سکر

علامه اقبال اوپن يونيورسٽي ريجنل سينٽر سکر جي اسسٽنٽ ريجنل ڊائريڪٽر سکر پڌرو ڪيو آهي ته سيميسٽر خزان 2011 ۾ تمام پوسٽ گريجوئيٽ پروگرامن ۾ داخلا فارم جمح ڪرائڻ جي آخري تاريخ هڪ هزار (-/1000) روپيا ليٽ فيس چارجز سان گڏ 26 جولاءِ 2011 تائين وڌائي ويئي آهي. پڌرائيءَ مطابق علامه اقبال اوپن يونيورسٽي جي نئين سيميسٽر خزان 2011 ۾ پي ايڇ ڊي جي سطح تي اردو، اسلامڪ اسٽڊيز، اقبال اسٽڊيز ۽ پاڪستاني ٻولين ۽ ادب ( پشتو، بلوچي، براهوي، سنڌي، سرائيڪي ۽ پنجابي ٻولين ۾ ) داخلائون پوري ملڪ ۾ جاري آهن. جڏهن ته پي ايڇ ڊي ، ايم اي، ايم فل سطح تي پيش ڪرڻ وارا ڪيمسٽري پروگرام ۾ صرف اسلام آباد جا اميدوار ئي داخلا حاصل ڪري سگهن ٿا. نئين سيميسٽر ۾ ايم ايس سي سطح تي پيش ٿيڻ وارن پروگرامن ۾ معاشيات، مطالعه پاڪستان، جينڊر اينڊ وومين اسٽيڊيز ۽ ڪميونٽي هيلٿ اينڊ نيوٽريشن شامل آهن.

سکر ۾ اڳوڻن ناظمن ۽ ڪائونسلرن دانيال عزيز جي اڳواڻي ۾ ڪوٺايل ڪنوينشن اندر پيپلز پارٽي پاران ڪمشنري نظام کي رد ڪندي مقامي حڪومتن وارو نظام بحال ڪرڻ جو مطالبو ڪيو آهي محمد بن قاسم پارڪ ۾ لوڪل ڪونسل ايسوسيئيشن جي اڳواڻ ۽ سکر جي اڳوڻي ضلع ناظم سکر سيد ناصر حسين شاهه جي دعوت تي ڪوٽايل ڪنوينشن ۾ اين آر بي جي اڳوڻي چيئرمين دانيال عزيز خطاب ڪندي صدر آصف علي زرداري کي مخاطب ٿيندي چيو ته هو پيپلز پارٽي کي عوامي جماعت رهڻ ڏئي نه ڪي ان کي خانداني جماعت ٺاهي ۽ پنهنجن هيٺين کي آئين جي خلاف ورزي نه ڪرڻ ڏئي هن چيو ته سنڌ ۾ ڀٽو شهيد جي قاتلن جي ڪمشنري نظام کي عوام رد ڪري چڪي آهي جيڪڏهن ان کي 8 2 جولاءِ تائين ختم نه ڪيو ويو ته احتجاج جو سخت رستو اختيار ڪيو ويندو جنهن جي شروعات اڄ کا ن ڪري رهيا آهيون

سکر ۽ ڀرپاسي ۾ شب برات جي ڀلاري رات سيپڪو جي نااهل انتظاميه پاران ڪيترن ئي شهرن ۾ بجلي نه هجڻ ڪري شهري اونداهي ۾ ٻڏل رهيا. عبادت گذارن کي عبادت دوران سخت مشڪلاتن جو منهن ڏسڻو پئجي رهيو هو. شهرين ۾سيپڪو انتظاميه خلاف سخت تاءُ، خبر موجب شب برات جي ڀلاري رات ۾ سيپڪو انتظاميه پاران سکر، روهڙي، صالح پٽ، ڪنڌرا، پنوعاقل سميت ڀرپاسي وارن علائقن ۾ بجلي بند ڪري ڇڏيڻ دوران ڪيترائي علائقا اونداهه ۾ ٻڏل رهيا جنهن ڪري شب برات جي موقعي تي عبادت گذارن کي اونداهه هجن ڪري عبادت ڪرڻ ۾ سخت پريشاني جو منهن ڏسڻو پيو. سيپڪو انتظاميه پاران ڀلاري رات ۾ بجلي بند ڪرڻ تي شهرين ۾ سخت تاءُ پکڙيل آهي.

سکر سول اسپتال ۾ ميرپور ماٿيلو جي نرس ڊاڪٽر جي مبينه غفلت ڪري اسپتال ۾ فوت، اسٽاف نرسن پاران سول اسپتال جي گيٽ آڏو مظاهرو ۽ ڌرڻو، احتجاج طور او پي ڊي ۾ نرسن پاران ڪم ڇڏيو ويو. خبر موجب سکر سول اسپتال ۾ پنج ڏينهن اڳ بخار سبب داخل ٿيل ميرپور ماٿيلو جي نرس زاهد ه کي ڊاڪٽرن پاران صحيح علاج نه ٿيڻ ڪري رات جو فوت ٿي وئي . جنهن کان پوءِ هاسٽل ۾ رهندڙ ۽ اسٽاف نرسن پاران علاج صحيح نه ٿيڻ ۽ نرس جي فوت ٿي وڃڻ تي سول اسپتال سکر جي گيٽ آڏو احتجاجي مظاهرو ڪندي ڌرڻو هنيو ۽ سول اسپتال انتظاميه خلاف سخت نعريبازي ڪئي وئي ۽ احتجاج ڪندڙ نرسن ٻڌايو ته سول اسپتال ۾ ڪي به سهولتون موجو د ناهن ، اسپتال اندر ٿڌي پاڻي، صفائي سميت ٻيون سهولتون اڻهوند آهن ۽ سول اسپتال انتظاميه پاران نرسن جا مسئلا حل ڪو نه پئي ڪري سگهي.

وفاقي وزير مذهبي امور سيد خورشيد احمد شاهه چيو آهي ته سنڌ ۾ نئين گورنر ڪير ٿيندو جي ڪابه خبر ڪونهي پر اسان ڊاڪٽر عشرت العباد جو هڪ هفتو انتِظار ڪنداسين نئين گورنر جو فيصلو پارٽي ڪندي ايم ڪيو ايم لاءِ ڳالهين جا دروازا بند ناهن ڪيا ويا کين مخالف ڌر ۾ ويهڻ جو جمهوري حق موجود آهي اهڙو اِهار هن ڪالهه سکر بلڊ اينڊ ڊونيٽنگ اسپتال جي نئين طڪاس واري سينٽر جي سنگ بنياد رکڻ دوران ميڊيا سان ڳالهائيندي ڪيو هن چيو ته ملڪ ۾ ايندڙ چونڊون ڪمپيوٽر لسٽن هيٺ ٿينديون ان لسٽن سان ٽي ڪروڙ ستر لک ڪوڙا ووٽ ڪڍيا ويندا اسان ملڪ ۾ اليڪٽرولرووٽ نِظام رائ ڪري رهيا آهيون 8 1 سال جي عمر رکندڙ پنهنجي ووٽ جو حق استعمال ڪندا هن چيو ته پ پ جي مفاهمتي پاليسي ڪنهن هڪ جمايت لاءِ ڪونه آهي هم چيو ته ڪمشنري نظام هيٺ سکر تعلقو هڪ ڪيو ويو آهي هن چيو ته بندر وال جو ڪم تيزيءَ سان جاري آهي. ۽ وقت اندر مڪمل ڪيو ويندو. ايندڙ سال وڏي ٻوڏ جو امڪان گهٽ آهي

)آل پارٽيز ڪائونسل جي چيئرمين مولانا عبيدالله ڀٽو ابن آزاد، مسلم ليگ ن جي الهداد بوزدار، جي يو آءِ جي مولانا عبدالحق مهر، مسلم ليگ ف جي ظفر اقبال آرائين، سنڌ نيشنل فرنٽ جي شهزادو ڀٽو، جسمم جي لاله سهيل پٺاڻ، هيومن رائيٽس جي جاويد جتوئي، ستپ جي وحيد کوسو، جسقم جي نصير گوپانگ، پي پي شهيد ڀٽو جي سراج ميراڻي، ايس يو پي جي عبدالرشيد ميمڻ، ۽ ٻين گڏيل طور تي چيو آهي ته حڪومت سکر شهر سان ماٽيليءَ ماءُ وارو سلوڪ ڪري رهي آهي. چونڊيل نمائندا شهر دشمنيءَ تي لهي آيا آهن. ۽ سکر جو ڪو به مسئلو حل نه ڪيو پيو وڃي. سکر شهر ۾ چلڊرن پارڪ ڪو نه آهي جنهن ڪري ٻارن کي راندين ۾ مشڪلاتون پيش اچي رهيون آهن ۽ شهر جي روڊ رستا ۽ گهٽيون کنڊرات ۾ تبديل ٿينديون پيون وڃن. شهرين کي پيئڻ جو پاڻيءَ ميسر ڪو نه آهي. ۽ شهر ۾ هلندڙ ترقياتي ڪمن ۾ ناقص ميٽريل استعمال ٿي رهيو آهي.

سکر: اوقاف کاتي سکر ۽ لاڙڪاڻي زون جي ايڊمنسٽريٽر خالد حسين ميمڻ اڄ مشهور صوفي بزرگ سيد صدرالدين شاه بادشاه جي 735 هين سالياني عرس جو سندس مزار تي چادر چاڙھي افتتاح ڪيو. صوفي بزرگ حضرت سيد صدرالدين شاه بادشاه جو عرس 16 جولاءِ کان 18 جولاءِ تائين ملهايو ويندو.

جي يو آءِ جي اجلاس ۾ نئي صوبي ٺاهڻ جي چاڪنگ سنڌ جي خلاف سازش قرار ڏئي ان جي شديد مذمت ۽ مزاحمت ڪرڻ جو اعلان. خبر موجب جي يو آءِ ضلعي سکر جي مجلس شوريٰ جو هڪ اهم اجلاس مدرسه دارالقرآن مائيڪرو ڪالوني سکر ۾ منعقد ٿيو. جنهن جي صدارت ضلعي امير مولانا عبدالقيوم هاليجوي ڪئي. اجلاس ۾ مفتي شفيع محمد سنڌي، مولانا محمد صالح انڍهڙ، عبيدالله ڀٽو، مولانا عبدالحق مهر، مولانا غلام مصطفيٰ ٻرڙو، مولانا غلام نبي، مولانا عبدالڪريم عباسي ۽ ٻين شرڪت ڪئي. اجلاس ۾ هڪ مذمتي قرارداد منظور ڪندي ڪراڇي ۾ دهشتگرد جي واقعن بعد هاڻي نئين صوبي لاءِ ديوارن تي ڪيل چاڪنگ کي سنڌ جي خلاف گهري سازش قرار ڏيندي ان جي پرزور لفظن ۾ مذمت ڪئي ويئي. ۽ حڪومت کان مطالبو ڪيو ويو ته سازشي عناصر ۽ سنڌ دشمن قوتن خلاف سخت ڪارروائي ڪئي وڃي. اجلاس کي ضلعي صدر ۽ صوبائي نائب امير مولانا عبدالقيوم هاليجوي ۽ ٻين خطاب ڪندي چيو ته اسان سنڌ کي ٽوڙڻ ۽ ٻيو صوبو ٺاهڻ جون ڳالهيون سنڌ ۽ سنڌ جي عوام سان گڏ غداري تصور ڪريون ٿا.

جيئي سنڌ متحدا محاذ مرڪز طرفان جسمم سکر ۾ ڪراچي ۾ اردو آبادي جي قتل عام خلاف سکر ۾ جسمم ضلعي صدر لالا سهيل پٺاڻ ، روپلو چاچر، جساف اڳواڻ صفدر سومرو ۽ ٻين جي قيادت ۾ سٽي ڪورٽ کان سعيد سرهندي روڊ تائين احتجاجي مظاهرو ڪيو ويو. جسمم ضلعي صدر سهيل پٺاڻ چيو ته ڪراچي ۾ اردو آبادي مٿان اي اين پي جي دهشتگردن جا حملا سنڌ جي وجود ۽ سنڌ کي ٻن حصن ۾ ڪرڻ جي سازش آهي. حڪومتي ماڻهو ڄاڻي واڻي سنڌي ۽ اردو ڳالهايندڙن جي وچ ۾ ڪو وڏو سانحو ڪرائڻ چاهي ٿي ۽ ان سانحي جا منفي اثرات سنڌ ۽ سنڌي ماڻهن مٿان پوندا ۽ اسين ڪڏهن به ڌارين قوتن ۽ ان ناپاڪ سازش ۾ ڪامياب ٿيڻ ڪو نه ڏينداسين. سائين جي ايم سيد جي اردو ڳالهائيندڙن جي پاليسي تي مڪمل تعاون ڪنداسين

سکر پوليس پاران 2 1 سالن جي نينگر فياض جانوري سميت 3 ڄڻن کي ڌاڙيل قرار ڏئي مارڻ کان پوءِ صبح جو واه مان هڪ وڌيڪ ڄڻي جي لاش ملڻ کانپوءِ مارجي ويلن جو انگ 4 ٿي ويو آهي ڪنڌرا ٿاڻي جي حد ڳوٺ علي شير جانوري تي پوليس چڙهائي چڙهائي ڪري ،مقابلي ۾ 2 1 سالن جي نينگر فياض احمد جانوري،نوجوان عبدالسميع ۽ عبدالحميد حيدر جانوري کي ماريو هو جڏهن ته 4 ماريل جي سڃاڻپ خان محمد جانوري طور ٿي آهي گذريل رات جانوري برادري جي ماڻهن عورتن سان گڏ لاش کڻي اسٽيڊيم چوڪ ڌرڻو هڻي پوليس جي ظلم خلاف سخت نعري بازي ڪئي وارث عورتن قرآن پاڪ کڻي انصاف لاءَ ٻاڪاري رهيو هيوجن جو چوڻ هو ته سکر پوليس اسان جي گهرن تي بلاجواز چڙهائي ڪري فائرنگ شروع ڪري ڏني. جنهن جي نتيجي ۾ اسان جا ماڻهو مارجي ويا وارثن اڱاري ڏينهن ٻار جو لاش ۽ ٽن ٻين لاشن سميت هاءِ ڪورٽ بينچ سکر سامهون لاش رکي احتجاج ڪيو. ان موقعي تي مقتولن جون وارث عورتون ماتم ڪنديون رهيون ۽ پوليس کي قتل جو ذميوار قرار ڏنو. احتجاج تي هاءِ ڪورٽ جي جج جسٽس سلمان احمد واقعي جو نوٽيس وٺندي ايس ايس پي سکر اعتزاز گورائيه کي فوري…