حيدر آباد

روس سان پاڪستان جا انتهائي ويجها ۽ اعتماد وارا لاڳاپا رهيا آهن جڏهن ته شهيد ذوالفقار علي ڀٽو جي دور ۾ مضبوط لاڳاپن جي بيناد تي اسٽيل ملز جهڙا تحفا پاڪستان جي عوام کي مليا . اهڙو اظهار . صوبائي وزيرثقافت محترمه سسئي پليجو، سنڌ ميوزيم حيدرآباد ۾ ” رشين سينٽر آف سائنس ۽ ڪلچر “ ۽ سنڌ ثقافت کاتي پاران ”رشيا ٽو ڊي “ جي عنوان هيٺ منعقد ڪرايل تصويرن جي نمائش جي افتتاحي تقريب ۾ موڪليل پنهنجي پيغام ۾ ڪيو _ هن چيو ته پاڪستان پيپلزپارٽي جي موجوده حڪومت پڻ روس سان اعتماد واري فضا کي بحال ڪرڻ واري مقصد تحت لاڳاپن کي هٿي وٺرائي رهي آهي . هن چيو ته تصويري نمائش ڏسڻ سان اسان جي نوجوان نسل ۽ اسڪولي ٻارڙن جي همٿ افزائي سميت روس جي ثقافت ، تهذيب ۽ معاشري بابت چڱي ريت ڄاڻ ملندي.

ستادن جي وفاقي تنظيم فپوسا جي سنڌ چيپٽر جي صدر ۽ سائوتا جي صدر پروفيسر نعمت الله لغاري، سيڪريٽري لياقت علي تنيو، ڊاڪٽرعابد حسنين، ڊاڪٽر اظهر شاهه، ڊاڪٽر عبدالمجيد، ڊاڪٽر نور شاهه، ڊاڪٽر عثمان ڪيريو، احسان ميمڻ، ڊاڪٽرعرفانه ملاح، ۽ ٻين چيو آهي ته حڪومت پاران هائير ايجوڪيشن ڪميشن جي بجٽ گهٽائي ڇڏي آهي، جنهن جي موٽ هائير ايجوڪيشن ڪميشن پاران ملڪ جي يونيورسٽين جي بجيٽ گهٽائي ڇڏي آهي، جنهن جي نتيجي ۾ يونيورسٽيون پنهنجو ڪارونهوار بئنڪن مان قرض کڻي هلائي رهيو آهن. جنهن جو تدريسي عمل کي شديد جهٽڪو لڳو آهي، هوڏانهن خيبرپختونخواهه صوبي ۾ اتان جي استادن کي وفاقي حڪومت پاران بجيٽ ۾ وڌايل 15 سيڪڙو پگهار به نه ملي سگهي آه

ضلعي ايڊمنسٽريٽرحيدرآباد احمد بخش ناريجو چيو آهي ته راڻي باغ مان برساتي پاڻي جي نيڪال وارو ڪم هنگامي بنيادن تي هلندڙ آهي جڏهن ته گهڻو ڀاڱي برساتي پاڻي جي نيڪال کي يقيني بڻايو ويو آهي . اهڙن خيالن جو اطهار هن اڄ حيدرآباد جي راڻي باغ ۾ پاڻي جي نيڪال واري ڪم جو جائزو وٺڻ جي موقعي تي ڳالهائيندي ڪيو .ان موقعي تي تعلقي ايڊمنسٽريٽر، ٽي ايم او قاسم آباد ، اسسٽنٽ ڊائريڪٽر چڙياگهر ۽ ٻيا لاڳاپيل عملدار پڻ موجود هئا.ضلعي ايڊمنسٽريٽر احمد بخش ناريجو چيو ته راڻي باغ ۾ پاڻي جي نيڪال وارو نظام بهتر نه هئڻ سبب برساتي پاڻي نيڪال ڪرڻ ۾ مشڪلاتون پيش اچي رهيون پر ٽي ايم ايز قاسم آباد جي ڪوششن سان گهڻي ڀاڱي برساتي پاڻي کي نيڪال ڪيو ويو آهي جڏهن ته ٽي ايم ايز جو عملو ڏينهن رات برساتي پاڻي نيڪال ڪرڻ واري ڪم ۾ مصروف عمل آهي .

لاهور جي نيشنل اسڪول آف پبلڪ پاليسي ۾ مختلف گروپس ۾ سينئر سول آفيسرس پاران 95 نيشنل مينيجمينٽ ڪورس ۾ تربيت حاصل ڪرڻ دوران اندرون ملڪ اسٽڊي ٽوئر جي حوالي سان سنڌ زرعي يونيورسٽي ٽنڊوڄام جو مطالعاتي دورو ڪيو ۽ وائيس چانسلر ڊاڪٽر عبدالقادر مغل سميت يونيورسٽي جي اعليٰ اختيارين سان ملاقات ڪئي، وفد ۾ فيڪلٽي ميمبرس ۽ عملدارن جن ۾ محمد انور گورايا، مس رخسانه شاهه، ڊي آئي جي اي ڊي خواجه، ڊي آئي جي بشير احمد ميمڻ، احمد يارخان، برگيڊيئر محمد فياض، ڊي ايم جي گروپ جي ڪيپٽن رٽائرڊ محمد آفتاب، اعجاز علي خان، ارباب محمد عارف، اورنگزيب حق، رضوان بشير خان، شعيب احمد صديقي، عثمان علي، پي ايس پي آفيسرس سيد اختر علي شاهه، ڪيپٽن عارف نواز خان، بشير احمد، شوڪت حيات، سيڪريٽريٽ گروپ جي سهيل قدير صديقي، ايف ايس پي گروپ جي اياز حسين، پي اي اينڊ اي ايس گروپ جي سيد محمد ايوب، محمد حاصل ڪورائي، شمس الزمان شاهه، ۽ ٻين گروپن مان سيد عظمت علي شاهه، سيد انظر اسماعيل رضوي، وحيد اختر انصاري، احمد خان، نظام الدين . خان محمد مهر ۽ سريلنڪا جي مس ليلواني رامن يانڪي شامل هئا.

جيئي سنڌ قومي محاذ جي چيئرمين بشير خان قريشي چيو آهي ته سنڌي قوم سائين جي ايم سيد جي عدم تشدد واري نظريي جي پوئلڳ آهي. ماڻهن جون دليون دهشتگردي سان نه پر محبت سان کٽي سگهجن ٿيون. سنڌي قوم سنڌ ڌرتي کي پنهنجي ماءُ تصور ڪري ٿي، سنڌ کي ٽڪرا ٽڪرا ڪرڻ جي سازش ۾ ملوث عنصر خدا تعاليٰ جي عذاب کان ڊڄن. سنڌ جي ڀتين تي سنڌ ورهائڻ وارا نعرا سنڌي ماڻهو ڪڏهن به برداشت نه ڪندا. سنڌ۾ مستقل رهندڙ اردو آبادي جو مستقبل سنڌ سان آهي. مهاجر نالي دنيا ۾ ڪٿي به قوم ناهي. اردو ڳالهائيندڙن کي اسان دلي طور پنهنجو ڀاءُ تسليم ڪري سيني سان لڳايو آهي. متحده سان سڀ کان پهريان اسان هٿ ملايو هو، متحده اسان کي مايوس ڪيو. ذوالفقار مرزا ۽ الطاف حسين ۾ هڪجهڙائي آهي. ٻئي پاڪ فوج جي ساراهه ۾ پورا آهن. هن اهڙو اظهار ڪالهه پريس ڪلب حيدرآباد جي صدر جعفر ميمڻ جي دعوت تي پريس ڪلب حيدرآباد ۾ ميٽ دي پريس کي خطاب دوران ڪيو. هن وڌيڪ چيو ته اردو ڳالهائيندڙ ڀائر سنڌ جي ٻين ضلعن جي ماڻهن کان وڌيڪ خوشحال آهن

پاڻي جي نيڪال جي ماهر انجنيئرن پاران موهن جي دڙي مان دريافت ڪيل سيوريج سسٽم کي حيدرآباد جي قاسم آباد تعلقي ۾ متعارف ڪرائڻ جي سفارش ڪندي ان سلسلي ۾ 228.715 ملين رپين جي ڪٿيل لاڳت سان هڪ رٿا پڻ تيار ڪئي وئي آهي جنهن تي عملدرآمد لاءِ ضلعي حۡڪومت حيدرآباد جي لاڳاپيل فورم ( ايڇ ڊي پي) ڏانهن منظوري لاءِ موڪليو آهي _ ڊي سي او حيدرآباد جناب احمد بخش ناريجو هڪ اهم گڏجاڻي جي صدارت ڪندي چيو ته پاڻي جي نيڪال وارو مسئلو خاص طور تي قاسم آباد جو هڪ اهم مسئلو آهي جنهن تي حڪومت جي نه فقط وڏي رقم خرچ ٿيندي رهي آهي ۽ ناقص ڪارڪردگي سبب اربين رپين جي سرڪاري انفراسٽرڪچر ۽ ماڻهن جون ملڪيتون تباهه ٿي رهيون آهن انڪري هاڻ اهو لازم ٿي پيو آهي ته قاسم آباد ۾ پاڻي جي نيڪال لاءِ هڪ دفعو اهڙو نظام متعارف ڪرايو وڃي

سينيئر ميمبر بورڊ آف روينيو ۽ رليف ڪمشنر سنڌ شاذر شمعون ڪالھ بدين ۾ برسات/ ٻوڏ متاثرن جي امدادي ڪيمپن جو دورو ڪيو _ ان کان علاوه هن شادي لارج ، کوسڪي ، پنگريو ۽ گولاڙچي ۾ قائم امدادي ڪيمپن جو پڻ دورو ڪيو. سينيئر ميمبر بورڊ آف روينيو ضلعي انتظاميه بدين کي هدايت ڪئي ته هو متاثرن کي سموريون گهربل سهولتون فراهم ڪن خاص طور تي کين راشن جي فراهمي کي يقيني بڻائڻ سميت سندن مالي سهائتا پڻ ڪئي وڃي _ هن چيو ته سنڌ حڪومت پاران متاثرن جي امداد ۽ بحالي لاءِ اڳ ئي 70 ملين رپيا جاري ڪياويا آهن جڏهن ته وڌيڪ 30 ملين رپين جو چيڪ ڊي سي او بدين حوالي ڪيو ويو آهي

پاڪستان بيت المال جي چيئرمين زمرد خان ڊي سي او آفيس بدين ۾ قومي اسيمبلي جي اسپيڪر ڊاڪٽر فهميده مرزا سان ملاقات ڪئي ۽ برسات متاثرين جي امداد لاءِ ڪيل ڪوششن کي حتمي شڪل ڏني ۽ پاڪستان بيت المال طرفان متاثرين جي 3 هزار خاندان لاءِ کاڌ خوراڪ ۽ خيما وغيره ڏنا _ هن ٻڌايو ته پاڪستان بيت المال بدين جي برسات متاثرن جي اڃا به وڌيڪ مدد ڪندو _قومي اسيمبلي جي اسپيڪر ڊاڪٽر فهميده مرزا ساحلي پٽِي جي مختلف ڳوٺ عادل خاصخيلي ، غلام حسين پرهياڙ۽ نور محمد پرهياڙ بدين ۾ برسات متاثرين سان ملاقات ڪئي _ ان موقعي تي هن 500 کان وڌيڪ راشن ٿيلها ، خيما ، ڪولر، ٿانون کان علاوه ٻيو سامان ورهايو جڏهن ته هن ڳوٺ نور محمد پرهياڙ ۾ موذي بيماري ۾ مبتلا هڪ ٻارڙي سومار ۽ معذور عبداللطيف جو پڻ ذاتي خرچ تي علاج ڪرائڻ جو اعلان ڪيو

ڊائريڪٽر اينيمل هسبنڊري سنڌ حيدرآباد پڌرو ڪيو آهي ته تازين برساتن سبب جانورن جي پالنا واري کاتي پاران ڇهن متاثر ٿيل ضلعن جهڙوڪ بدين ، ٽنڊو محمد خان ، ميرپورخاص ، عمرڪوٽ ، ٿرپارڪر ۽ ٽنڊو الهيار ۾ جانورن جي علاج ۽ وچڙندڙ بيمارين کان بچاءُ جا ٽڪا لڳائڻ لاءِ 57 هنگامي مرڪز مختلف ضلعن ۾ قائم ڪياويا آهن . ان سلسلي ۾ مالوندن کي صلاح ڏني وئي آهي ته اهي قائم ڪيل مرڪزن تي مقرر عملي سان لهه وچڙ ۾ اچي پنهنجن جانورن کي مختلف وچڙندڙ بيمارين کان بچاءُ جا ٽڪا هڻائين جڏهن ته وڌيڪ معلومات لاءِ پنهنجي ضلعي آفيس سان لهه وچڙ ۾ اچن

ڊي سي او حيدرآباد احمد بخش ناريجو آبپاشي کاتي ۽ سيڊا جي انتظاميه کي هدايت ڪئي آهي ته هو سانوڻ جي برساتن جي نئين وسڪاري جي اچڻ کان اڳ دريا جي پيٽ ۾ هٿرادو بندن جي نشاندهي ڪن. ان کان علاوه اتي حددخلين ۽ ٻين رڪاوٽن کي هٽائڻ کي به يقيني بڻائين ته جيئن پاڻي جي بنارنڊڪ روانگي کي جاري رکي سگهجي . هن، واسا انتظاميه کي هدايت ڪئي ته هو سمورن ناڪاره ٿيل پمپنگ مشينن ، جنريٽرن، ڊيزل ٽراليز جي مرمت ڪري استعمال لائق بڻائين ۽ پاڻي جي نيڪال جي مين لائينن جي صفائي کان علاوه ٻئي گهربل سامان جي موجودگي کي به يقيني بڻائين ته جيئن برسات دوران ڪنهن به ناخوشگوار صورتحال کي منهن ڏئي سگهجي . هو اڄ شهباز هال شهباز بلڊنگ حيدرآباد ۾ ضلعي ۾ برساتن جي شروع ٿيندڙ نئين سلسلي کي نظر ۾ رکندي گهربل انتظامن جو جائزو وٺڻ لاءِ منعقد ڪيل گڏجاڻي ۾ آبپاشي، سيڊا، واسا ، ٽي ايم ايز ۽ روينيو کاتي جي عملدارن کان بريفنگ وٺي رهيو هو