو هن عمل کي انساني خدمت سمجهي صحيح نموني سان سرانجام ڏين. صحت کاتي جي عملدارن کي پڻ هدايت ڪئي ته هو ڪچي جي علائقي کي وڌ کان وڌ فوڪس ڪن، ته جيئن ٻين علائقن وانگر ڪچي جي علائقي کي صحيح نموني سان ڪور ڪري سگهجي ته جيئن هي پوليو مهم 06 اپريل کان 08 اپريل 2011 تائين ملڪ جي ٻين حصن وانگر سکر ضلعي ۾ شروع ڪئي ويندي ۽ هن وڌيڪ ڳالهائيندي چيو ته جيڪڏهن ڪنهن ٻار کي پوليو جي ڦڙن پيارڻ سان معذوري کان بچائي سگهجي ته اهو هڪ سٺو سنوڻ آهي. جنهن لاءِ گڏيل ڪوششن جي ضرورت آهي. هن ماڻهن کي اپيل ڪئي ته هو پوليو ٽيمن سان وڌ ۾ وڌ سهڪار ڪن ته جيئن ڪو به 5 سالن…

سکر: ڊسٽرڪٽ فوڊ ڪنٽرولر سکر پڌرو ڪيو آهي ته فوڊ ڊپارٽمينٽ گورنمينٽ آف سنڌ 2010،2011 ڪڻڪ جي فصل جي آسان فراهمي جي لاءِ فيصلو ڪيو آهي، جنهن ۾ ضلعي سکر لاءِ ڪڻڪ جي فراهمي جو ٽارگيٽ 60 هزار ملين ٽنس مقرر ڪيو آهي، جڏهن ته 100 ڪلو گرام جون 6 لک ٻورين جو حدف مقرر ڪيو ويو آهي. اهڙيءَ طرح ڪڻڪ جي خريداري جو اگهه 950 روپيا في 40 ڪلو گرام جي حساب سان ۽ 100 ڪلو گرام جي ٻوري 2 هزار 375 روپيا مقرر ڪئي وئي آهي. جڏهن ته ضلعي سکر ۾ 19 خريداري جا مرڪز قائم ڪيا ويا آهن. جيڪي 31 مارچ 2011 کان پنهنجو ڪم شروع ڪري ڏنو آهي. ڪڻڪ صرف آبادگارن کان جيڪو اڳي سو تڳي جي بنياد تي ورتي ويندي. ڪڻڪ مٽي، گندگي ۽ ٻين ٻاهرين شين کان پاڪ خريد ڪئي ويندي.

سکر: نادرا ريجنل هيڊ ڪوارٽر سکر ۾ ٻوڏ دوران نادرا وطن ڪارڊ تقسيم ڪرائڻ ۾ ڀرپور مدد ڪندڙ استادن کي سرٽيفڪيٽ ڏيڻ لاءِ هڪ تقريب منعقد ڪئي وئي. جنهن جو مهمان خاص ڊي سي او سکر انعام الله خان ڌاريجو هو. هن خطاب ڪندي چيو ته اسان انهن استادن کي سلام پيش ڪريون ٿا جن ٻوڏ دوران مشڪل گهڙيءَ ۾ پنهنجو قيمتي وقت ڪڍي سکر ضلعي جي ماڻهن جي خدمت ڪئي ۽ ڏکي وقت ۾ ٻوڏ متاثرن جي مدد ڪئي. انهيءَ موقعي تي جنرل مينيجر نادرا سکر ڳالهائيندي چيو ته اسان کي فخر آهي ته ضلعي انتظاميه جي مدد سان نادرا سکر تمام گهٽ وقت ۾ مختلف ضلعن ۾ انتظاميه جي مدد سان 24 وطن ڪارڊ سينٽر قائم ڪيا. جن جي ذريعي هن وقت تائين 4 لک 57 هزار 809 وطن ڪارڊ ورهائجي چڪا آهن. جن جي ماليت تقريبن 9 ارب 15 ڪروڙ روپيا آهي. سڀ کان اڳ ضلعي سکر ۾ 4 وطن ڪارڊ سينٽر قائم ڪيا ويا جن جي ذريعي اڃا تائين 80 هزار وطن ڪارڊ تقسيم ڪيا ويا آهن. اهڙيءَ طرح پوري سنڌ ۾ 5 لک 70 هزار ۽ پوري ملڪ ۾ 15 لکن کان وڌيڪ وطن ڪارڊ تقسيم ٿي چڪا آهن. هن ڀلائيءَ جي ڪم ۾ پوري…

سکر: ڊائريڪٽر اينيمل هسبينڊري سنڌ ڊاڪٽر عبدالله ميواتي پڌرو ڪيو آهي ته صوبي سنڌ ۾ ننڍن جانورن رڍن ۽ ٻڪرين ۾ علائقي وائيز مختلف بيماريون جن ۾ رتاوان دست، سامهاڙو يا مهاڙو، رڍن جي ماتا، ڪاٽا جي بيماري ۽ ٻڪرين ۾ ٽڪاڻ يا ڪارو واءُ جهڙيون بيماريون ٿيڻ جو خطرو آهي ان سلسلي ۾ مالوندن ڀائرن کي صلاح ٿي ڏجي ته هو پنهنجي جانورن کي وچرندڙ بيمارين کان بچاءَ لاءِ ويجهي جانورن جي اسپتال، وٽرنري سينٽر، ڊسپينسري ۽ مرڪزن جي عملي سان لهه وچڙ ۾ اچي بچاءَ جا ٽڪا هڻائين ته جئين جانور هر وچرندڙ بيماري کان محفوظ رهن.