سکر

زرعي ترقياتي بئنڪ سکر جي زونل چيف سيد مجتبيٰ شاهه رضوي زونل آفيس ۾ پريس ڪانفرنس کي خطاب ڪندي چيو آهي ته زرعي بئنڪ پاڪستان جي واحد بئنڪ آهي جيڪا زراعت جي ترقي ۾ اهم ڪردار ادا ڪندي رڳو 8 سيڪڙو مارڪ اپ تي زرعي قرضا جاري ڪندي آهي. جڏهن ته پاڪستان کي خوراڪ ۾ خودڪفيل بڻائڻ ۾ زرعي بئنڪ جي صدر چوڌري ذڪاءُ اشرف جون بهترين قائدانه صلاحيتون ۽ بهترين حڪمت عملي جو نتيجو آهي. پريس ڪانفرنس جي موقعي تي زونل مينيجر ريڪوري رحمت الله شيخ ۽ مينيجر سکر برانچ عطا الله چاچڙ کان علاوه ٻيا اسٽاف ميمبر به موجود هئا. سيد مجتبيٰ شاهه وڌيڪ چيو ته جتي سڄي ملڪ ۾ بئنڪ تيزي سان ترقي ڪئي آهي اتي ئي سکر زون جي گروٿ ريڪوري جي حوالي سان سڄي پاڪستان ۾ ٽاپ تي آهي.

سکر(بيورورپورٽ) فيض گنج جي سينيئر سحافي حامد کنڊ جي گهر ۽ پلاٽ تي قبضي ڪرڻ بعد سندس چاچي پاران گهر ڀاتين سوڌو قتل جون ڌمڪيون ڏيڻ واري عمل جي سکر جي صحافين سخت لفظن ۾ مذمت ڪندي آرپي او،ڊي آءِجي ۽ ڊي پي او خيرپور کان مطالبو ڪيو آهي ته جوابدارن خلاف ڪاروائي ڪري صحافي کي گهر ڀاتين سوڌو تحفظ فراهن ڪيو وڃي ان ڏس ۾ انڊس يونين آف جرنلسٽ جو اجلاس رصوان صديقي جي صدارت هيٺ ٿيو جنهن ۾ عمر سومرو. فرحاد علي، احسان مستوئي، فريد سومرو، مهتاب انصاري ،اص ڊي مهر ۽ ٻين شرڪت ڪندي اختيارين کان فوري نوٽيس وٺڻ جي گهر ڪئي.

سکر(بيورورپورٽ) گهوٽڪي جي گيمڙو جي رهواسي عورت مسمات مريم زال عبدالمجيد چاچڙ پنهنجي گهر ڀاتين سان سکر ۾ سعيد سرهند روڊ تي احتجاج ڪندي ميڊيا کي دانهيو آهي ته سندس ڏير ڪاري قرار ڏئي قتل ڪرڻ چاهين ٿا ان ڏس ۾ تر جي وڏيري جرڳو ڪيو جنهن خلاف سنڌ هاءِ ڪورٽ سکر بينچ جو در کڙڪايو ويندو هن اعلي اختيارين کي تحفظ ۽ جوابدارن جي گرفتاري جي گهر ڪئي.

سنڌ جي وڏي وزير سيد قائم علي شاهه چيو آهي ته هاڻي ڪمشنري نظام ختم نه ٿو ٿي سگهي ڇو ته ان کي اسيمبلي بحال ڪيو آهي جيڪڏهن ان ۾ ڪا تبديلي جي ضرورت پئي ته اتحادين سان صلاح مشورا ڪيا ويندا باقي ڪمشنري نظام جي بحالي سان ترقياتي ڪم متاثر ڪونه ٿيندا اگر ڪٿي فنڊ ڪونهن ته آگسٽ جي پهرين هفتي ۾ فنڊ جاري ٿي ويندا سکر ايئرپورٽ تي ميڊيا سان ڳلهائيندي وڏي وزير وڌيڪ چيو ته ڪراچيءَ ۾ امن امان جي صورتحال بهتر ٿي رهي آهي جيڪا سمورين جمايتن ۽ عوام جي خواهش آهي ان لاءِ سڀ ڪنهن کي ڪردار ادا ڪرڻو پوندو هن چيو ته الطاف حسين پاران ڪراچي ۾ امن جي حوالي سان بيان سٺي ڳالهه آهي ان جي آجيان ڪريون ٿاڪراچي ۾ تارگيٽ ڪلنگ دوران گرفتار ڪيلن بابت قانون لاڳو ڪندڙ ادارا ڳڏيل طور جانچ ڪري رهياآهن

جماعت اسلامي ضلع سکر جي امير مولانا حزب الله جکرو چيو آهي ته مهانگائيءَ جي خاتمي مخلص قيادت ۽ خودانحصاري ممڪن آهي. آمرن جي بوٽ پاليش ڪرڻ وارن ۽ اين آر او جي تحت قائم ٿيندڙ حڪومت عوامي مسئلا حل ڪرڻ ۾ ناڪام ثابت ٿي آهي. اهڙن خيالن جو اظهار هن روهڙي ۾ استقبال رمضان جي پروگرام سان خطاب ڪندي ڪيو. هن وڌيڪ چيو ته جمهوري ۽ وڏي مينڊيٽ جو دعويٰ ڪرڻ واري حڪومت جعلي ووٽن جي ذريعي عوام مٿان مسلط ٿي آهي. موجوده حڪومت به اڳوڻن آمرن وارين پاليسين تي گامزن آهي. ملڪ ۾ بجلي جو بحران سان ملڪ معاشي طور تي مفلوج ٿي رهيو آهي.

سکر جي مختلف علائقن ۾ هائوسنگ سوسائيٽيز جي نالي تي لٽ مار جوو سلسلو جاري آهي دهلي مسلم سوسائٽي سميت ٻين سوسائيٽن ۾ مالڪي جا ڪاغذ کڻي صحيح ڪرائڻ لاءِ متاثر ماڻهو دربدر ٿيڻ لڳا پر سيڪريٽري سندن مسئلو حل ڪرڻ بجاءِ معاملي کي مسلسل اينگاهيندا پيا آچن ان ڏس ۾ متاثر شخص هادي بخش ٻڌايو ته دهلي مسلم سوسائٽي جي سيڪريٽري سڪندر آرائين ڏانهن گذريل ٽن مهينن کان پنڌ ڪري رهيو آهيان پر هو پلاٽ جي مالڪيءَ واريون رسيدون ڏيٻ کان لنوائيندي آسرا ڏئي رهيو آهي ذريعن وٽان معلوم ٿيو آهي ته 7 7 9 1 کان پوءِ ايريگيشن ،روينيو،ريلوي ۽ ميونسپل جي ايراضين کي ملائي قائم ڪيل سوسائيٽين ۾ پلاٽ خريد ڪرڻ کان پوءِ سوسائيٽين جي سيڪريٽرين قانون جي خلاف ورزي ڪندي ڪيترائي پلاٽ ڪينسل ڪري ٻين جي نالن تي غاغذن ۾ وڪرو ڏيکاريا آهن

ڏهرڪي جي رهواسي اسلم شيخ پنهنجي گهر واري مسمات وزيران ،۽ ڀينرن سان گڏ سکر جي سعيد سرهندي روڊ تي احتجاج ڪندي ميڊيا کي ٻڏايو ته ڪجهه مهينا اڳ منهنجي ويڳي ڀاءُ شاهنواز مون تي ڪارنهن جو ڪوڙو الزام هني گهر ڀاتين ۽ مون کي جان کان مارڻ جون ڌمڪيون ڏنيون علائقي جي بااثر شخصيت بنا سوچ سمجهه جي منهنجي ٻن ڀينرن کي ڏنڊ ۾ ڏيڻ جو فيصلو ٻڌايو اهڙي زيادتي ۽ ظلم خلاف آواز اٿارڻ تي جوابدارن اسان کي تشدد جو نشانو بڻايو ۽ پوليس سان گڏ هنن گهر جو قيمتي سامان ،ٻه مينهون کڻي ٻن ڀينرن کي ڏيڻ لاءِ چيو ۽ ڌمڪيون ڏئي فرار ٿي ويا وڏي مشڪل سان جان بچائي در در جا ڌڪا کائي لڪي رهيا آهيون

سکر(بيورورپورٽ) سکر جي اڳوڻي ايم وي اي ۽ پ پ اڳواڻ غلام قادر ڀٽو خلاف سندس ڀاءُ حسين بخش ڀٽو صحافين کي دانهيندي الزام هنيو ته هو سندس پيءُ جي ملڪيت مان ان جو حصو هڙپ ڪرڻ چاهي ٿو جنهن لاءِ هن مون کي خوف حراس ۾ مبتلا ڪري ڇڏيو آهي ۽ هن مون تي ڪوڙو ڪيس داخل ڪرائي بدنام ڪرڻ شروع ڪيو آهي هن اعلي اختيارين کي اپيل ڪئي ته کيس پيءُ جي ملڪيت مان حصو ڏياري ڪوڙا ڪيس ختم ڪرايا وڃن ۽ تحفظ فراهم ڪيو وڃي.

هڪ سال اڳ شڪارپور ۾ 0 1 محرم تي خودڪش بمبار کي روڪيندي زخمي ٿيل پوليس اهلڪار شبير احمد کي سکر پوليس هيڊڪوارٽر ۾ آءِ جي سنڌ واجد دراني سان نه ملڻ ڏنو ويو زخمي حالت ۾ آيل اهلڪار کي پنهنجي ئي پوليس جي اهڪارنادر علي ملڪاڻي ڌڪا ڏئي ڌمڪيون ڏنيون ته زوري اندر وڃڻ جي ڪوشش ڪيئي ته تنهنجي حالت وڌيڪ خراب ڪندس ان ڪري عزت سان واپس هليو وڇ متاثر اهڪار ميڊيا کي ٻڌايو ته هن مهل تائين ڪيرائي آپريشن ڪرائي چڪو آهيان هن هن مهل تائين پوليس کاتي پاران ڪا رقم ناهي ملي جنهن سبب سخت ڏکيائين کي منهن ڏئي رهيو آهي مون آءِ جي سنڌ جي سکر اچڻ جي خبر پئي ته کيس دانهڻ لاءِ آيس پر افسوس جو پنهنجن اهلڪارن به زيادتي ڪئي

آءِ جي سنڌ پوليس واجد علي دراني چيو آهي.سکر پوليس لائين هيڊڪوارٽر ۾ پوليس جي درٻار واري تقريب کي خطاب ڪندي چيو آهي ته سنڌ پوليس جي مسئلن جي حل لاءِ صدر پاڪستان 5 ارب روپين فراهم ڪرڻ جو واعدو ڪيو آهي جنهن سان جديد هٿيار ۽ گاڏيون خريد ڪيو وينديون جڏهن ته جلد هر پوليس اهلڪار جي پگهار ۾ في ڪس 4 هزار روپين جو اضافو ڪيو ويندو هن چيو ته ان سان گڏوگڏ هر هڪ ضلعي ۾ پوليس اهلڪارن جي رهائش لاءِ به سئو کان اڍائي سئو ايڪڙن تي ٻڌل ڪالوني جوڙيون وينديون ترت ٿاڻن ۽ رهائشي ڪوارٽرن جي مرمت لاءِ 10 ڪروڙ روپيا پڻ طلب ڪيا آهن هن چيو ته ڪراچيءَ ۾ ٽارگيٽ ڪلنگ ۾ 7 1 دهشتگرد گرفتار ڪيا ويا آهن. ۽ انهن وٽان وڏي تعداد ۾ اسلحو برآمد ڪيو ويو آهي. ۽ گرفتار دهشتگردن کان وڌيڪ تفتيش جاري آهي. ۽ انهن وٽان مليل معلومات مطابق وڌيڪ گرفتارين لاءِ مختلف علائقن ۾ پوليس ڇاپا هني رهي آهي.