سکر

مسلم ليگ فنڪشنل ضلع سکر جي اڳواڻ غضنفر شاهه موسوي چيو آهي ته مسلم ليگ پير سائين جي اڳواڻيءَ ۾ متحد ٿي چڪي آهي. ۽ سنڌ ۾ ڏينهون ڏينهن تيزيءَ سان فعال ٿي رهي آهي ۽ ڪيترائي ماڻهو مسلم ليگ فنڪشنل ۾ شموليت ڪري رهيا آهن. هن چيو ته سنڌ خلاف ٿيندڙ هر سازش کي ناڪام بڻايو ويندو ۽ سنڌ جي عوام جي حقن تي ڪنهن کي به داڙو هڻڻ ڪو نه ڏينداسون. هن چيو ته رمضان المبارڪ جي مهيني ۾ سکر شهر ۾ بجلي جي غير اعلانيل لوڊشيڊنگ ۾ اضافي کانپوءِ عوام تنگ ٿي چڪو آهي. جنهن سان ڪاروباري طبقي سميت غريب پورهيت بيروزگار ٿي رهيا آهن. شهر جي مختلف علائقن ۾ سڙي ويل ٽرانسفارمر سيپڪو انتظاميه ڪيترائي ڪيترائي ڏينهن گذرڻ جي باوجود تبديل ڪو نه ڪري رهي آهي. جنهن سان علائقي واسي گرمي کان تنگ ٿي ڪري روڊن تي نڪري احتجاج ڪرڻ تي مجبور ٿي چڪا آهن

تنظيم فڪر و نظر سنڌ جي زير اهتمام سنڌ اسلامڪ سينٽر ميناره روڊ سکر ۾ يوم آزادي جي تقريب وڏي جوش ۽ جذبي سان فڪر و نظر پبلڪ اسڪول ۾ ملهايو ويو. جنهن ۾ اسڪول جي شاگردن ۽ استادن شرڪت ڪئي. هن تقرب جي مهمان خصوصي سيڪريٽري جنرل تنظيم ۽ ايگزيڪٽو آفيسر انفارميشن ٽيڪنالاجي گهوٽڪي پروفيسر اصغر مجاهد مهر هئا. هن چيو ته پاڪستان هڪ عظيم ۽ بهترين اسلامي رياست آهي. هي الله تعاليٰ جو وڏو تحفو آهي. جيڪو اسان کي مليو آهي. جنهن جو اسان کي قدر ڪرڻ گهرجي. قائد اعظم محمد علي جناح جي ولوله انگيز قيادت ۽ برصغير جي مسلمانن وڏيون قربانيون ڏنيون هن جي نظرياتي ۽ جغرافيائي سرحدن جو تحفظ اسان تي فرض آهي. هن چيو ته باب الاسلام سنڌ 0 1 رمضان المبارڪ 3 9 هجري تي فتح ٿي هئي. ۽ پاڪستان جي آزادي به رمضان المبارڪ جي 7 2 تاريخ ۽ 4 1 آگسٽ 7 4 9 1 ع تي ٿي.

تيز برساتن جي اڳ ڪٿي باوجود سکر جي ضلعي انتظاميه پاران ڪمزور عمارتن ڏانهن ڪا به توجهه نه ڏني. شهر ۾ هن وقت ڪجهه ڪمزور عمارتون موجود آهن جيڪي ڪنهن به وقت وڏي حادثي جو سبب بڻجي سگهن ٿيون. مگر هن ڳالهه کان قطعي نظر تعلقه ميونسپل ايڊمنسٽريشن انهن زبون حال ۽ ڪمزور عمارتن کي خالي نه ڪرايو ويو ۽ نئين عمارتن جي مالڪن خلاف ڪنهن قسم جي ڪارروائي نه ڪئي ويئي آهي. جنهن سان شهرين ۾ خوف ۽ حراس ڦهليل آهي. بئراج روڊ تي واقع گلستان هوٽل جي هن وقت انتظاميه جي بي حسي جو تصوير بڻيل آهي. مذڪوره هوٽل جي ڪمزوري جو اندازو ان ڳالهه کان لڳايو وڃي ٿو ته ان جي ڇت جي هڪ هڪ سر ڪري چڪي آهي. ۽ ڇت ۾ موجود لوهه نظر اچي رهيو آهي

آزاد ڪشمير جي وزير اعظم چوڌري عبدالمجيد چيو آهي ته پيپلزپارٽي مظلوم عوام جي پارٽي آهي. ۽ پيپلزپارٽي جي باني شهيد قائد عوام پارٽي جو بنياد رکي ملڪ جي غريب عوام جي حقن لاءِ جدوجهد شروع ڪئي ۽ آمر آڏو ڪنڌ جهڪائڻ بدران شهادت ماڻي هميشه لاءِ امر بڻجي ويو. آزاد ڪشمير جو وزير اعظم مقرر ٿيڻ کان پوءِ ڳڙهي خدابخش ڀٽو شهيدن جي مزارن تي حاضر ڀرڻ کان اڳ سکر ايئرپورٽ تي ميڊيا سان ڳالهيون ڪندي ڪيون. هن وڌيڪ چيو ته پيپلزپارٽي آزاد ڪشمير جي چونڊن ۾ وڏي ڪاميابي ماڻي آهي. پيپلزپارٽي جي قيادت ملڪ کي ايٽمي طاقت فراهم ڪئي آهي ۽ ملڪ جي باني قائد اعظم محمد علي جناح ڪشمير کي پاڪستان جي شهه رڳ قرار ڏنو هو تنهن ڪري ڀارت کي کپي ته ڪشمير تان قبضو ختم ڪري ۽ ڪشميري عوام کي آزادي جو حق ڏنو وڃي

سنڌ جي وڏي وزير قائم علي شاهه چيو آهي ته سنڌ ۾ تازي برساتن سبب سنڌ جا 6 ضلعا بدين، مٺي، ميرپور خاص، ٽنڊو محمد خان، ٿرپارڪر، دادو، ضلعا وڌيڪ متاثر ٿيا آهن. ۽ تازو برساتن سبب 1 1 لکن کان وڌيڪ ماڻهو متاثر ٿيا آهن. برسات جي متاثر ماڻهن کي ريليف ڪيمپن ڏانهن منتقل ڪيو ويو آهي. جن ۾ ڪجهه ڏينهن اندر وطن ڪارڊ جاري ڪيا ويندا. اهڙن خيالن جو اظهار هن سکر ايئرپورٽ تي ميڊيا سان ڳالهه ٻولهه ڪندي ڪيو. هن وڌيڪ چيو ته موجوده برسات سبب بدين ضلعي کي تمام گهڻو نقصان پهتو آهي ۽ اٽڪل 0 4 هزار ماڻهو ريليف ڪيمپن ۾ پهتل آهن جن جي امداد جاري ڪئي آهي. ۽ بدين ضلعي جي گهرن ۽ فصلن جو جيڪو نقصان ٿيو آهي ان جو معاوضو ڏنو ويندو. هن چيو ته جيستائين سمورا متاثر پنهنجي گهر ڏانهن واپس نه ويندا. تيستائين سک جو ساهه نه کنيو ويندو

سکر اسمال ٽريڊرز جي ايڊيشنل سيڪريٽري برڪت علي سولنگي چيو آهي ته سپيڪو پاران رمضان المبارڪ جي مهيني ۾ بجلي جي ڊگهي لوڊشيڊنگ ۽ ٽرانسفارمر ناڪاره ٿيڻ ۽ مرمت جي نالي تي انتظاميه پاران عيد وصولي مهم تي گهري ڏک جو اظهار ڪندي سيپڪو انتظاميه کي متنبه ڪيوآهي ته 4 2 ڪلاڪن ۾ نئين پنڊ جي ناڪاره ٽرانسفارمر بهتر نه ٿيڻ جي صورت ۾ سيپڪو آفيس جو گهيراءُ ڪيو ويندو ۽ احتجاجي تحريڪ شروع ڪئيويندي. گذريل ڏينهن فياض بٽ، عرفان علي شاهه، افتخار عرف نومي، ڪاشف عباسي، لاله شاهين ۽ ٻين سان ڳالهه ٻولهه ڪندي برڪت علي سولنگي جو چوڻ هو ته گرمين جي موسم جي دوران شروع ٿيندڙ بجلي جي ڊگهي لوڊشيڊنگ ۽ ناڪاره ٽرانسفارمر جو سلسلو اڃان تائين جاري آهي.

ڊينگي بخار جي سلسلي ۾ عام ماڻهن ۾ سڄاڳي پيدا ڪرڻ جي حوالي سان هڪ سيمينار اي ڊي او هيلٿ سکر جي ڪانفرنس هال ۾ منعقد ڪيو ويو. ڊي او هيلٿ سکر ڊاڪٽرمحمد ادريس ميمڻ ڳالهائيندي چيو ته هن بيماري ۾ ڊيٿ جو ريشو گهٽ آهي پر جيڪڏهن ڊينگي بخار جي علاج ۾ دير ڪئي وئي ته هو تمام خطرناڪ ٿي ويندو آهي

سکر ۾ قومپرستن پاران پاران هڙتال واري سڏ کي ڀرپور موٽ هفتي ۾ ٻيو ڀيرو پ پ حڪومت خلاف ڪامياب هڙتال وهنوار ٺپ ،حڪومت کي قبلو درست ڪرڻ جو چتاءُ خبر موجب سنڌ جي قوم پرست ڌرين پاران جوڙيل سنڌ بچايو ڪميٽيءَ پاران سنڌ ۾ ڪمشنري جي خاتمي ۽ مقامي نظام جي بحاليءَ خلاف جيئي سنڌ محاذ، جسقم ،سنڌ ترقي پسند پارٽي جيئي سنڌ تحريڪ ، عوامي تحريڪ سميت سنڌ جي قومپرست سياسي، سماجي ڌريون سراپا احتجاج بڻجي ويون. سکر جا سمورا ڪاروباري مرڪز بند رهيا روڊ تي ٽريفڪ معمول کان تمام گهٽ رهي ان سان گڏوگڏ، روهڙي، پنوعاقل، گهوٽڪي، ڏهرڪي، ميرپور ماٿيلو، اوٻاوڙو، ڪنڌرا، صالح پٽ، جروار، مبارڪ پور، خيرپور، پير جو ڳوٺ، پريالو، ڳاڙهي موري، سيٺارجه، هنڱورجه، راڻيپور، گمبٽ سميت ننڍن وڏن شهرن ۾ مڪمل شٽر بند هڙتال رهي ۽ شهرن ۾ ڪاروباري ۽ تجارتي مرڪز ۽ پيٽرول پمپ به بند رهيا. جڏهن ته سرڪاري آفيسن ۾ حاضري تمام گهٽ رهي

جمعيت علماءِ اسلام سنڌ جي سيڪريٽري جنرل ڊاڪٽر خالد محمود سومري، قاري محمد عثمان، محمد اسلم غوري، حاجي عبدالمالڪ ٽالپر ۽ ٻين پنهنجي گڏيل بيان ۾ سنڌ ۾ اوچتو ڪمشنري نظام جي بحالي ۽ پوءِ واپسي ڪري سنڌ جي عوام سان مذاق قرار ڏيندي هنن چيو ته پيپلزپارٽيءَ جي حڪومت جي مثال ائين آهي جيئن ٻار جي هٿ ۾ رانديڪو آهي. ۽ ان سان کيڏي رهيا آهن. هنن چيو ته ڪمشنري نظام جي بحالي سنڌ جي عوام جي مفاد ۾ نه بلڪي متحده جي حڪومت کان عليحدگيءَ جو ثمر هو. هنن چيو ته حڪمران سنڌ جي تمام معاملا عوام جي نالي تي استعمال ڪندا آهن. مگر اصل ۾ اهي پنهنجا ذاتي مفادن جا تابع آهن. هنن چيو ته وسيع تر قومي مفاد تحت ڪراچيءَ ۾ هزارين ماڻهن جو قتل ٿي چڪو آهي ۽ قاتل گرفتار نه ٿيندا آهن.

)سکر جي سائيٽ ايريا لڳ قائم ڳوٺ ڪريم بخش شيخ جي رهائشي نوجوان جو قريشي ڳوٺ ڀرسان سنڌو درياءَ مان لاش هٿ، مقتول کي ٻن کان پوءِ نامعلوم هٿياربندن گوليون هڻي قتل ڪري ڇڏيو، نوجوان جو لاش پوسٽ مارٽم بعد ايڌي سينيٽر لاش کي دفنائي ڇڏيو. خبر موجب سکر جي سائيٽ واري علائقي ۾ قائم ڳوٺ ڪريم بخش شيخ جي رهائشي 19 سالن جو نوجوان نادر علي شيخ کي ٻه ڏينهن اڳ نامعلوم ماڻهن فون ڪري گهرايو هو ۽ مقتول نوجوان ٻه گهر کان غائب رهڻ کان پوءِ نوجوان کي نامعلوم هٿياربندن گوليون هڻي قريشي ڳوٺ ڀرسان سنڌو درياءَ جي ڪناري تي اڇلائي ڇڏيو. مقتول نوجوان جو لاش سول اسپتال سکر مان پوسٽ مارٽم بعد ايڌي سينٽر سکر لاش کي وارث قرار ڏيئي دفنائي ڇڏيو.