سکر

سنڌ حڪومت پاران سنڌ جي انتظامي ورهاڱي کي سڄي سنڌ وانگر سکر ۽ ڀرپاسي جي عوام رد ڪري ڇڏيو. قومپرست سياسي، سماجي ڌريون سراپا احتجاج بڻجي ويون. سنڌ ترقي پسند پارٽيءَ پاران تير چوڪ کان گهنٽا گهر تائين احتجاجي ريلي ڪڍي ويئي. سکر سميت اندرون سنڌ جي شهرن ۾ مڪمل هڙتال، ننڍا وڏا شهر بند، ٽريفڪ روزاني جي معمول کان گهٽ هلندي رهي. پوليس جا قومپرستن جي گهرن تي ڇاپا، 0 3 کان وڌيڪ ڪارڪن گرفتار، اندرون سنڌ جي شهرن ۾ تجارتي ۽ ڪاروباري مرڪز ۽ پيٽرول پمپ بند، شهري زندگي مفلوج ٿي ويئي. سرڪاري آفيسن ۾ حاضري گهٽ رهي. هڙتال سبب اسڪول به بند، عوام ۾ سرڪار خلاف تاءُ ڪمشنري نِظام بحال ڪرڻ جي گهر خبر موجب حڪومت پاران سنڌ جي انتظامي ورهاڱي کي عوام رد ڪري ڇڏيو آهي. ڪراچيءَ ۽ حيدرآباد ۾ بلدياتي نظام ۽ ٻين ضلعن ۾ ڪمشنري نظام خلاف سنڌ جي قومپرست، سياسي، سماجي ڌريون سراپا احتجاج بڻجي ويون.

ڊپٽي ڪمشنر سکر سمير احمد سيد سکر ضلعي ۾ عام واهپي جي شين جا اگهه مقرر ڪري ڇڏيا آهن. تفصيل مطابق اٽو ايڪس مل 28 روپيه پر ڪي جي ، اٽو رٽيل 29 روپيه پر ڪي جي، اٽو رٽيل چڪي 30 روپيه پر ڪي جي ، اٽو رٽيل 290 روپيه في 10 ڪي جي بيگ، دال مسور لوڪل 148 روپيه پر ڪي جي، دال مسور ترڪي 100 روپيه پر ڪي جي ،دال منڱ اڻ ڌوتل 140 روپيه پر ڪي جي، چڻن جي دال پنجاب 76 روپيه پر ڪي جي، چڻن جي دال سنڌ 74 روپيه پرڪي جي ، بيسڻ 76 روپيه پر ڪي جي سڄا مرچ 220 روپيه پر ڪي جي، پيٺل مرچ 240 روپيه پر ڪي جي، اڇو جيرو 50 گرام 20 روپيه، ڪارو جيرو 50 گرام 50 روپيه، ڪارا مرچ 50 گرام 40 روپيه، وڏا ڦوٽا 50 گرام 140 روپيه، ننڍا ڦوٽا 50 گرام

سکر ۽ خيرپور وچ ۾ هڪ هوٽل تي بيٺل نيٽو جي آئل ٽينڪرن تي نامعلوم هٿياربندن جي فائرنگ، آئل ٽينڪرن کي باهه هٿياربند فرار ٿيڻ ۾ ڪامياب، 8 آئل ٽينڪر سڙي رک ٿي ويا. سکر ۽ خيرپور جون فائر برگيڊ واقعي واري هنڌ پهچي باهه تي قابو ڪيو. خبر موجب سومر جي رات سکر ۽ خيرپور جي وچ واري علائقي ڪرم آباد جي هڪ هوٽل تي بيٺل 8 نيٽو جي آئل ٽينڪرن تي نامعلوم هٿياربندن فائرنگ شروع ڪري ڏني. فائرنگ جي نتيجي ۾ آئل ٽينڪرن کي باهه وڪوڙي ويئي. ۽ ڏسندي ئي ڏسندي آئل ٽينڪر سڙي رک ٿي ويا. فائرنگ ڪندڙ هٿياربند کجين جي باغ مان فرار ٿي ويا. جڏهن ته باهه کي قابو پائڻ لاءِ سکر ۽ خيرپور جون فائر برگيڊ واقعي واري هنڌ پهتيون ان موقعي تي اي ايس پي خيرپور اقرار حسين ميڊيا کي ٻڌايو ته جهڙي طرح ملڪ اندر حالتون آهن.

سکر اسمال ٽريڊرز جي جنرل سيڪريٽري حاجي محمد جاويد ميمڻ حڪومت پاران پيٽروليم مصنوعات جي قيمتن ۾ اضافي تي گهري تشويش جو اظهار ڪندي ان کي عوام جي لاءِ حڪومت پاران رمضان المبارڪ جو تحفو قرار ڏنو آهي. پنهنجي دفتر ۾ حاجي شفيع عباسي، ذاڪر ٻنڌاڻي، غلام شبير ڀٽو، برڪت سولنگي، عبدالستار راجپوت، رحيم سيٺي ۽ ٻين سان ڳالهه ٻولهه ڪندي حاجي محمد جاويد ميمڻ جو چوڻ هو ته انتهائي افسوس جو مقام آهي ته هڪ پاسي حڪومت عوام کي رمضان المبارڪ ۾ کائڻ پيئڻ جون شيون سستي اگهن ۾ فراهم ڪرڻ جي دعويٰ ڪري رهي آهي ته ٻئي پاسي پيٽرول، گئس ۽ بجلي جي ريٽن ۾ اضافو ڪري حڪمرانن اهو ثابت ڪيو آهي ته انهن کي عوامي مسائلن سان ڪا به دلچسپي ناهي. وڌندڙ مهگانگائي، بيروزگاري جي دور ۾ پيٽروليم مصنوعات جي قيمتن ۾ اضافو سڌو سنئون غريب عوام کي متاثر ڪندو ۽ غربت جي لڪير کان هيٺ زندگي گذاريندڙ شهري فاقه ڪٽڻ تي مجبور ٿي ويندا. جنهن جي تمام تر ذميواري حڪمرانن تي عائد ٿئي ٿي. حڪومت هنگامي بنيادن تي عوام کي ريليف فراهم ڪرڻ جي لاءِ قدم کڻي حاليه قيمتن ۾ اضاو واپس وٺي واپارين ۽ شهرين ۾ ڦهليل بي چيني جو خاتمو ڪري.

سکر ڀرسان کوسن ۽ پنهور برادري ۾ جاري خوني تڪرار لاءِ ڪوٺايل جرڳي ۾ وفاقي ۽ صوبائي وزيرن جي موجودگي ۾نبيرو ٿي ويو آهي ٻنهي ڌرين مٿان ستر لک روپيا ڏنڊ خبر موجب گذريل ٻن مهينن کان سکر جي دبر ٿاڻي جي حد ۾ شروع ٿيل کوسن ۽ پنهور برادري وچ ۾ خوني تڪرار جي خاتمي لاءِ ڪالهه سکر جي سرڪٽ هائوس ۾ ڪيل جرڳي اندر ٻنهي ڌرين کي کير کنڊ ڪندي مٿن0 7 لک روپين جو ڏنڊ وڌو ويو آهي جنهن ۾ هن مهل تائين 9 ڄڻا بي دردي سان قتل ٿي چڪا آهن جرڳو اڳوڻي صوبائي وزير مير منظور خان پنهور جي سرپئنچي ۾ ٿيو جڏهن ته ان موقعي تي وفاقي وزير سيد خورشيد احمد شاهه، غوث بخش خان مهر،صوبائي وزير مير عابد خان جتوئي،ڊاڪٽر ابرهيم جتوئي،سردار مقيم خان کوسو،مير بابل خان ڀيو،سردار محمد علي خان پنهور ۽ ٻين شرڪت ڪئي متاثر ماڻهن جا بيان ٻڌڻ کان پوءِ في قتل جو ڏنڊ 5 لک روپيا مقرر ڪيو ويو

سنڌ لائرز فورم پاران سکر ۾ هڪ سيمينار بعنوان سنڌ جوڊيشري پاسٽ اينڊ پريذنٽ جو اهتمام ڪيو ويو سيمينار کي سنڌ جي سينئر ايڊووڪيٽ مقبول احمد اعوان، غلام شبير دايو، امان الله ملڪ، شمس الدين مولانا شهزادو ڊريهو سميت ٻين خطاب ڪندي چيو ته سنڌ اسيمبلي ۾ برصغير ۾ سڀ کان پهريان قيام پاڪستان جي قرارداد پاس ڪري آزاديءَ لاءِ سڀ کان پهريان علم بلند ڪيو. ۽ هاڻي به آزاد عدليه لاءِ سنڌ خاص طور سکر هر اول دستي جو ڪردار ادا ڪري رهيو آهي. وڪيل هاڻي به آزاد عدليه جي استحڪام لاءِ هر وقت تيار آهن ۽ چيف جسٽس آف پاڪستان افتخار چوڌري جي سڄي ملڪ ۽ قوم لاءِ کنيل قدم قدر جي نگاهه سان ڏسون ٿا ۽ خاص طور بئنچ ۽ بار ۾ رابطن جي اهي ڪوششون قابل تعريف آهن. هنن وڌيڪ چيو ته سنڌ عدالتون ماضي ۾ برصغير ۾ اعليٰ مقام رکن ٿيون. ۽ قيام پاڪستان کان پوءِ هي سنڌ جون عدالتون مثالي فيصلا ڪيا آهن.

سکر جي علائقي مائيڪرو ويو ڪالونيءَ ۾ جوابدار رسول بخش بروهي پنهنجي ڀيڻ 5 ٻارن جي ماءُ رحيمان بروهي سان ڪارنهن جو الزام مڙهيندي 6 2 سالن جي عبدالستار ولد شاهنواز بروهيءَ کي قتل ڪري ڇڏيو. قتل ٿيل نوجوان جي پيءُ شاهنواز ٻڌايو ته هڪ ڏينهن اڳ منهنجو پٽ ٽرڪ وڪرو ڪري آيو هو. جنهن وٽ هڪ لک رپين جي رقم هئي ۽ منهنجي پٽ کي بي گناهه قتل ڪيو ويو آهي. جڏهن ته ڪارنهن جي الزام هيٺ آيل 5 ٻارن جي ماءُ رحيمان بروهي نيوپنڊ ٿاڻي تي تحفظ لاءِ پهتي آهي. رحيمان بروهي چيو ته ڪارنهن جو الزام مون تي بي گناهه لڳايو پيو وڃي جڏهن ته ان معاملي جي مون کي خبر ئي ناهي.

حڪومت پاران يوٽيلٽي اسٽورز پاڪستان لاءِ رمضان المبارڪ پيڪيج لاءِ ڏنل ٻن ارب روپين جي سبسڊي سکر ۽ خيرپور ضلعن جي 0 1 1 اسٽورن تي گيهه، تيل، کنڊ، اٽو، چانور، مصالحه، چانهه، شربتن سميت ٻين شين جو اسٽاڪ پهچايو ويو آهي. عوام عام مارڪيٽ کان يوٽيلٽي اسٽورز تي سستي شيون خريد ڪري سگهي ٿو. ضلعي حڪومت جي تعاون سان رمضان بچت بازار ۾ موبائل يوٽيلٽي اسٽورز به شروع ڪيا ويندا. اسٽورز جي چيڪنگ جي لاءِ هيڊ آفيس پاران ويجنلس ۽ مانيٽرنگ ٽيمون تشڪيل ڏنيون ويون آهن. جيڪي ڪنهن اسٽور انچارج يا عملي پاران بدعنواني ، وڌيڪ پئسا وٺندي پڪڙيو ويو ته ان خلاف سخت ڪارروائي ڪئي ويندي. ۽ ايف آءِ آر درج ڪئي ويندي. اهڙن خيالن جو اظهار يوٽيلٽي اسٽورز ڪارپوريشن آف پاڪستان سکر ريجن جي ريجنل منيجر مولابخش مغل، يوٽيلٽي اسٽورز روهڙيءَ جي دوري دوران صحافين سان ڪيو. هن وڌيڪ چيو ته حڪومت پاران خصوصي رمضان پيڪيج تحت سکر، خيرپور ضلعن جي 0 1 1 اسٽورن تي کاڌي پيتي جي شين سميت ٻيون شين جو اسٽاڪ اسٽورن تي پهچايو ويو آهي.

ڊولپمنٽ ٽرسٽ ڪميونٽي امپرومنٽ(DTCE) جي ضلعي چيئرمين سيد ڪميل حيدر شاهه چيو آهي ته بلدياتي نظام جي ڪري سکر سميت سڄي ملڪ جي ڪروڙين عوام جا مسئلا گهر جي دروازي تي حل ٿيا. ماڻهن جو معيار زندگي بهتر ٿيو. موجوده حڪومت انگريز سامراج جو نظام بحال ڪري غريب عوام جي حق تي ڌاڙو هنيو آهي. جيڪڏهن موجوده حڪمرانن رڪاوٽ نه وڌي ته ترقياتي ڪم ڪرائي ڏيکارينداسين اهڙن خيالن جو اظهار هن بندر روڊ تي (DTCE) يونين ڪائونسل نمبر 3 پاران ڏنل آجياڻي کي خطاب ڪندي ڪيو سيد ڪميل حيدر شاهه جو چوڻ هو ته ماضي ريڪارڊ تي موجود آهي ته گذريل ڏهن سالن ۾ سکر سميت سڄي ملڪ جي ڏورانهن علائقن ۾ وڏي رقم سان ريڪارڊ ترقياتي ڪرام ڪرايا آهن. ۽ ان جو مثال گذريل 0 5 سالن جي دوران نٿو ملي. موجوده حڪومت بلدياتي نظام ختم ڪري ڪمشنري نظآم بحال ڪيو آهي ان جا انتهائي خراب اثر مرتب ٿيندا. ۽ ماڻهو پنهنجن مسئلن جي حل لاءِ افسرن جي تابي نظر ايندا. هن چيو ته لاهور سان تعلق رکندڙ ڊي سي سکر کي عوام جي مسئلن ۽ شهر جر ترقي لاءِ ڪهڙي دلچسپي ٿي سگهي ٿي هن چيو ته بلدياتي نظام جي بحاليءَ جي لاءِ دانيا عزيز سميت اعليٰ قيادت…

وفاقي وزير سيد خورشيد احمد شاهه چيو آهي ته سکر بندر وال جي متثرن کي معاوضو سياسيت کان بالاتر ٿي ادا ڪيو ويو آهي من پسند ماڻهن کي نوازڻ جي ڳالهين ۾ ڪا به صداقت ڪونهي بندر وال جي مرمتي ڪم جي دوري جي موقعي تي ميڊيا سان ڳالهائيندي هن چيو ته اسان ٻوڏ دوران سکر جي عوام سان جيڪو واعدو ڪيو هو سو پورو ڪيو ويو آهي هن آبپاشي عملدارن کي هدايت ڪئي ته هو جاري مرمتي ڪم کي مانيٽر ڪري معياري مٽيريل جو خيال ڪن هو ڪو عام ڪم ڪونهي پر ان سان انساني زندگين جو معاملو آهي ان تي ڪوبه سمجهوتو نه ڪيو ويندو ۽ ان ڏس ۾ ڪابه ڪوتاهي برداشت نه ڪئي ويندي ان موقعي تي ايم پي اي ڊاڪٽر نصرالله به موجود هو