ايم ڪيو ايم 1992 جي مرحومن جي ورسي ملھائي وئي

ٽنڊوالهيار: متحدہ قومي موومنٽ ٽنڊوالهيار زون جي زير اهتمام سانحو19جون 1992 جي مرحومن جي ورسي انتهائي عقيدت ۽ احترام سان ملهائي وئي. ان سلسلي ۾ گرلزپرائمري اسڪول قلعي چوڪ ٽنڊوالهيارجي مقام تي قرآن خواني ۽ فاتحه خواني جي محفل جو انعقاد ڪيو ويو. ان موقعي تي زونل انچارج سيد محمد علي شاھ ۽ زونل ڪمٽيي جا ميمبر ، ناري ونگ جي ذميدارن ۽ ڪارڪنن ، يونٽ جي ذميدارن ۽ ڪارڪنن ۽ مختلف شعبن جي ذميدارن به شرڪت ڪئي .تقريب جي پڄاڻي تي سڀني حق پرست شهيدين جي ايصال ثواب ۽ درجات جي بلندي جي لاءِ ۽ قائد تحريڪ الطاف حسين جي عمر درازي ، صحت ۽ تندرستي جي لاءِ خاص دعائون ڪئيون وئيون.