سکر

جمعيت علماءِ اسلام سنڌ جي سيڪريٽري جنرل ڊاڪٽر خالد محمود سومرو چيو آهي ته نيٽو سپلاءِ جي بحالي قوم جي بدحالي ثابت ٿيندي، بحالي جي خلاف قوم اسلام آباد جي طرف مارچ ڪندي، حڪمرانن جو يوم حساب ويجهو اچي رهيو آهي، حڪومت جو احتساب عوام ڪندي، اهڙن خيالن جو اظهار جي ٽي آءِ سنڌ جي اڳواڻ محمد اعظم مهر جي مدرسه بعت المصور عثمانيه پراڻي سکر ۾ ڪيو، هن چيو ته ملڪ هن وقت نازڪ ترين دور مان گذري رهيو آهي، اسان جا حڪمران آمريڪي خودشنودي حاصل ڪرڻ لاءِ ڪافي اڳتي نڪري چڪا آهن، آمريڪا افغانستان ۾ جنگ هارائي چڪو آهي ۽ نڪرڻ جون تياريون ڪري رهيو آهي، اسان جا حڪمران آمريڪي پاليسين تي عمل ڪري ملڪ کي بجلي، گيس، پيٽرول، ڊيزل ۽ مهانگائي جي بحران ۾ مبتلا ڪري ڇڏيو آهي، حڪومت جي آمريڪي پاليسي تي عمل ڪري 8 9 ارب ڊالرن جو نقصان کڻڻو پئجي رهيو آهي، جنهن جو سڌو سنئون اثر ملڪ جي عوام تي پئجي رهيو آهي

صوبائي وزير ثقافت سسئي پليجو سنڌ اندر آرٽس ڪائونسل قائم ڪري رهيا آهيون ۽ 15 نيون لائبريريون آڻي رهيا آهيون، سکر جي عوام کي به آرٽس ڪائونسل ڏئي رهيا آهيون جنهن ۾ ميوزيم حال، آڊيٽوريم ميوزيم اڪيڊمي به هوندي، اهڙن خيالن جو اظهار هن آرٽس ڪائونسل جي هلندڙ ترقياتي ڪم جو معائنو ڪرڻ دوران ڪيو، هن وڌيڪ چيو ته سکر ۾ تعمير ٿندڙ آرٽس ڪائونسل 8 ڪ روڙ 10 لکن روپين جو منصوبو آهي ۽ ان جي سکر ۾ سخت ضرورت هئي جنهن کي 2013 جي جون تائين مڪمل ڪيو ويندو، سکر ۾ تعمير ٿيندڙ آرٽس ڪائونسل هال جو نالو مرحوم نالي وارن صحافين ۽ ليکڪ رشيد ڀٽي يا مولائي شيدائي جي نالي سان منسوب ڪيو ويندو، هن چيو ته جيڪي آرڪيالوجي جڳهون آهن انهن جي کوٽائي ڪئي آهي ۽ انهن تي وڌيڪ ڪم ڪرڻ جي ضرورت آهي ۽ ايندڙ بجيٽ ۾ وڌيڪ فنڊ رکنداسون ۽ ان لاءِ اسان نئين پاليسي آڻي رهيا آهيون

جماعت اسلامي جي مرڪزي جنرل سيڪريٽري لياقت بلوچ چيو آهي ته وقت کان اڳ چونڊون ڪرائڻ ۾ آئين نه حڪمرانن جي نيت رڪاوٽ آهي اپوزيشن نيون چونڊون ڪرائڻ تي متفق آهي ڇو ته اٽو، لٽو ۽ اجهو جو نعرو هڻڻ وارن عوام جو جيئڻ ناممڪن بڻائي ڇڏيو آهي، اهڙن خيالن جو اظهار هن پيرپاڳاري جي وفات تي تعزيت بعد ميڊيا سان ڳالهه ٻولهه ڪندي ڪئي، هن وڌيڪ چيو ته نيٽو سپلاءِ هاڻي ڪنهن به طور تي بحال نه ٿيڻ کپي، دهشتگردي خلاف نام نهاد جنگ ۾ اسان الاهي ڪجهه وڃائي چڪا آهيون ۽ وڏيون قربانيون ڏنيون پر انهن جي بدلي ۾ ڪجهه نه مليو آهي، هن چيو ته اسان هاڻي جنرل پرويز مشرف جي پاليسين کان ٻاهر اچڻ گهرجي ۽ عوام جي مرضي مطابق پاليسيون ٺاهڻ کپن

پنجاب جي وزيراعليٰ ميان شهباز شريف چيو آهي ته وزير اعظم جي قومي اسيمبلي ۾ بيان وارو معاملو اهو ڄاڻي ۽ سپريم ڪورٽ اڄ نئين پير پاڳاري سان مسلم ليگ جي اتحاد جي حوالي سان ڳالهه ٻولهه ٿي آهي مون کي اميد آهي ته هو پنهنجي پيءُ جي نقش قدم تي هلندو مان پنجاب جي عوام پاران پير پاڳاري کي خراج عقيدت پيش ڪرڻ آيو آهيان ڇو ته هو محب وطن پاڪستاني هو هن هميشه پاڪستان لاءِ ڪم ڪيو پير صبغت الله شاهه راشدي سان تعزيعت بعد ميڊيا سان ڳالهائيندي شهباز شريف چيو ته ملڪ ۾ ڪرپشن و راڄ آهي هر طرف اوندهه نظر پئي اچي اهڙي صورتحال ۾ عوام کي سوچي سمجهي ملڪ جي بقا ۽ ڀلائي لا ءِ ڪوششون وٺڻيون پوندي اسان ملڪ جي ترقي لاءِ جدوجهد ڪري رهياآهيون.

عوامي تحريڪ جي سربراهه رسول بخش پليجو چيو آهي ته ميمو ۽ اين آر او ڊراما آهن جن جي وسيلي عوام کي بي وقوف بڻايو پيو وڃي ،ملڪ ۾ هن وقت زيرو زيرو جي گيم هلي رهي آهي موجودهه سياست سان ملڪ کي ڪوبه فائدو نه ٿيندو سکر ۾ شاهه عبدالطيف ڀٽائي جي حوالي سان ٿيل تقريب کي خطاب ڪندي هن چيو ته لطيف جي مشن تي هلي نئين دنيا قائم ڪري سگهون ٿا ان جي شاعري ۾ ڪردار آهي هو هڪ تحريڪ ۽ هلچل جو نالو آهي جنهن پنهنجي شاعري ۾ مظلوم طبقي ۽ عورتن سان ٿيندڙ ظلم کي وائکو ڪيو ان موقعي تي ادل سومرو،برڪت بلوچ،سچل ڀٽي ۽ ٻين خطاب ڪيو

سنڌ جي وزير داخلا منظور وساڻ چيو آهي آهي ته سينٽ جون چونڊون هر حال ۾ مارچ اندر ٿينديون جنهن لاءِ نامزدگي فارم جا ڪاغذ فيبروري ۾ جمع ڪرايا ويندا سکر ايئرپورٽ تي ميڊيا سان ڳالهائيندي هن چيو ته اسان ادرن وچ ۾ ٽڪراءَ نه ٿا چاهيون ڇوته ادار مظبوط هوندا ته جمهوريت هلندي ڪراچي ۾ امن قائم آهي ٻه ڪروڙ آبادي ۾ ضرور جهيڙا جهٽا به ٿيندا هوندا جڏهن ته اغوا جي وارداتن ۾ پڻ گهٽتائي ٿي آهي هن چيو ته منهنجي ڪوشش آهي ته سنڌ پوليس جون پگهارون به پنجاب پوليس جيتريون ٿين مون آفيسرن کي هدايت ڪئي آهي ته هو پنهنجي ڪارڪردگي کي ميڊيا آڏو ظاهر ڪن هن چيو ته اسان عوام جي جان ۽ مال جي تحفظ لاءِ قدم کڻي رهيا آهيون.

سنڌ پيپلز يوٿ (شهيد ڀٽو) سکر شهيد مير مرتضيٰ ڀٽو جي بهادر ساٿي ۽ ڀٽو خاندان جو وفادار سپاهي شهيد علي محمد سونارا جي اٺين ورسي جتوئي هائوس بچل شاهه مياڻي سکر ۾ ملهائي وئي، قرآن خواني بعد لنگر تقسيم ڪري شهيد جي ايثال ثواب لاءِ دعا گهري وئي. ان موقعي تي يوٿ (شهيد ڀٽو) سينيئر نائب صدر دلمراد جتوئي، محمد عيدن جتوئي، ايڊووڪيٽ علي رضا بلوچ، ياسين احمد، توفيق جتوئي، حماد گل، عمران سولنگي، سعيد جتوئي، علي مراد مهر، عبدالرزاق ڀارو ۽ ٻين اڳواڻن خطاب ڪندي چيو ته شهيد علي محمد سونارا شهيد مير مرتضيٰ ڀٽو جو بهادر ۽ وفادار ساٿي هو ۽ ڀٽو خاندان سان مرڻ گهڙي تائين نڀائيندو رهيو، هن شهيد قائد مير مرتضيٰ سان گڏ غريب هارين مزدورن، شاگردن لاءِ جدوجهد ڪئي، هن کي ان دور ان ڪيترائي ڀيرا جيلن ۾ رکي تشدد ڪيو ويندو هو

ابڙو برادري جي چيف سردار همٿ علي ڪماريو پير صاحب پاڳري جي وفات تي گهري ڏک ۽ افسوس جو اظهار ڪيو آهي، هڪ تعزيتي بيان ۾ همت ڪري ڪماريو چيو ته ملڪ جي جمهوريت جي فروغ آمريت جي خلاف پير سائين پاڳاري جي ڪردار کي خراج عقيدت پيش ڪريون ٿا ۽ پاڪستان جي لاءِ پير صاحب جون قربانيون فراموش نٿيون ڪري سگهجن، پير صاحب نهايت بردبار، پرعظم بهادر سان گڏوگڏ شفيق انسان هو. انهن پير سائين جي گهرن وارن سان تعزيت ۽ همدرديءَ جو اظهار ڪرڻ سان گڏ چيو ته مون سان گڏ ابڙا برادري جا فرد هن غم ۾ برابر جا شريڪ آهن.

پ پ سکر طرفان اين آر او بابت فيصلي خلاف سکر ۾ احتجاجي ريلي ڪڍي ڪارڪنن نعري بازي ڪئي سکر هائوس کان سيڳد سرهندي روڊ تائين نڪتل ريلي کي ايم اين اي نعمان اسلام شيخ،سيد اويس شاهه،مشتاق سرهيو،ڊاڪٽر ارشد مغل ۽ ٻين خطاب ڪندي چيو ته سمورين سازشن باوجود عوام اڄ به پ پ سان گڏ آهي اسان شهيد محترمه جو ميڊيا ٽرائل نه ٿيڻ ڏينداسين ان لاءِ ڪيتريون به قربانيون ڇو نه ڏيڻيون پون ڏينداسين اڳواڻن چيو ته پ پ حڪومت عوام جي ڀلي لاءِ جدوجهد ڪري رهي آهي ۽ ڪندي رهندي بعد ۾ نعمان شيخ جي صدارت هيٺ سکر هائوس ۾ اجلاس ٿيو جنهن ۾ ڪارڪنن جي وڏي انگ صدر آصف زرداري ۽ وزيراعظم سيد يوسف رضا گيلاني تي مڪمل اعتماد جو اظهار ڪيو ويو

سکر غلام محمد مهر ميڊيڪل ڪاليج جي شاگردن ۽ شاگردياڻين وائيس چانسلر ۽ ڪاليج انتظاميا خلاف سکر ريلوي اسٽيشن ڀرسان روڊ بلاڪ ڪري ڌرڻو هڻي سخت نعري بازي ڪئي ۽ ٽائرن کي باهه ڏني ان موقعي تي سندن چوڻ هو ته 4 سال گذري ويا آهن پر اڃان تائين ڪاليج جو ايفيليشن لمس ڪاليج ،سان آهي باقي هڪ سال رهجي ويو آهي اسان جي ڪاليج جو ايفيليشن شهيد بينظير يونيورسٽي ڪراچي سان ڪري مايوسي ختم ڪئي وڃي،بعد ۾ پوليس پهچي روڊ کولرائي ورتو.