ٺٽو

متاثرين برسات پنهنجي مدد پاڻ تحت ٺٽي جي جابلو علائقن ڏانهن منتقل ٿيڻ لڳا، سندن سهائتا لاءِ ڪنهن تحرڪ نه ورتو

ٺٽي ضلعي جا برسات متاثر وڌيڪ پريشانين ۾ مبتلا، سوين ڳوٺ برساتي پاڻي هيٺ هجڻ ڪري متاثرين بي حال بڻجي پنهنجي مدد پاڻ تحت ٺٽي جي جابلو علائقن ڏانهن منتقل ٿيڻ لڳا، سندن سهائتا لاءِ ڪنهن تحرڪ نه ورتو، بيماريون عام ٿي ويون، ٺٽي ضلعي اندر ڪاري گونگڙي سم نالي جي تباهه ڪارين جو شڪار ٿيل ميرپوربٺورو ۽ جاتي تعلقن جي متاثرين سميت جابلو علائقن کان آيل پاڻي جي لپيٽ ۾ آيل ٺٽي تعلقي جي ٽن يوسيز ٽنڊو حافظ شاهه، جهرڪ ۽ اونگر جا سوين ڳوٺ اڃان تائين برساتي پاڻي هيٺ آهن، جڏهن ته ٺٽي شهر جي ڪچي آبادي جي ڳوٺن سميت گهوڙاٻاري، ميرپورساڪرو ۽ ساحلي علائقن ڪيٽي بندر، کاروڇاڻ ۽ شاهبندر تعلقن جا اڪثر ڳوٺ به برساتي پاڻي سبب سخت متاثر ٿيا آهن، پر هن وقت تائين برسات متاثرين جي ڪنهن به سهائتا نه ڪئي آهي، ايستائين جو پاڻي ۾ ڦاٿل ماڻهو مجبور ٿي بکايل، اڃايل ۽ نڌڻڪي حالت ۾ پاڻمرادو پاڻي هيٺ آيل علائقن مان نڪري ٺٽي جي جابلو علائقن ۾ کليل آسمان هيٺ رهڻ لڳا آهن

وڌيڪ پڙھو

سسئي پليجو جو ضلعي انتظاميه سان گڏ ريليف ڪيمپ جو دورو. ٻن بيمار عورتن سميت پنجن مريضن کي اسپتال منتقل ڪرايو.

سنڌ جي ثقافت واري وزير ۽ چيئرپرسن ضلعي ريليف مانيٽرنگ ڪميٽي ٺٽو سسڻي پليجو اڄ مڪلي تي زير تعمير ڊسٽرڪٽ جيل اندر بدين جي ٻوڏ متاثرين لاءِ قائم ڪيل ريليف ڪيمپ جو دورو ڪيو ۽ ڪيمپ ۾ بيمار پيل ٻن عورتن سميت پنجن ڄڻن کي پنهنجي نگراني هيٺ علاج خاطر اسپتال منتقل ڪرايو. دوري دوران ڊي سي او ٺٽو محمد جعفر عباسي، اي ڊي او روينيو ڊاڪٽر حفيظ احمد سيال ۽ اي ڊي او آئي ٽي علي احمد بلوچ صوبائي وزير کي ٻڌايو ته اربع تائين ڪيمپ ۾ بدين جي مختلف علائقن مان 221 خاندانن جا 1219 ماڻهو پهچي چڪا آهن جن کي کاڌ خوراڪ وغيره مهيا ڪئي پيئي وڃي. صوبائي وزير ان موقعي تي ڪيمپ اندر وڃي ٻوڏ متاثر عورتن کان حال احوال ورتا جنهن دوران صوبائي وزير کي آگاهي ملي ته هڪ عورت گل بانو ملاح پيٽ سان هئي جنهن جو ٻار پيٽ ۾ فوت ٿي ويو آهي ۽ اها ڳڻتي جوڳي حالت ۾ هئي. صوبائي وزير ڪيمپ جي نگراني ڪندڙ عملي تي سخت ڪاوڙ جو اظهار ڪندي گل بانو سان گڏ مليريا جي بخار ۾ ورتل هڪ ٻي عورت شهناز ملاح سميت 5 بيمار ماڻهن کي پنهنجي نگراني هيٺ اسپتال منتقل ڪرايو

وڌيڪ پڙھو

ٺٽي ۾ برساتي پاڻي نيڪال نه ٿيڻ خلاف ڪچي آبادي سميت ٺٽو شهر جي ڪچي آبادي سميت مختلف پاڙن جي رهواسين جو احتجاجي مظاهرو

ٺٽي ۾ برساتي پاڻي نيڪال نه ٿيڻ خلاف ڪچي آبادي سميت ٺٽو شهر جي ڪچي آبادي سميت مختلف پاڙن جي رهواسين جو احتجاجي مظاهرو ۽ ڌرڻو زوردار نعريبازي، ٺٽو شهر جي ڪچي آبادي، ڳوٺ گل حسن سولنگي، بخاري پاڙي جي رهواسين برساتي پاڻي جو نيڪال نه ٿيڻ خلاف احتجاجي مظاهرو ڪري تعلقه ميونسپل ڪميٽي جي مين گيٽ وٽ ڌرڻو هنيو ، زوردار نعريبازي ڪئي، ان موقعي تي احتجاج ڪندڙ گل حسن سولنگي، صديق ملاح، محمد خاصخيلي ۽ ٻين چيو ته سندن پاڙن ۾ 3 کان 4 فوٽ برساتي پاڻي بيٺل آهي

وڌيڪ پڙھو

بشير خان قريشي کي فوري طور تي آزاد ڪيو وڃي ٻي صورت ۾ پوري سنڌ ۾ مڪمل ڦيٿا روڪ هڙتال ڪئي ويندي: صوفي حضوربخش

جيئي سنڌ محاذ سرور سهتو گروپ جي مرڪزي اڳواڻ صوفي حضوربخش پنهنجي جاري ڪيل بيان ۾ جسقم چيئرمين بشير خان قريشي جي گرفتاري جي سخت لفظن ۾ مذمت ڪندي چيو آهي ته حڪومت پنهنجن کي خوش ڪرڻ لاءِ بشير خان کي گرفتار ڪرايو آهي هن چيو ته حڪومت دهشتگردن کي لڪائڻ ۾ پوري آهي جڏهن ته ڌرتي ڌڻين کي گرفتار ڪيو پيو وڃي، هن چيو ته بشير خان قريشي کي فوري طور تي آزاد ڪيو وڃي ٻي صورت ۾ پوري سنڌ ۾ مڪمل ڦيٿا روڪ هڙتال ڪئي ويندي، جڏهن ته جيئي سنڌ محاذ رياض چانڊيو گروپ جي مرڪزي اڳواڻ نواز شاهه ڀاڏائي بشير خان قريشي جي گرفتاري جي سخت لفظن ۾ مذمت ڪندي چيو آهي ته اها رياستي دهشتگردي آهي

وڌيڪ پڙھو

مشهور ڊاڪٽر ۽ ٽي بي ڪنٽرول پروگرام جو ڪوآرڊينيٽر ڊاڪٽر واسديو لوهاڻو ڪراچي مان بازياب ٿي ويو

40 ڏينهن اڳ ٺٽي کان گلشن حديد ويندي اغوا ٿيل مشهور ڊاڪٽر ۽ ٽي بي ڪنٽرول پروگرام جو ڪوآرڊينيٽر ڊاڪٽر واسديو لوهاڻو ڪراچي مان بازياب ٿي ويو آهي، ان ڏس ۾ مليل ڄاڻ موجب 40 ڏينهن اڳ ٺٽو شهر ۾ موجود پنهنجي پرائيويٽ ڪلينڪ بند ڪري ڪراچي جي گلشن حديد واري علائقي ۾ سندس گهر ڏانهن ويندي اغوا ٿي ويندڙ ٺٽو جو مشهور ڊاڪٽر ۽ ٺٽو جي ٽي بي ڪنٽرول پروگرام جو ڪوآرڊينيٽر ڊاڪٽر واسديو کي ڪراچي پوليس بازياب ڪرائي ورتو آهي ٻڌايو پيو وڃي ته ڪراچي جي سي پي ايل سي پوليس جي نشاندهي تي ڪراچي پوليس جي هڪ وڏي اٽالي ميمڻ ڳوٺ ۾ ڇاپو هڻي ڊاڪٽر واسديو سميت هڪ ٻئي مغوي کي پڻ بازياب ڪرايو آهي

وڌيڪ پڙھو

بشير خان قريشي ۽ سندس ساٿين جي گرفتاري خلاف خلاف ٺٽو جي مختلف شهرن ۾ هڙتال، ٽائرن کي باهيون

جسقم چيئرمين بشير خان قريشي ۽ سندس ساٿين جي قانون لاڳو ڪندڙ ادارن جي اهلڪارن پاران گرفتاري خلاف ٺٽو جي مختلف شهرن ۾ هڙتال، ٽائرن کي باهيون ڏيئي احتجاجي مظاهرا ڪري ڌرڻا هنيا ويا، جسقم چيئرمين بشير خان قريشي ۽ ساٿين جي گرفتاري جي خبر ملندي ٺٽو شهر ۾ ڪارڪن مڇرجي ٻاهر نڪري آيا ۽ سڄي شهر ۾ هڙتال ڪرائي ڇڏي، جنهن سبب شهر جا ڪاروباري مرڪز ، شاهي بازار، سونارا بازار ، کيرابازار ۽ پئٽرول پمپ بند ٿي ويا ۽ مڇريل ڪارڪنن پاران ٽائرن کي باهيون ڏيئي ٺٽو ڪراچي روڊ بلاڪ ڪري ڌرڻو هنيو

وڌيڪ پڙھو

شاهجھان مسجد ٺٽي ۾ برساتن ۽ آفتن کان بچڻ لاءِ توبه استغفار وزير جيل خانه جات صادق علي ميمڻ، ڊي سي او ٺٽو محمد جعفر عباسي ۽ سول سوسائٽي جي ماڻهن جي شرڪت.

ٺٽي ضلعي جي عوام وڏي تعداد ۾ تاريخي بادشاهي مسجد ۾ ظهر(ٻنپهرن) جي نماز ۾ توبه استغفار پڙهي. الله تعالٰي جي در قدرتي آفتن، برسات ۽ ڊينگي بخار جي وڌيڪ نقصانن کان معافي لاءِ ٻاڏايو. نماز ۽ دعا ۾ صوبائي وزير جيل خانه جات صادق علي ميمڻ، ڊي سي او ٺٽو محمد جعفر عباسي، ضلعي جي اعلٰي آفيسرن ۽ سول سوسائٽي سان لاڳاپيل ماڻهن شرڪت ڪئي. ظهر جي نماز بعد شاهجهان مسجد جي امام مولوي عبدالباري جي اڳواڻي ۾ ماڻهن الله تعالٰي کي ٻاڏايو ته هلندڙ برساتن ۽ ڊينگي بيماري جي وڌيڪ نقصانن ۽ ٻين قدرتي آفتن کان معافي ڏني وڃي ۽ پاڪستان ۽ سنڌ صوبي تي رحم ڪيو وڃي، ٻوڏ ۽ برساتن ۾ تباه ٿيل مسڪين ماڻهن لاءِ آسانيون مهيا ڪيون وڃن. بعد ۾ ميڊيا سان ڳالهائيندي صوبائي وزير جيل خانه جات صادق علي ميمڻ چيو ته برساتن ضلعي ٺٽي سميت سنڌ ۾ تمام وڏي تباهي آندي آهي

وڌيڪ پڙھو

ضلعي آفيسر ٻوڏ ستايلن جي بهتر سار سنڀال لهن: سسئي پليجو

صوبائي وزير ثقافت ۽ چيئرپرسن رليف مانيٽرنگ ڪميٽي ضلعو ٺٽو سسئي پليجو ٺٽي ضلعي جي برسات ۽ ٻوڏ ستايلن پاران کاڌ خوراڪ ۽ دوائون جي اڻ پوري فراهمي جو سخت نوٽيس وٺندي لاڳاپيل آفيسرن کي چتاءُٰ ڏنو آهي ته اهي ٻوڏ ستايلن جون شڪايتون دور ڪن ٻي صورت ۾ سندن خلاف سخت ڪارروائي ڪئي ويندي. صوبائي وزير اڄ مڪلي تي ضلعي آفيسرن جي هڪ اعليٰ سطحي اجلاس ۾ ضلعي ۾ برسات ۽ ٻوڏ ستايلن جي رليف واري آپريشن جو جائزو وٺندي لاڳاپيل آفيسرن کي چيو ته کيس شڪايتون مليون آهن ته ٻوڏ ستايلن لاءِ قائم ڪيل ڪيمپن ۾ کاڌ خوراڪ، دوائون ۽ پيئڻ جو پاڻي باقائدگي سان مهيا نه پيو ڪيو وڃي. هن چيو ته ٻوڏ ستايل پهريان ئي تڪليف ۽ پريشاني جي زندگي گذاري رهيا آهن ۽ جيڪڏهن اسان انهن جا ڏک سور نه گھٽايا ته هو وڌيڪ ذهني پيڙا جو شڪار ٿيندا.

وڌيڪ پڙھو

سم نالن جو پاڻي اٿل کائي ڍنڍون ٻورڻ کان پوءِ گهوڙاٻاري تعلقي جي 65 ڳوٺن کي پنهنجي لپيٽ ۾ آڻي ڇڏيو

ٺٽي ضلعي اندر ڪاروگونگهڙو سم نالي کان پوءِ گهوڙاٻاري آئوٽ فال ڊرين سم نالو ٺٽي ضلعي لاءِ ڪارونانگ بڻجي ويو سم نالن جو پاڻي اٿل کائي ڍنڍون ٻورڻ کان پوءِ گهوڙاٻاري تعلقي جي 65 ڳوٺن کي پنهنجي لپيٽ ۾ آڻي ڇڏيو ڊي سي او ٺٽو پاران علائقي جو دورو ڊرينيج کاتي جي ناقص حڪمت عملي تي ناراضگي ظاهر ڪندي داروغو ۽ اسسٽنٽ انجنيئر کي معطل ڪري ڇڏيو ، گهارا بند ڪرڻ جو حڪم، رپورٽ موجب ٺٽي ضلعي جي حدن اندر تازين برساتن کان پوءِ سم نالن جي تباهين جو سلسلو بدستور جاري آهي ٺٽي ميرپورساڪرو ۽ گهوڙاٻاري تعلقن جي سم ۽ برسات جو پاڻي سمنڊ ۾ نيڪال ڪندڙ گهوڙاٻاري آئوٽ فال ڊرين جي اٿل سبب ان کي مهر ڳوٺ ويجهو پنج مخلتف گهارا پئجي ويا آهن جنهن جي نتيجي ۾ گهوڙاٻاري تعلقي جي يوسي مهر جون 10 ديهون مڪمل طور تي پاڻي هيٺ اچي ويون آهن

وڌيڪ پڙھو

ٺٽي ۾ سڀ کان وڌيڪ تباهي سجاول سب ڊويزن ۾ سم نالن جي ڪري ٿي آهي: صادق علي ميمڻ

جيل کاتي جي صوبائي وزير انجنئير صادق علي ميمڻ ٺٽي شهر ۾ برساتن سبب متاثر ٿيل شهري علائقن توڙي ڪچي آبادي وارن علائقن جو دورو ڪري جائزو ورتو ۽ ٽي ايم اي انتظاميا کي شهري علائقن مان برساتي پاڻي جي فوري نيڪال ۽ صاف پاڻي جي فراهمي کي يقيني بنائڻ جون هدايتون ڏنيون ، صوبائي وزير صادق ميمڻ ان موقعي تي صحافين سان ڳالهائيندي چيو ته ٺٽي ضلعي ۾ برساتن سبب تمام گهڻو نقصان ٿيو آهي پر سڀ کان وڌيڪ تباهي سجاول سب ڊويزن ۾ سم نالن جي ڪري ٿي آهي ۽ متاثرن جي علاج ۽ کين محفوظ هنڌن ڏانهن پهچائي راشن فراهم ڪرڻ لاءِ ضلعي حڪومت کي واضح هدايتو ڏنيون ويون آهن

وڌيڪ پڙھو