سکر

جي يو آءِ جي قائد ۽ قومي ڪشمير جي چيئرمين مولانا فضل الرحمان پاران سنڌ ۾ ٿيندڙ شديد برساتن جي نتيجي ۾ ٿيڻ واري وڏي پيماني تي جاني ۽ مالي نقصان تي گهري ڏک جو اظهار ڪندي چيو آهي ته سڄي ملڪ جي عوام ۽ ڪارڪنن سان گڏوگڏ پوري دنيا جي مسلمانن کي اپيل آهي ته هو سنڌ جي مصيبت ۾ ڦاٿل ماڻهن جي ڀرپور مدد ڪن. مولانا فضل الرحمان اها اپيل جي يو آءِ سنڌ جي سيڪريٽري جنرل سينيٽر ڊاڪٽر خالد محمود سومرو سان ٽيليفون تي گفتگو ڪندي ڪئي. فضل الرحمان چيو ته سنڌ جا ماڻهو گذريل سال ٿيندڙ تباهه ڪن ٻوڏ جي اثر مان اڃان نڪتا ئي ناهن ته تازو برساتن انهن جي وڌيڪ مشڪلاتن ۾ اضافو ڪري ڇڏيو آهي. جي يو آءِ سنڌ جي پريس ترجمان مولانا عبدالحق مهر پاران جاري ڪيل بيان مطابق مولانا فضل الرحمان حڪومت تي به سخت تنقيد ڪندي چيو آهي ته حڪومت جي نااهلي آهي ته اها اڃا صحيح نموني سان برسات جي متاثرن جي مدد نه ڪري سگهي آهي ۽ نه ئي برسات جي ٿيندڙ نقصان جو صحيح اندازو پيش ڪري سگهي آهي.

سکر ۽ گڊو وٽ سنڌو درياءَ ۾ ننڍي ٻوڏ جو سلسلو شروع ٿي ويو آهي. ٻنهي بئراجن تي به مسلسل پاڻيءَ ۾ اضافو ٿي رهيو آهي. جڏهن ته گڊو بئراج تي پاڻيءَ جو وهڪرو 2 لک 8 4 هزار 5 2 5 ڪيوسڪ ۽ سکر بئراج تي 2 لک 5 5 هزار 0 6 ڪيوسڪ ۽ ڪوٽڙي بئراج تي وهڪرو 0 7 هزار 1 6 7 ڪيوسڪ ريڪارڊ ڪيو ويو آهي. ايندڙ 2 1 ڪلاڪن اندر گڊو بئراج تي وڌيڪ پاڻي جو ريلو پهچندو. ۽ آبپاشي کاتي پاران ايمرجنسيءَ جو اعلان ڪيو ويو آهي. جنهن ڪري آبپاشي کاتي جي عملدارن کي هاءِ الرٽ رهڻ جو حڪم جاري ڪيا ويا آهن. سکر بئراج مان نڪرندڙ رستن ڪينالن کي ايمرجنسي طور بند ڪيو ويو آهي. جنهن ڪري وڌيڪ ڳوٺن يا فصلن کي نقصان نه پهچي سگهي، پنجاب ۽ خيبر پختونخواه ۾ هلندڙ برساتن سبب پاڻي ۾ اضافو ٿيڻ سبب وچولي ٻوڏ جو ايندڙ ڪجهه ڏينهن ۾ امڪان آهي. جنهن ڪري سنڌو درياءَ جي ڪناري تي آباد ڳوٺ ۽ گهرن سميت ڪچي جي علائقن کي شديد خطرو لاحق ٿي سگهي ٿو ۽ ڪجهه حفاظتي بندن تي به ٻوڏ جي پاڻيءَ جو دٻاءُ ٿي سگهي ٿو

) ايس ايس پي سکر ثاقب اسماعيل ميمڻ پنهنجي آفيس ۾ پريس ڪانفرنس ڪندي ميڊيا کي ٻڌايو آهي ته سکر پوليس مختلف واقعن ۾ 8 2 ڏوهارين، 5 2 1 روپوش ۽ 4 1 اشتهاري جوابدارن کي گرفتار ڪري ورتو آهي ۽ انهن جي قبضي مان 2 ڪلاشنڪوف، 6 بغير لائسنس گن، هڪ رائفل، 5 1 پسٽل، 3 ريوالور ۽ وڏي تعداد ۾ گوليون برآمد ڪري ورتيون آهن. هن وڌيڪ چيو ته پوليس 5 موٽر سائيڪلون ۽ 2 ٽريڪٽر ٽرالي به برآمد ڪري ورتيون. ان کان علاوه سکر ۾ منشيات فروشن خلاف ڪارروائي ڪندي اعليٰ ڪوالٽي جو 4 ڪلو 5 2 6 گرام چرس ۽ 2 9 بوتلون شراب جون برآمد ڪيون آهن.جنهن جي قيمت لکين روپيا ٻڌائي وڃي ٿي. هن چيو ته 17 آگسٽ تي پوليس پڪٽ ڪوڙو خان ڪورائي نيشنل هاءِ وي روڊ تي هٿياربندن حملو ڪري محمد علي بلو کي شهيد ڪري 2 رائفلون جي ٿري ڦري فرار ٿي ويا

جي يو آءِ جي مرڪزي امير ۽ قومي ڪشمير ڪاميٽي جي چيئرمين مولانا فضل الرحمان چيو آهي ته سامراجي طاقتون عالم اسلام جي وسلن تي قبضو ڪرڻ جي جنگ وڙهي رهيون آهن. ليبيا کان پوءِ ڪنهن چوٿين اسلامي ملڪ کي نشانو بڻائڻ جون تياريون ڪيون وڃن ٿيون پر اسان جا حڪمران آمريڪا جي پوڄا پاٽ ۾ مگن آهن. امت مسلمه بيدا ٿي وڃي. اهڙن خيالن جو اظهار هن گذريل ڏينهن پنهنجي اباڻي ڳوٺ عبدالخيل ۾ جي يو آءِ سنڌ جي اڳواڻن مولانا عبدالحق مهر ، مولانا عبدالڪريم عباسي، مولانا غلام علي، قاري عبدالغفار سومرو، مولانا سعود افضل هاليجوي ۽ ٻين جي اڳواڻيءَ ۾ ملندڙ الڳ الڳ وفد سان ڳالهه ٻولهه ڪندي ڪيو. سکر ۾ جي يو آءِ جي پريس ترجمان پاران جاري ٿيندڙ هڪ بيان جي مطابق مولانا فضل الرحمان وڌيڪ چي ته پاڪستان جي خلاف به گهري سازشون ڪيون وڃن ٿيون. ۽ پاڪستان جو گهيرو تنگ ڪرڻ جون ڪوششون ڪيون وڃن ٿيون. افغانستان کان پوءِ پاڪستان کي انتها پسندي جو ڳڙهه قرار ڏيڻ ان جو ثبوت آهي.

سکر جي مختلف علائقن ۾ ٽرانسفامر سڙڻ ۽ خراب ٿيڻ جو سينيٽر اسلام الدين شيخ نوٽيس وٺندي نئون ٽرانسفارمرز جي خريداريءَ لاءِ پنهنجي ۽ نعمان اسلام شيخ جي خصوصي فنڊ مان 2 ڪروڙ روپيا جاري ڪرڻ جو اعلان ڪيو آهي. جنهن مان نوان 8 3 ٽرانسفارمر خريد ڪري سگهبا. هي ڳالهه هن سکر هائوس ۾ جيئڻ ڏيو سول سوسائٽي سکر جي آرگنائيزر سيد ذيشان بخاري جي اڳواڻيءَ ۾ ملندڙ هڪ وفد سان ڳالهه ٻولهه ڪندي ڪئي. اسلام الدين شيخ جو چوڻ هو ته ترانسفارمرن جي خرابي ۽ ان جي نتيجي ۾ بجلي معطل ٿيڻ جي ڪري شهرين کي درپيش مشڪلاتن جو احساس آهي شهرين جي انهن مشڪلاتن کي ڏسندي نئون ٽرانسفارمرن جي خريداريءَ جي لاءِ پنهنجي ۽ نعمان اسلام شيخ جي خصوصي فنڊ مان ٻه ڪروڙ روپيا ڏيڻ جو فيصلو ڪيو آهي.

)سکر لڳ نارا ڪئنال مان 2 واڳون نڪري آيا ،هڪ واپس ته ٻيو مارجي ويو خبر موجب ڪالهه سکر جي صالح پت ويجهو ڳوٺ نبي بخش وٽ نارا ڪئنال مان 2 واڳئون پاڻي جي ڳوٽ ۽ بک جي ڪري ٻاهر نڪري آيا هڪ واڳون ماڻهن کي ڏسي واپس ڪئنال ۾ هليو ويو ته ٻئي 9 فٽن جي واڳون هڪ ٻڪري کي پنهنجي خوراڪ بڻائي ڇڏيو بعد ۾ ڳواٺاڻن مڙسي سان واڳون کي سوگهو ڪري ماري ڇڏيو اطلاع تي جهنگلي جيوت کاتي جي عملي پهچي واڳون پنهنجي قبضي ۾ آندو جنهن جا جزا ڪڍي ليبارٽري ڏانهن اماڻيا ويا جن موجب واڳون کي مارڻ سندن قانون ۾ ڏوهه آهي

برسات بعد سنڌو درياهه ۾ پاڻي جو چاڙهه ،ڪچي طرف پاڻي وڌڻ لڳو،گڊو ۽ سکر وٽ سطح بلند،ڪيترائي بند اڃان مظبوط نه ٿيا ۽ نه ئي سکر بندر وال جو ڪم مڪمل ٿي سگهيو خبر موجب گذريل ڪجه ڏينهن کان ملڪ سميت سنڌ اندر لاڳيتو پوندڙ برسات بعد سنڌو درياهه ۾ پاڻي جي چاڙهه ۾ مسلسل اضافو ٿي رهيو آهي گذريل 4 2 ڪلاڪن ۾ گڊو بئراج وٽ 2 6 هزار ڪيوسڪ پاڻي وڌڻ ڪري هيٺين درجي جي ٻوڏ ريڪارڊ ڪئي وئي آهي ۽ ڪچي ۾ به پاڻي لاڳيتو وڌي رهيو آهي گذريل سال جي ٻوڏ بعد هاڻي تائين سنڌ ۾ ڪيترائي دريائي ۽ واهن جي بندن کي مضبوط ڪرڻ وارو ڪم اڃان تائين مڪمل ناهي ٿي سگهيو ۽ سکر بندر وال جو ڪم به سستي سان اڳتي وڌي رهيو آهي جنهن ۾ چونڊيل نمائندن جي ڪميشنن جي ڪري ناقص مٽيريل جي استعمال جي شڪايتن باوجود سنڌ سرڪار ڪوبه ايڪشن ناهي ڪيو جنهن ڪري چونڊيل نمائندن جي منشين ۽ عزيزن کي ڪنهن به قسم جو ڪو فڪر ڪونهي

سنڌ ۾ وڌيڪ صنعتي مرڪزن جو ڄار وڇايو ويندو جڏهن ته مختلف علائقن جي صنعتڪارن سان صنعتي مرڪزن جي قائم ڪرڻ جي سلسلي ۾ سيڙپ لاءِ پڻ ڳالهه ٻولهه ڪئي پئي وڃي. اهڙو اظهار مينيجنگ ڊائريڪٽر سنڌ سمال انڊسٽريز ڊاڪٽر سروت فهيم سکر سرڪٽ هائوس ۾ ميڊيا سان ڳالهائيندي ڪيو. هن وڌيڪ چيوته سنڌ ۾ صنعتي مرڪزن جي قائم ٿيڻ سان علائقي واسين جي لاءِ روزگار جا موقعا پيدا ٿيندا جڏهن ته صوبي اندر معاشي سرگرمين کي پڻ هٿي ملندي. ميڊيا جي نمائندن جي مختلف سوالن جا جواب ڏيندي ايم ڊي ڊاڪٽر سروت فهيم ٻُڌايو ته ماحولياتي پهلوئن کي نظر ۾ رکندي صنعتڪارن سان صنعتي مرڪزن جي قائم ڪرڻ لاءِ ڳالهه ٻولهه هلي رهي آهي جڏهن ته صوبي اندر امن امان ، بجلي، گيس ۽ حد دخلين جي ڪري ماضي ۾ صنعتي مرڪز قائم نه ٿي سگهيا

)سکر شهر جي حفاظتي ديوار بندر وال ڪيترن ئي هنڌن تان حفاظتي ديوار کي مڪمل ڊاهي ڪري پٽ ڪيو ويو تازو ملڪ اندر چوماسي جي پوندڙ برساتن سبب سنڌو درياءَ ۾ پاڻي ۾ چاڙهه آيو ته سکر شهر کي خطرو لاحق ٿي سگهي ٿو. سنڌ جي ٽئين نمبر وڏي شهر سکر جي حفاظت لاءِ قائم ديوار بندر وال تان حڪومت قبضا ختم ڪرائي رهواسين کي 0 7 ڪروڙ روپيا معاوضو ادا ڪري رهواسين کي ٻئي هنڌ منتقل ڪيو ويو ۽ انتظاميه پاران سکر شهر کي امڪاني ٻوڏ کان بچائڻ لاءِ حفاظتي ديوار جو مرمتي ڪم شروع ڪيو ويو هو جيڪومقرر وقت اندر مڪمل نه ٿي سگهيو آهي.

جيئي سنڌ محاذ سکر ڊويزن جو اجلاس پارٽيءَ جي مرڪزي جنرل سيڪريٽري خان محمد ڀيو جي صدارت ۾ ٿيو. اجلاس ۾ پارٽيءَ جي تنظيمي ۽ سنڌ ۽ علائقائي سياسي صورتحال جو تفصيلي جائزو ورتو ويو. ان موقعي تي خان محمد ڀيو خطاب ڪندي چيو ته حڪمرانن ساڍن ٽن سالن ۾ ڪرائيم ڪرپشن ۽ نااهليءَ جا ريڪارڊ ٽوڙي ڇڏيا آهن. هڪ طرف مفاهمت جي نالي ۾ سنڌ جي دولت ۽ وسيلن کي حصا پتيون ڪري لٽي رهيا آهن ته ٻي طرف پنهنجن کسيس مفادن خاطر ۽ اقتدار جي حواس ۾ سنڌ جي قومي وحدت کي خطري ۾ وجهي سنڌ جي غيرت جو سودو ڪري رهيا آهن. هن چيو ته گزريل سان هٿرادو ٻوڏ آڻي سنڌ جي ٻه ڪروڙ ماڻهن کي دربدر ڪري روڊن تي ويهاريو ويو