آرٽيڪل

دادو ۾ چونڊ سرگرميون تيز

دادو ۾ چونڊ سرگرميون تيز، پ پ مخالف چونڊون کٽڻ لاءِ وڌيڪ سرگرم
دلدار علي چنا،دادو

دلـــــدار عـــــلي چنا
دلـــــدار عـــــلي چنا
چونڊون ويجھي ايندي ئي دادو ۾ چونڊ سرگرميون تيز ٿي ويون آهن. پ پ پ جو ڳڙهه ۽ ويٽنــــام ســــڏيو وينـــدڙ دادو، جنهن ۾ پ پ پ مخالف اميـــدوارن چونڊ ســـرگرميون وڌائي ڇڏيون آهن. پ پ پ پـــاران (ايـن.اي ـ232) قومي اسيمبلي جي تڪ تي رئيس رفيق احمد جمالي ۽ (پي.ايس ـ74) دادو صوبائي تڪ لاءِ بيئريسٽر پير مجيب الحق پارٽي وٽ فارم جمع ڪرايا آهن. جڏهن ته پير مظهـــرالــــحق پاران به چونڊ وڙهـــــڻ جو اعــــلان ڪيو آهي. مســــلم لــــيگ (ن) سنــــڌ جي اڳـــواڻ ليــــاقت علـــــي جتوئي جو پٽ اڳوڻو ضلـــع ناظــــــم ڪــــريم علـــــي جتوئي (اين. اي ـ232) دادو قومي اسيمبلي جي تڪ تي، جڏهـــن ته اڳــــوڻو تعلقه ناظــــم سيـــــد ظفـــــر علي شـــــاهه (پي.ايس ــ74) دادو جي تڪ چونڊ وڙهـــڻ جو اعــــلان ڪيو آهي،جڏهــــن ته مسلـــم ليگ (ن) جي اڳواڻ سردار منظــــور پنهور پاران (اين.اي ــ232) قومي اسيمبلي جي تڪ تي چونڊ وڙهـــڻ جو اعــــلان ڪيو آهي.سردار منظور پنهور پاران دادو جي قومي اسيمبلي جي تڪ تي چونڊ نه وڙهڻ جي صورت ۾ رئيس سليم ڀرٽ چونڊ وڙهــــڻ جو اعــــلان ڪيو آهي. مسلم ليگ (ف) پاران (اين. اي ــ 232) قومي اسيمبلي جي تڪ تان اصغـــر پنهور ۽ صوبائي اسيمبلي جي تڪ (پي. ايس ـ74) دادو تي اڳوڻي (ايم.پي.اي) ۽ (ف) ليگ ضلع دادو جي صدر سيد محمد شاهه چونڊ وڙهـــڻ جو اعلان ڪيو آهي. پ پ شهيد ڀٽو پاران (پي.ايس ــ74) دادو جي صوبائي تڪ تان ڪامـــــريڊ عـــــلي محمد جمــــالي ۽ آزاد اميــــدوار طور رئيس بابــــن پنهور به چونڊ وڙهـــڻ جو اعلان ڪيو آهي.
جوهي جي تڪ تي پ پ پ پاران سيد غــــلام شاهه جيلاني، مسلم ليگ(ن) پاران ڊاڪٽر بنده علي لغاري، مسلم ليگ (ف) پاران رئيس بلا خان شاهاڻي، ايس.يو.پي پاران غلام قادر لغاري، پ پ شهيد ڀٽو پاران يوسف سولنگي، ايس.ٽي.پي پاران يونس سولنگي، آزاد اميـــــدوار طور انور پنهور پاران چونڊ وڙهـــڻ جو اعلان ڪيو ويو آهي. چونڊ ويجھي ايندي ئي مختلف برادرين پنهور اتحاد، ڪوريجا اتحاد، قريشي اتحاد، ٻٻر اتحاد، چــــنا اتحاد، گوپانگ اتحاد ۽ ٻين برادرين پاران پ پ پ کان ناراضگي جو اظهار ڪندي، پنهنجو اميدوار بيهارڻ جو فيصلو ڪيو آهي. جڏهن ته برادرين گڏجاڻين جو سلسلو شروع ڪري ڇڏيو آهي. سڀني برادرين جي اڳواڻ جو چوڻ آهي ته اسان پنهنجو اميدوار بيهارينداسين، ۽ ووٽ به ان کي ئي ڏينداسين.ٻئي پاسي اليڪشن ۾ چونڊ وڙهڻ جو شوق رکندڙ اميدوارن، اڳواڻن تعزيتن ،گڏجاڻين، جلسن، جلوسن جو سلسلو شروع ڪري ڇڏيو آهي.مختلف پارٽين پاران دادو،جوهي ۾ چونڊ سرگرميون شروع ٿيندي ئي بينرن،تصويرن،جھنڊن،چاڪنگ سان سينگاريو ويو آهي. ۽ عوام جون دليون کٽڻ لاءِ عوام سان همدرديون وڌائي ڇڏيون آهن. ۽ هميشه وانگر عوام سان وڏا وڏا وعده ڪيا پيا وڃن.هاڻي ڏسڻو اهو آهي، ته ڪهڙي پارٽي جو اڳواڻ چونڊ ۾ سوڀارو ٿيندو! ڪير ٿو عوام سان ڪيل وعده وچن پورا ڪري ! ۽ ڇا پ پ پ جا اميدوار پنهنجي ڪارڪردگي تحت ڪامياب ٿيندا.
پــــاڻـــي ۽ مـــڇيءَ جــــــو پاڻ ۾ ڪــــيڏو نه آهي پيــــار،
جـــڏهن پـــوي ڄــــار پـــاڻي پـــاڻ ڪــــڍايو وڃــــي. (شاه)

وڌيڪ ڏيکاريو

Leave a Reply

This site uses Akismet to reduce spam. Learn how your comment data is processed.

Back to top button