سکر

علامه اقبال اوپن يونيورسٽي جي ڊپارٽمينٽ آف ڪامرس پهرين آگسٽ کان پهريون دفعو ڪامرس ۾ اسوسي ئيٽ ڊگري پروگرامز ( اڪائونٽنگ اينڊ فنانس، بينڪنگ اينڊ فنانس، مارڪيٽنگ مينيجمينٽ، هيومين ريسوسز مينيجمينٽ، آئي ٽي مينيجمينٽ، هاسٽل مينيجمينٽ، هوٽل مينيجمينٽ ۽ ٽوئرزم مينيجمينٽ سيپشلائزيشن سان گڏ) داخلا شروع ڪري رهي آهي. اسسٽنٽ ريجنل ڊائريڪٽر علامه اقبال اوپن يونيورسٽي ريجنل سينٽر سکر جي مطابق ايسوسي ئيٽ ڊگري پروگرام هاير ايجوڪيشن ڪميشن جي صلاح سان هيومن ريسورسز جي پيشه ورانه تربيت ۽ مارڪيٽ جي ضرورت جي مطابق تيار ڪيو ويو آهي. هي پروگرام خاص انهن شاگردن ۽ شاگردياڻين جي لاءِ تيار ڪيو ويو آهي. جيڪو 4 ساله پروگرام کي مالي مجبورين جي ڪري حصو نه وٺي سگهيا آهن ۽ ملازمت شروع ڪرڻ چاهين ٿا

سکر سميت اندرون سنڌ ڪچي آبادين کي پڪو ڪرڻ جو فيصلو، روينيو عملدارن کان فهرستون طلب، خبر موجب سنڌ حڪومت سکر، شڪارپور، خيرپور، گهوٽڪي سميت اندرون سنڌ جي ٻين ضلعن ۾ واقع ڪچي آباديون جيڪي روينيو کاتي جي ايراضي ۾ واقع آهن انهن کي پڪو ڪرڻ ۽ اتان جي رهائشين کي مالڪاڻه حق ڏيڻ جو فيصلو ڪيو آهي. ان سلسلي ۾ ذريعن مطابق ايندڙ مهيني ان حوالي سان باقاعده نوٽيفڪيشن جاري ڪيو ويندو. ان سلسلي ۾ روينيو کاتي جي عملدارن کي هدايتون جاري ڪيون ويون آهن ت

ڪنڊيارو جي رهواسي سهتو برادري جي ماڻهن ذوالفقار علي جي اڳواڻي ۾ سکر جي سعيد سرهندي روڊ تي احتجاج ڪندي ميڊيا کي ٻڌايو ته علائقي جي وڏيري اسان جي ڳوٺ وٽان گذرندڙ سنهڙا شاخ ۾ غير قانوني پائيپ هڻي پاڻي چورائڻ شروع ڪري چڏي آهي انهن پائيپن جي ڪڏهن به ٽٽڻ جي ڪري وڏو نقصان ٿي سگهي ٿو ۽ 0 1 کان وڌيڪ ڳوٺ ٻڏي سگهن ٿا ان ڏس ۾ ايريگيشن کاتي جي اختيارين کي ڪيترائي ڀيراآگاهي ڏئي چڪا آهيون پر ڪوبه نوٽيس نه پو ورتو وڃي هنن مطالبو ڪيو ته پائيپ ڪڍرائي نقصان کان بچايو وڃي.

سکر باءِ پاس تي تيز رفتار ٽرالر جي ٽڪر ۾ موٽر سائيڪل تي سوار عورت فوت،سندس مڙس ۽ ٻارڙو زخمي،گهر ۾ ڪهرام ،ٽرالر ڊرائيور گرفتارخبر موجب سکر باءِ پاس تي ڪراچي ويندڙ هڪ تيز رفتار ٽرالر گمبٽ ويندڙ ان موٽر سائيڪل کي ان وقت زوردار ٽڪر هنيو جڏهن هو رستو ڪراس ڪرڻ جي ڪوشش ڪري رهيا هئا ان دوران موٽر سائيڪل تي ويٺل عورت مسمات لطيفان زخمن جا سور نه سهندي ٿڏي تي فوت ٿي وئي جڏهن ته سندس مڙس پير بخش ۽ ان جو پٽ سخت زخمي ٿي پيا جن کي سول اسپتال سکر داخل ڪيوويو عورت جو مڙه پوسٽ مارٽم بعد وارثن حوالي ڪيو ويو پوليس ٽرالر ڊرائيور کي گرفتار ڪري ورتو آهي.

ڪراچيءَ جي سينئر صحافي ملڪ منور جي پر اسرار گمشدگيءَ جي خلاف سکر نيشنل پريس ڪلب ۽ سکر انڊس يونين آف جرنلسٽ جو گڏيل هنگامي اجلاس ڪلب جي صدر امداد بوزدار جي صدارت ۾ ٿيو. اجلاس ۾ محمد زمان باجوا، پرويز خان، رشيد رضا، جاويد مصطفيٰ، سيد نصير حسين شاهه، طاهر وارثي، فرهاد سومرو، ڪريم بخش شيخ، رضوان صديقي ، فريد سومرو، عمر سومرو، سرفراز ميمڻ، عارف ميمڻ، اظهر علي دايو، خالد محمود، مهتاب انصاري، اسامه طلعت، ۽ ٻين شرڪت ڪئي. اجلاس کي خطاب ڪندي امداد بوزدار، محمد زمان باجوا، پرويز خان چيو ته صحافين کي سچ لکڻ جي سزا ڏني پئي وڃي ۽ گذريل ڪيتري ئي عرصي کان صحافين تي قاتلانه حملا ۽ انهن کي ڊيڄاري ڪري فرضن روڪڻ جي ڪوشش ڪئي پئي وڃي. مگر حڪومت خاموش تماشائي بڻيل آهي

سکر اسمال ٽريڊرز جي جنرل سيڪريٽري حاجي محمد جاويد ميمڻ چيو آهي ته رمضان المبارڪ جي مهيني ۾ بجلي جي لوڊشيڊنگ ۽ مهنگائي کي ڪنٽرول ڪرڻ لاءِ هاڻي سان قدم کنيا وڃن. هو پنهنجي آفيس ۾ شهر جي مختلف علائقن سان آيل وفد سان ڳالهه ٻولهه ڪري رهيو هو. ان موقعي تي حاجي شفيع عباسي، غلام شبير ڀٽو، برڪت علي سولنگي ۽ ٻيا به موجود هئا. جاويد ميمڻ جو چوڻ هو ته بجلي جي ڊگهي لوڊشيڊنگ ۽اکٻوٽ صنعت ۽ تجارت ۽ ڪاروبار سميت سڀني شعبن کي متاثر ڪري ڇڏيو آهي. هن چيو ته رمضان کان پهريان کنڊ جي هٿرادو کوٽ ۽ ذخيره اندوزي عوام سان ظلم آهي. حڪومت سياسي جوڙ توڙ ۽ مفادن کي حاصل ڪرڻ ۾ لڳل آهي. اپوزيشن کي عوامي مسئلن سان ڪا به دلچسپي نه آهي. جنهن جي ڪري عوام مهانگائي کان پريشان آهن. هن چيو ته حڪومتي ادارا مهانگائي ڪنٽرول ڪرڻ ۾ مڪمل ناڪام ٿي چڪا آهن

لوڪل ڪونسل ايسوسي ايشن سنڌ جي ڪنوينر ۽ اڳوڻي ضلعي ناظم سيد ناصر حسين شاهه چيو آهي ته سکر ڪنونشن ۾ سڄي ملڪ جي اڳوڻن ناظمن، سول سوسائٽي، صحافين ۽ عام ماڻهن وڏي تعداد ۾ شرڪت ڪري ثابت ڪري ڇڏيو ته اهي ڪمشنري نظام کي رد ڪري چڪا آهن. ڇو ته ڪمشنري نظام سان عوام هڪ ڀيرو ٻيهر بيورو ڪريٽس جي آفيسن ٻاهران پريشان حال نظر اچي رهيا آهن. هن چيو ته سياسي مفاد پرست ٽولي ۽ ان جي ساٿاري افسر شاهيءَ جي غلاميءَ کان نجات ڏيارڻ لاءِ 1 0 0 2 ع ۾ مڪاني حڪومتن جو نظام ٺاهيو هو. ۽ ان جي انتهائي ڪاميابيءَ سان گڏ نظام هلندو رهيو ۽ ملڪ جي ننڍن وڏن شهرن ڳوٺن ۾ تيزيءَ سان ترقياتي ڪم ٿيا ۽ عوامي مسئلا به حل ٿيڻ شروع ٿي ويا هئا.

سکر: ڊپٽي ڪمشنر / ڪنٽرولر سول ڊفينس سکر اعلان ڪيو آهي ته رمضان المبارڪ جو مقدس مهينو اچڻ وارو آهي انهيءَ سلسلي ۾ سول ڊفينس ۽ ٻين ايجنسين جا اليڪٽرڪ سائرن جيڪي سکر شهر ۾ لڳايل آهن انهن کي ٽيسٽنگ جي مقصد لاءِ 25 جولاءِ کان 26 جولاءِ 2011 تائين صبح جو 10 وڳي کان شام جو 4 وڳي تائين وڄايا ويندا. .

سکر۾ سوئي سدرن گئس جي ملازمن روهڙي ڌماڪي واري واقعي ۾ 6 آفيسر ۽ 3 ملازمن سوڌو 9 ڄڻن خلاف روهڙي پوليس پاران ايف آءِ آر داخل ڪري هڪ ڄڻي جاويد عباسي کي گرفتار ڪرڻ خلاف گوليمار آفيس ٻاهران ڪم ڇڏ هڙتال ڪري احتجاجي مظاهرو ڪندي ڌرڻو هڻي سخت نعري بازي ڪئي ان موقعي تي ملازمن جو چوڻ هو ته ڪجهه عرصو اڳ روهڙي ۾ ٿيل ڌماڪي ۾ انسانن جي شڪار ٿيڻ جو کين بي حد افسوس آهي پر اهو واقعو سوئي گئس جي لائين ليڪ ٿيڻ ڪري نه ٿيو هو بلڪي زوردار ڌماڪي سان جهڙي ريت نقصان ٿيو آهي ان مان لڳي ٿو ته اهو ڌماڪو بارودي مواد ڦاتڻ سبب ٿيو آهي ان لاءِ واقعي جي فوري ڀور جانچ ٿيڻ گهري هنن ٻڌايو ته روهڙي پوليس اڳ ۾ هن واقعي کي اتفاقي واقعو قرار ڏئي ڪيس داخل ڪيو هاڻي ڪجه جي چرچ تي گئس ملازمن ۽ آفيسرن خلاف ڪيس داخل ڪري زيادتي ڪري رهي آهي

سکر جي صرافه بازار ايسوسي ايشن جي صدر ۽ اسمال ٽريڊرز جي جنرل سيڪريٽري حاجي محمد جاويد ميمڻ چيو آهي ته بجلي جي ڊگهي بندش، ٽرانفسامر ناڪار ٿيڻ جي ڪري تجارتي سرگرميون ختم ٿي رهيون آهن. وقفي وقفي سان ٿيندڙ لوڊشيڊنگ جي ڪري صارفين ۽ واپاري احتجاج ڪرڻ تي مجبور آهن. پر سيپڪو انتظاميه حالتون بهتر بڻائڻ جي لاءِ ڪنهن به قسم جا قدم کڻڻ کان لنوائي رهي آهي. اهڙن خيالن جو اظهار هن صرافه بازار ۾ وڌيڪ ريڊنگ، ڊيڊيڪشن شده بجلي جا بل ارسال ڪرڻ، 4 ڏينهن کان ناڪاره ٽرانسفارمر درست نه ڪرڻ خلاف ڪيل احتجاج جي موقعي تي واپارين کي خطاب ڪندي ڪيو. ان موقعي تي ذاڪر ٻنڌاڻي، حافظ محمد صالح، بابو عبدالڪريم، شريف خان ۽ ٻيا عهديدار به موجود هئا. حاجي محمد جاويد ميمڻ ۽ ذاڪر ٻنڌاڻي خطاب ڪندي الزام عائد ڪيو ته سيپڪو انتظاميه جي غلط پاليسين ۽ ڪرپشن لڪائڻ جي لاءِ ڪيا ويندڙ اقدامن جي ڪري واپاري ۽ شهري شديد ذهني اذيت ۾ مبتلا آهن.